કોરોના વાયરસ / પાનના ગલ્લાઓ પર તંત્રએ તવાઇ બોલાવતા એસોસિએશને લીધો મહત્વનો નિર્ણય, રાજ્યમાં આવતીકાલથી...

• કોરોનાના વધતા સંક્રમણના પગલે લેવાયો નિર્ણય
• પાનના ગલ્લાઓ પર માત્ર પાર્સલ મસાલા જ વેચાશે
• ગુજરાત પાન-મસાલા શોપ ઓનર એસો.નો નિર્ણય

પાન-મસાલા ખાનારા લોકો માટે મહત્વના સમાચાર સામે આવ્યા છે. કોરોના વાયરસના સંક્રમણના પગલે આવતીકાલથી રાજ્યમાં પાનના ગલ્લા પર માત્ર પાન-મસાલાના પાર્સલ જ મળશે. આ નિર્ણય ગુજરાત પાન-મસાલા શોપ ઓનર એસોસિએશન દ્વારા લેવામાં આવ્યો છે.

મહત્વનું છે કે, અમદાવાદ અને સુરતમાં જાહેરમાં થૂંકવા પર રૂ.500નો દંડ ફટકારવામાં આવે છે. તો પાનના ગલ્લા પાસે પણ જો કોઇ ગ્રાહક થૂંકશે તો દુકાનદારને 10000નો દંડ ફટકારવામાં આવે છે. અમદાવાદ મ્યુનિસિપલ કોર્પોરેશને પાનની દુકાનો પર તવાઇ બોલાવી છે. ત્યારે અમદાવાદ મ્યુનિસિપલ કોર્પોરેશનની કાર્યવાહીના કારણે પાનની દુકાન માલિકોમાં રોષ જોવા મળી રહ્યો છે. અમદાવાદ મ્યુનિસિપલ કોર્પોરેશનની કાર્યવાહીના કારણે પાનની દુકાન માલિકોના ધંધાને અસર પડી છે. અને માત્ર 20થી 25 ટકા ધંધો થઇ રહ્યો છે. જેના કારણે વેપારીઓમાં ભારે રોષ ફેલાયો છે. જેને પગલે આજે ગુજરાત પાન મસાલા શોપ ઓનર્સ એસોસિએશને એક મહત્વપૂર્ણ નિર્ણય લીધો છે.

ગુજરાત પાન મસાલા શોપ ઓનર્સ એસોસિયેશનો મહત્વનો નિર્ણય, આવતીકાલથી દરેક પાન-મસાલાની દુકાનો પર મસાલો લાઈવ બનાવી આપવામાં આવશે નહીં. ગ્રાહકોને પાન-મસાલાના પાર્સલો આપવામા આવશે. જેને કારણે હવે ભીડ કે સોશિયલ ડિસ્ટન્સિગનો પ્રશ્ન પણ હલ થઈ જશે.@CMOGuj @vijayrupanibjp @GujHFWDept @AmdavadAMC pic.twitter.com/2Y52AK23Ie

— VTV Gujarati News and Beyond (@VtvGujarati) July 17, 2020

એસોસિએશને જણાવ્યું હતું કે, આવતીકાલથી દરેક પાન-મસાલાની દુકાનો પર મસાલો લાઈવ બનાવી આપવામાં આવશે નહીં. ગ્રાહકોને પાન-મસાલાના પાર્સલો આપવામા આવશે. જેને કારણે હવે ભીડ કે સોશિયલ ડિસ્ટન્સિગનો પ્રશ્ન પણ હલ થઈ જશે.