BIG NEWS / 2 લાખ પરિવારોને મળશે ઘર, IIM શિલૉંગ સહિત 6800 કરોડની યોજનાઓની ભેટ: આજથી PM મોદીનું મિશન નોર્થ-ઈસ્ટ

• આજે મેઘાલય અને ત્રિપુરાના પ્રવાસ પર પીએમ મોદી 
• હજારો કરોડની યોજનાઓનો મળશે લાભ 
• બે લાખથી વધારે લોકોને મળશે PM આવાસ 

પ્રધાનમંત્રી નરેન્દ્ર મોદી આજે નોર્થ ઈસ્ટ એટલે પૂર્વોત્તરના બે રાજ્યોના પ્રવાસ પર રહેશે. આજે ત્રિપુરા અને મેઘાલયના નાગરિકોને હજારો કરોડ રૂપિયાના કામનોની ભેટ આપવામાં આવશે. આવાસ, સડક, કૃષિ, IT અને ટૂરિઝમ સહિત અનેક પરિયોજનાઓની આજે શિલાન્યાસ થશે. પીએમ મોદી આ એક જ પ્રવાસમાં કુલ 6,800 કરોડ કરતાં પણ વધારે રૂપિયાના વિકાસ કાર્યોની ભેટ આપવાના છે. 

I look forward to visiting Meghalaya and Tripura tomorrow, 18th December, to take part in various programmes aimed at furthering the growth trajectory of these states and the entire Northeast region. https://t.co/XEEQPPFmHc

— Narendra Modi (@narendramodi) December 17, 2022

આ સાથે જ ઉત્તર પૂર્વ પરિષદની સ્વર્ણ જયંતી સમારોહમાં સામેલ થશે PM મોદી તથા બેઠક પણ કરવામાં આવશે. 

• અગરતલામાં PM આવાસ યોજના હેઠળ બે લાખ લોકોનું ગૃહ પ્રવેશ 
• 320 4G ટાવર કરશે સમર્પિત, 890 હજુ નિર્માણાધીન 
• મેઘાલય, મણિપુર અને અરુણાચલ પ્રદેશમાં ચાર અલગ અલગ સડક પરિયોજનાઓની શરૂઆત 
• શિલોંગમાં IIM નું કરાશે ઉદ્ઘાટન 
• મેઘાલયમાં મશરૂમ વિકાસ કેન્દ્રનું ઉદ્ઘાટન, આ સિવાયનની અનેક પરિયોજનાની થશે શરૂઆત 
• અગરતલામાં સરકારી ડેન્ટલ કૉલેજનું પણ ઉદ્ઘાટન 

મકાન અને સડક પર જોર 
નોંધનીય છે કે પ્રધાનમંત્રી મોદીના આ પ્રવાસમાં સૌથી વધારે ધ્યાન પીએમ આવાસ યોજના પર જઈ રહ્યું છે કારણ કે એકસાથે 2 લાખથી વધારે લાભાર્થીઓને ગૃહપ્રવેશ કરાવવામાં આવશે. સાથે સાથે નેશનલ હાઇવે 8ને પહોળો કરવાનું કામ શરૂ કરી દેવામાં આવશે જેથી ટ્રાફિકની સમસ્યાનું નિવારણ થઈ શકે. 

બંને રાજ્યોમાં છે ચૂંટણી 
ખાસ વાત એ છે કે ત્રિપુરા અને મેઘાલય બંને રાજ્યોમાં આગામી વર્ષમાં ચૂંટણી થવાની છે. ત્રિપુરામાં ભારતીય જનતા પાર્ટી સત્તામાં છે અને મેઘાલયમાં પાર્ટી મજબૂત થવા માટે પ્રયાસ કરી રહી છે.