ઈલેક્શન 2022 / ક્રિકેટર રવિન્દ્ર જાડેજાના પિતાએ વધાર્યો રાજકીય પારો, અચાનક આ પાર્ટીને સપોર્ટ કરી દેતા લોકો ચોંક્યાં

• રવિન્દ્ર જાડેજાના પિતાની અપીલ
• કોંગ્રેસને મત આપવા કરી અપીલ
• રવિન્દ્ર જાડેજા ભાજપ માટે કરી રહ્યા છે પ્રચાર 

ચૂંટણીને લઈ રાજ્યમાં રાજકીય માહોલ ગરમાયો છે. રાજકીય પક્ષો દ્વારા ઉમેદવારો એક બીજા ઉપર આક્ષેપ-પ્રતિઆક્ષેપ કરી રહ્યા છે. તેવામાં જામનગર ઉત્તરની બેઠક ભારે ચર્ચાનો વિષય બની છે. ભાજપે જામનગર  ઉત્તર  બેઠક પરથી ક્રિકેટર રવિન્દ્ર જાડેજાના પત્ની રીવાબા જાડેજાને ટિકિટ આપી છે. બીજી તરફ આ બેઠક પર રવીન્દ્ર જાડેજાના બહેન નયનાબા કોંગ્રેસ તરફથી પોતાની જ ભાભી વિરુદ્ધ પ્રચાર કરી રહ્યાં હતાં પરંતુ રવિન્દ્ર જાડેજાના પિતા અનિરુદ્ધસિંહ જાડેજાની કોંગ્રેસના ઉમેદવારને મત આપવાની અપીલ કરી રહ્યાં છે

રવિન્દ્ર જાડેજાના પિતાએ કોંગ્રેસને મત આપવા કરી અપીલ
ક્રિકેટર રવિન્દ્ર જાડેજાના પિતાની કોંગ્રેસના ઉમેદવારને મત આપવાની અપીલ કરી છે. રવિન્દ્ર જાડેજાના પિતા અનિરુદ્ધસિંહ જાડેજાની કોંગ્રેસના ઉમેદવારને મત આપવાની અપાલ કરી રહ્યાં છે  જ્યારે ભાજપના ઉમેદવાર તેમના પુત્રવધુ રિવાબા જાડેજા છે. એક તરફ રવિન્દ્ર જાડેજાના બહેન નયબા જાડેજા અને પિતા અનિરુદ્ધસિંહ જાડેજા કોંગ્રેસ માટે પ્રચાર કરે છે તો રવિન્દ્ર જાડેજા તેમના પત્ની રિવાબા જાડેજા માટે પ્રચાર કરી રહ્યાં છે. ભાજપે જ્યારથી રીવાબાને ઉમેદવાર બનાવ્યા ત્યારથી તેઓ તેમના નણંદ નયનાબા તરફથી આક્ષેપો અને પ્રતિઆક્ષેપોનો સામનો કરી રહ્યા છે. હવે નણંદ બાદ સસરા પણ તેમની વિરૂદ્ધમાં પ્રચાર કરી રહ્યાં છે. નયનાબા અનેક વાર રિવાબા પર આરોપ અને આક્ષેપો પણ કર્યો છે.

નયનાબાએ રીવાબા પર અનેક આરોપ પણ લગાવ્યા હતા
કોંગ્રેસના ઉત્તર જામનગર બેઠકના સ્ટાર પ્રચારક નયનાબાએ તેમની ભાભી રીવાબા જાડેજા પર આરોપ લગાવ્યો હતો કે, તે પ્રચાર માટે બાળકોનો ઉપયોગ કરી રહી છે. સહાનુભૂતિ મેળવવા માટે તે બાળકોને પ્રચાર કરી રહી છે. બાળકોનો ઉપયોગ બાળ મજૂરી હેઠળ આવે છે, તેથી કોંગ્રેસના વરિષ્ઠ અધિકારીઓએ પણ ચૂંટણી પંચમાં રિવાબા વિરુદ્ધ ફરિયાદ કરી હતી.

રીવાબાની જ્ઞાતિ પર ઉઠાવ્યા હતો સવાલો 
રીવાબા જાડેજાના નણંદ નયનાબાએ તેમને નિશાન બનાવતા તેમની જાતિ પર પણ સવાલો ઉઠાવ્યા હતા. નયનાબાએ દાવો કર્યો હતો કે, રિવાબાના નામાંકન ફોર્મ પર તેમનું નામ રીવા સિંહ હરદેવ સિંહ સોલંકી તરીકે લખવામાં આવ્યું હતું. જેમાં ક્રોસમાં રવિન્દ્ર જાડેજાનું નામ લખવામાં આવ્યું છે. આ જણાવતા નયનાબાએ દાવો કર્યો હતો કે, તે રવીન્દ્ર જાડેજાની અટકનો ઉપયોગ માત્ર દેખાડો કરવા માટે કરી રહી છે જ્યારે બંનેના લગ્નને 6 વર્ષ થયા છે પરંતુ આજદિન સુધી રીવાબા તેમની અટક બદલી શક્યા નથી.  આ સાથે નયનાબાએ રીવાબાને પૂછ્યું હતું કે, તેઓ કેવી રીતે ઉત્તર જામનગરના લોકોને તેમને મત આપવા માટે અપીલ કરી શકે છે. નયનાબાએ કહ્યું કે, રીવાબા રાજકોટ પશ્ચિમ વિધાનસભા બેઠકના મતદાર છે, પરંતુ તેઓ જામનગર ઉત્તરમાંથી કેવી રીતે ચૂંટણી લડી શકે. રીવાબા પોતાના માટે પણ મત આપી શકશે નહીં, તો તે કેવી રીતે આશા રાખી શકે કે અન્ય લોકો તેમને મત આપે.