- જૂલાઈ મહિનાનો આજથી પ્રારંભ
- આ મહિનામાં જન્મેલા લોકો થાય છે સફળ
- સ્વાસ્થ્યની બાબતમાં રહે છે થોડા કાચા
People Born in July: જૂલાઈ મહિનાની શરૂઆત થઈ ચૂકી છે ત્યારે જ્યોતિષ શાસ્ત્ર અનુસાર આ મહિનામાં જન્મેલા લોકો પોતના જીવનમાં મોટાભાગે અમીર અને સફળ થતાં હોય છે. પ્રિયંકા ચોપરા, ટોમ હેંક્સ, દલાઈ લામા, મહેન્દ્ર સિંહ ધોની વગેરે લોકો આ જ મહિનામાં જન્મ્યા છે. જૂલાઈ મહિનામાં જન્મેલા લોકોની ખાસિયત છે કે તેઓ પોતાના ક્ષેત્રમાં સફળતાની ટોંચ પર પહોંચે છે. જાણો સ્વભાવે કેવા હોય છે આ લોકો?
લવ લાઈફ
જૂલાઈમાં જન્મેલા લોકોનો વ્યવહાર થોડી-થોડી ક્ષણોમાં બદલાઈ શકે છે. તેમનું હદય કોમળ હોય છે તેના લીધે તેમને સરળતાથી માઠું લાગી શકે છે. આ મહિનામાં જન્મેલા લોકો જલ્દીથી પ્રેમ સંબંધ નથી બનાવતા કારણકે તેઓને ભય હોય છે કે તેમનો પાર્ટનર તેમનું દિલ ન તોડી દે. પરંતુ જ્યારે તેઓ કોઈપર વિશ્વાસ મૂકે છે અને પ્રેમ સંબંધ બનાવે છે ત્યારે હંમેશા તે રિલેશનમાં તેઓ ઈમાનદાર રહે છે. તેથી આ મહિનામાં જન્મેલા લોકોનું દાંપત્ય જીવન સારું રહે છે.
આશાવાદી હોય છે
જૂલાઈમાં જન્મેલા લોકો આશાવાદી હોય છે. તેઓ જાણે છે કે મુશ્કેલ પરિસ્થિતિમાં કેવી રીતે સકારાત્મક રહેવું જોઈએ. આ લોકોને હંમેશા આશા હોય છે કે અંતમાં બધું બરાબર થઈ જ જશે તેથી તેઓ ક્યારેય પણ પોતાના નિરાશાવાદી વિચારોને મગજમાં આવવા દેતાં નથી.
આર્થિક રૂપે સુરક્ષિત
જૂલાઈમાં જન્મેલા લોકો હંમેશા આર્થિક રૂપે સુરક્ષિત રહેવા ઈચ્છે છે અને તે માટે તેઓ અથાગ પરિશ્રમ કરવા પણ તૈયાર કહે છે.આ મહિનામાં જન્મેલા લોકો કરિયર ઓરિયેન્ટેડ હોય છે. જે કામ તેઓ શરૂ કરે છે તેને પૂર્ણ કરે જ છે.
વ્યક્તિત્વ
આ મહિનામાં જન્મેલા લોકો સુવ્યવસ્થિત હોય છે. મહેનતી હોવાની સાથે ચીજોને વ્યવસ્થિત રીતે સાચવતા જાણે છે.આ લોકો રહસ્યવાદી અને મૂડી સ્વભાવનાં હોય છે. તેઓ પોતાના દરેક નિર્ણય સમજી વિચારીને જ લે છે. તેમનો સ્વભાવ તેમને ડિપ્લોમેટિક બનાવે છે. મેનેજમેન્ટ સ્કિલ ઉત્તમ હોય છે.
સ્વાસ્થ્ય
સ્વાસ્થ્યનાં મામલામાં જૂલાઈ મહિનામાં જન્મેલા લોકો બેદરકાર હોય છે જેના લીધે તેમને ક્યારેક મુશ્કેલીનો સામનો કરવો પડી શકે છે. આ મહિનામાં જન્મેલા લોકોએ ઠંડી ચીજોનું સેવન ન કરવું જોઈએ કારણકે એલર્જીની સમસ્યા થઈ શકે છે. ક્યારેક તેઓ આળસનાં લીધે પોતાને નુક્સાન પહોંચાડી શકે છે. જો તેઓ પોતાની ખામીઓ પર કામ કરે તો તેમને જીવનમાં ચોક્કસથી સફળતા મળી શકે છે.
