ક્રિકેટ / વર્લ્ડ કપ માટે જાહેર કરવામાં આવી પ્રાઈઝ મની, ચેમ્પિયન ટીમ પર થશે પૈસાનો વરસાદ, કુલ ઈનામી રકમ 83 કરોડ રૂપિયા

• ICC વર્લ્ડ કપ 2023 5 ઓક્ટોબરથી શરૂ થવા જઈ રહ્યો છે
• આઈસીસીએ વર્લ્ડ કપ માટે ઈનામી રકમની જાહેરાત કરી 
• વર્લ્ડ કપ જીતનારી ટીમ પર પૈસાનો જોરદાર વરસાદ થશે

World Cup 2023 Prize Money : ICC વર્લ્ડ કપ 2023 5 ઓક્ટોબરથી શરૂ થવા જઈ રહ્યો છે. આ માટેની તૈયારીઓ હવે અંતિમ તબક્કામાં છે. ટીમો પણ ભારત આવવા લાગી છે. જો કે કેટલીક ટીમો વિષે હજુ જાહેર કરવામાં આવી નથી, જે ટૂંક સમયમાં થશે. આ દરમિયાન આઈસીસીએ વર્લ્ડ કપ માટે ઈનામી રકમની જાહેરાત કરી છે. આ વખતે જે પણ ટીમ ચેમ્પિયન બનશે તેના પર પૈસાનો વરસાદ થશે એ નિશ્ચિત છે. તમને જાણીને નવાઈ લાગશે કે આ વખતે જે ટીમ વર્લ્ડ કપ જીતશે તેને આઈપીએલ કરતા પણ વધુ પૈસા આપવામાં આવશે. 

The total prize pool for #CWC23, including the cash prize for the winners, has been announced 💰

Details 👇

— ICC (@ICC) September 22, 2023

આઈસીસીએ વર્લ્ડ કપ માટે ઈનામી રકમની જાહેરાત કરી 
ICC આ ટૂર્નામેન્ટમાં $10 મિલિયન એટલે કે ભારતીય રકમના હિસાબે 83 કરોડ રૂપિયાની ઈનામી રકમનું વિતરણ કરશે. આ વર્ષે વર્લ્ડ કપ જીતનારી ટીમ પર પૈસાનો જોરદાર વરસાદ થશે. રનર્સ અપ માટે પણ સારી એવી રકમ રાખવામાં આવી છે. ICC ક્રિકેટ વર્લ્ડ કપ 2023 માટે કુલ US $10 મિલિયનની જાહેરાત કરી જેમાં વર્લ્ડ કપ જીતનારી ટીમને 4 મિલિયન યુએસ ડોલરનું ઇનામ મળશે, જે ભારતીય ચલણમાં અંદાજે 33 કરોડ 18 લાખ રૂપિયા છે. જ્યારે ફાઈનલ મેચમાં હારનાર ટીમ એટલે કે રનર અપ ટીમને 2 મિલિયન યુએસ ડોલર એટલે કે લગભગ 16.5 કરોડ રૂપિયા આપવામાં આવશે.

Prize money for ICC World Cup 2023: [approx]

Winners - 33 crores
Runner up - 16 crores
Two Semi-finals - 6 crores each
Group stage teams - 82 lakhs each pic.twitter.com/5F8M5plgTN

— Johns. (@CricCrazyJohns) September 22, 2023

દરેક ટીમને મળશે આટલા રૂપિયા 
ગ્રુપ સ્ટેજમાં તમામ 10 ટીમો રાઉન્ડ રોબિન ફોર્મેટમાં એકબીજા સાથે રમશે, જેમાં પોઈન્ટ ટેબલમાં ટોચની ચાર ટીમો સેમિફાઈનલમાં જશે. ગ્રુપ સ્ટેજની રમત જીતવા માટે ઈનામી રકમ પણ આપવામાં આવે છે. ટીમોને દરેક જીત માટે US$40,000  (રૂ. 33.17 લાખ) મળે છે. જૂથ તબક્કાના અંતે જે ટીમો નોકઆઉટ સુધી પહોંચવામાં નિષ્ફળ જાય છે તે દરેકને US$100,000 (રૂ. 82.93 લાખ) મળશે. 

ICC 2023 World Cup prize money:

- Winner - 33.18cr.

- Runner Up - 16.59cr.

- Losers of Semi Finalists - 6.63cr each.

- Group stage finish - 82.94 Lakhs.

- Winner of each group stage match - 33.17 Lakhs. pic.twitter.com/jvvuakw7qv

— Mufaddal Vohra (@mufaddal_vohra) September 22, 2023

વર્લ્ડ કપ ક્રિકેટની સૌથી મોટી ટુર્નામેન્ટ છે 
આ વખતે વર્લ્ડ કપ સૌથી મોટી ઈવેન્ટ હશે. વર્લ્ડ કપની મેચો 10 સ્થળો પર રમાશે અને તેમાં કુલ 48 મેચો રમાશે. 5 ઓક્ટોબરે ડિફેન્ડિંગ ચેમ્પિયન ઈંગ્લેન્ડ અને રનર અપ ન્યૂઝીલેન્ડ વચ્ચે મેચ રમાશે. વર્લ્ડ કપની શરૂઆત પહેલા દરેક ટીમ 46 દિવસ સુધી ચાલનારી ટુર્નામેન્ટની તૈયારી માટે બે પ્રેક્ટિસ મેચ રમશે.

ભારતમાં 5 ઓક્ટોબરથી 19 નવેમ્બર દરમિયાન યોજાનાર ODI વર્લ્ડ કપની 13મી આવૃત્તિમાં કુલ 10 ટીમો ભાગ લેશે. ભારત, ન્યુઝીલેન્ડ, ઈંગ્લેન્ડ, બાંગ્લાદેશ, પાકિસ્તાન, ઓસ્ટ્રેલિયા, અફઘાનિસ્તાન અને દક્ષિણ આફ્રિકા પહેલાથી જ વર્લ્ડ કપ માટે ક્વોલિફાય થઈ ચૂક્યા છે, જ્યારે શ્રીલંકા અને નેધરલેન્ડે ક્વોલિફાયર દ્વારા વર્લ્ડ કપમાં જગ્યા બનાવી છે.