મનોરંજન / પિતા સાથેના લિપલોક વિવાદ પર આખરે પૂજા ભટ્ટે તોડ્યું મૌન, કહ્યું 'તે એક મોમેન્ટ હતી, પરંતુ હું લોકોને...'

• પૂજા ભટ્ટે પર્સનલ જીવન બાબતે અનેક ખુલાસાઓ કર્યા
• મહેશ ભટ્ટ સાથેના લિપલોક બાબતે નિવેદન આપ્યું
•  પૂજા ભટ્ટ જણાવે છે કે, તે એક મોમેન્ટ હતી... 

બોલિવૂડ અભિનેત્રી પૂજા ભટ્ટે 'બિગ બોસ ઓટીટી 2' માં ભાગ લીધા પછી ચર્ચાનો વિષય બની ગઈ છે.  દર્શકોને પૂજા ભટ્ટ ખૂબ જ પસંદ આવી હતી. પૂજા ભટ્ટે પર્સનલ જીવન બાબતે અનેક ખુલાસાઓ કર્યા છે. પૂજાએ તેના પિતા ફિલ્મ નિર્માતા મહેશ ભટ્ટ સાથેના લિપલોક બાબતે પણ નિવેદન આપ્યું છે. 

Have a greater appreciation for freedom post my stint in the #BiggBosOTT2 house. Implore the powers that be to please come together & use their collective might to #freejoymala
@byadavbjp @moefcc @HemantaBishwa @mkstalin @ramachandranmla @rameshpandeyifs @PetaIndia 🙏 pic.twitter.com/0PnvFWpXrV

— Pooja Bhatt (@PoojaB1972) September 2, 2023

મહેશ ભટ્ટ સાથે લિપલોક બાબતે પૂજા ભટ્ટે મૌન તોડ્યું
પૂજા ભટ્ટ જણાવે છે કે, તે એક મોમેન્ટ હતી, જે ખૂબ જ સુંદર રીતે કેપ્ચર કરવામાં આવી છે. જ્યારે લોકો પિતા-પુત્રીના સંબંધને ખરાબ નજરથી જોવે છે, તો તેઓ કંઈપણ કરી શકે છે. હું તેવા લોકોને માત્ર એટલું જ કહીશ કે, તેમણે જે પણ વાંચ્યું અને સાંભળ્યું. તેઓ આગળ પણ આ પ્રકારની વસ્તુઓ જ જોશે અને આ પ્રકારનું જ વાંચશે. 

તમામ બાબતની બે બાજુ હોય છે
પૂજા ભટ્ટ જણાવે છે કે, કોઈપણ બાબતની બે બાજુ હોય છે- સારી અને ખરાબ. એકવાર શાહરૂખ ખાને જણાવ્યું હતું કે, દીકરીઓ હોય છે, તે હંમેશા માતા-પિતાને કહે છે કે, મને કિસ આપો. હું હજુ પણ ખુદને નાની બાળકી માનુ છું અને મારા પિતા માટે હંમેશા નાની બાળકી જ રહીશ. મારા પપ્પા પણ જેવા માણસ છે, તેવા જ રહેશે. 

મહેશ ભટ્ટ દીકરીને લિપલોક કરીને વિવાદમાં આવી ગયા હતા
90ના દાયકામાં પૂજા ભટ્ટ અને મહેશ ભટ્ટે એક મેગેઝીન કવર માટે ફોટોશૂટ કરાવ્યું હતું. જેમાં પૂજા ભટ્ટ અને મહેશ ભટ્ટ એકબીજાને કિસ કરી રહ્યા હતા. બાપ-દીકરીનો આ પ્રકારનો ફોટો જોઈને ખૂબ જ ધમાલ મચી ગઈ હતી. આ કોન્ટ્રોવર્સિયલ ફોટો બાબતે સમગ્ર દેશમાં વિવાદ ઊભો થયો હતો. મહેશ ભટ્ટે જ્યારે કહ્યું કે, ‘પૂજા ભટ્ટ મારી દીકરી ના હોત તો હું તેની સાથે લગ્ન કરી લેત.’ આ પ્રકારનું નિવેદન સામે આવતા વિવાદ વધુ વકરી ગયો હતો.