અમદાવાદ મહાપાલિકાએ ટાયર કિલર બમ્પને પ્રાયોગિક ધોરણે લગાવ્યા કે જેથી જો કોઈ રોંગ સાઈડમાં વાહન હંકારે તો કિલર બમ્પથી ટાયર જ ફાટી જાય પરંતુ કદાચ લોકોને પણ બેજવાબદારીપૂર્વક વર્તન જોવા મળ્યું છે
Share
અમદાવાદમાં રોંગ સાઈડમાં વાહન હંકારવા સામે પોલીસની ડ્રાઈવ
રોંગ સાઈડ વાહન હંકારતા અટકાવવા AMCએ પહેલ કરી
AMCએ ચાંદલોડિયા બ્રિજ નીચે ટાયર કિલર બમ્પ લગાવ્યા
અમદાવાદ પોલીસે શરૂ કરેલી ડ્રાઈવ અને લોકોની ટ્રાફિક સેન્સ કેટલી તે આપણે જાણીએ જ છીએ. તથ્ય પટેલે 9 જિંદગી હણી નાંખી તેના ઘાએ 9 મૃતકોના મનમાંથી તો રુઝાયા નહીં હોય ત્યારે હવે આવા બનાવ ન બને તે માટે અમદાવાદ મહાપાલિકા મોડે-મોડે પણ એક પહેલ કરી રહ્યું છે. અમદાવાદ મહાપાલિકાએ ટાયર કિલર બમ્પને પ્રાયોગિક ધોરણે લગાવ્યા કે જેથી જો કોઈ રોંગ સાઈડમાં વાહન હંકારે તો કિલર બમ્પથી ટાયર જ ફાટી જાય. પરંતુ કદાચ લોકોને પણ બેજવાબદારીપૂર્વક જ વર્તવું છે એટલે જ અમદાવાદ શહેરમાં ઠેર-ઠેર એવા દ્રશ્યો જોવા મળ્યા કે જ્યાં લોકો થોડા અંતર સુધી ન ફરવું પડે તે માટે થઈને રોંગ સાઈડમાં વાહન હંકારી રહ્યા હતા. વાત આટલેથી ન અટકી કારણ કે જે ચાંદલોડિયા બ્રિજ પાસે ટાયર કિલર બમ્પ લગાવેલા હતા લોકો તેના પર પણ જાણે કંઈ બન્યું જ નથી તેમ વાહન હંકારતા હતા. કેટલાકે તો તેનો રસ્તો પણ શોધી લીધો કે જેમાં ટાયર કિલર બમ્પની નજીક વાહન આવે કે તરત જ વાહન ઉપરથી ઉતરી જવાનું અને પછી હળવેકથી વાહન દોરી જઈને રોંગ સાઈડમાં વાહન હંકારી મુકવાનું. આટઆટલી બેજવાબદારી પછી એવો સવાલ સ્વભાવિક થાય કે પોલીસ ગમે તેટલી ડ્રાઈવ કરે પરંતુ બેજવાબદાર લોકો દંડાની ભાષા સિવાય કોઈ ભાષા સમજશે ખરા.
પોલીસની ડ્રાઈવ
માર્ગ અકસ્માતના અનેક બનાવ છતા રોંગ સાઈડમાં લોકો વાહન ચલાવે છે તેમજ અમદાવાદમાં રોંગ સાઈડમાં વાહન હંકારવા સામે પોલીસની ડ્રાઈવ ચાલી રહી છે. અમદાવાદના પૂર્વ વિસ્તારમાં પોલીસે વિશેષ ડ્રાઈવ હાથ ધરી અને સોનીની ચાલીથી રામોલ સર્કલ સુધી પોલીસનું ચેકિંગ ચાલ્યું જેમાં રોંગ સાઈડ વાહન હંકારનારાઓને મેમો ફટકાર્યા હતો તેમજ ગમે ત્યાં વાહન પાર્ક કર્યું હોય તેને પણ ડિટેઈન કર્યા હતા
ટ્રાફિક સેન્સ દંડાથી જ આવશે?
અકસ્માત ટાળવા અમદાવાદ પોલીસ ટ્રાફિક ડ્રાઈવ ચલાવી રહી છે તો બીજી તરફ અમદાવાદના બોપલ વિસ્તારમાં જુદી જ સ્થિતિ જોવા મળી છે. VTV NEWSના રિયાલીટી ચેકમાં ચોંકાવનારા દ્રશ્યો સામે આવ્યા હતા. બોપલના વકીલ સાહેબ બ્રિજ પાસે લોકો રોંગ સાઈડમાં વાહન હંકારી રહ્યા હતા અને લોકોને પૂછતા અવનવા બહાના બતાવી રહ્યા હતા. લોકોનો આશ્ચર્યજનક તર્ક હતો કે સીધા રસ્તે 2 કિલોમીટર ફરવું પડે છે. 2 કિલોમીટર ફરવું ન પડે માટે રોંગ સાઈડ વાહન હંકારવાનો તર્ક બતાવ્યો હતો તો કેટલાક લોકોને પૂછતા એવો તર્ક આપ્યો કે બધા રોંગ સાઈડ જ જાય છે.
કિલર બમ્પની પણ અસર નહીં!
અમદાવાદમાં રોંગ સાઈડ વાહન હંકારતા અટકાવવા AMCએ પહેલ કરી છે. AMCએ ચાંદલોડિયા બ્રિજ નીચે ટાયર કિલર બમ્પ લગાવ્યા તેમજ ટાયર કિલર બમ્પની પણ જાણે લોકો ઉપર કોઈ અસર નથી. ટાયર કિલર બમ્પ ઉપર પણ લોકો વાહન હંકારી રહ્યા હતા અને કેટલાક લોકો ટાયર ન ફાટે તે રીતે વાહન ઉપરથી ઉતરીને વાહન લઈ ગયા હતા.
