- હરીયાણાના ફરીદાબાદની મહિલા સાથે છેતરપિંડી
- સાયબર ઠગોએ બેંક એકાઉન્ટ કરી નાખ્યું ખાલી
- પોલીસે મહિલાની ફરિયાદ આધારે તપાસ શરૂ કરી
જેમ જેમ વિશ્વમાં ટેક્નોલોજીનો ઉપયોગ વધી રહ્યો છે. તેમ હેકિંગ, સાયબર એટેક, અને સાયબર ફ્રોડ જેવા સાયબર ક્રાઈમોનું પ્રમાણ સતત વધી રહ્યું છે. અન્ય ક્રાઈમોની સાથે હવે સાયબર ક્રાઈમની ગુનાખોરી દિવસે દિવસે મોટા ઉછાળા મારતા વધી રહી છે. સાયબર ગુનેગારો ગુનાને અંજામ આપવા માટે નવી નવી મોડસ ઓપરેન્ડી વાપરી રહ્યા છે. સીમ કાર્ડ સ્વાઈપ કરીને, ATM મશીન હેક કરીને, માલવેબનો ઉપયોગ કરીને સાયબર ક્રાઈમને અંજામ આપતા હોય છે. એવામાં સાયબર ક્રાઈમનો વધુ એક બનાવ સામે આવ્યું છે. હરિયાણાના ફરીદાબાદની મહિલાને ઓનલાઈન રમકડું 4.16 લાખનું પડ્યું છે. હાલ મહિલાની ફરિયાદના આધારે પોલીસે તપાસ શરૂ કરી દીધી છે.
ઓનલાઇન નંબર સર્ચ કરી ફોન કર્યો
મહિલાએ નોંધાવેલ ફરિયાદ અનુસાર, તેણે ઓનલાઈન શોપિંગ સાઈટ પરથી ટોય ગન મંગાવી હતી. આ ટોય ગન (રમકડાની બંદૂક) ખરાબ હોવાથી રિપ્લેશ કરાવવા માટે તેણે ઓનલાઈન શોપિંગ સાઈટનો કસ્ટમર કેર નંબર સર્ચ કર્યો હતા. જે બાદ ઓનલાઇન મળેલા નંબર પર ફોન કરીને આ ટોય ગનને એક્સચેન્જ કરવા માટે કહ્યું હતું. આ દરમિયાન સામેની વ્યક્તિએ તેને કહ્યું હતું તમારા ફોનમાં બીજા નંબર પરથી કોલ આવશે, જેમને તમે તમારી વિગતો જણાવી દેજો.
મોબાઇલમાં એપ ડાઉનલોડ કરાવી ઉપાડી લીધા પૈસા
જે તેના ફોનમાં બીજા નંબર પરથી ફોન આવ્યો. ફોન કરનારે તેને મોબાઈલ રિમોટ ટેકિંગ એપ ડાઉનલોડ કરી હતી. આ પછી ખાતામાંથી એક રૂપિયાનું ટ્રાન્ઝેક્શન કરવાનું કહ્યું હતું. આ પછી ખાતામાંથી 4.16 લાખ રૂપિયા ઉપાડી લેવામાં આવ્યા હતા. ખાતામાંથી પૈસા ઉપાડવાનો મેસેજ ફોન પર આવતા તેને છેતરપિંડીની જાણ થઈ હોવાની જાણ થઈ હતી. જે બાદ તેણે પોલીસમાં ફરિયાદ નોંધાવી છે. સાયબર સ્ટેશન NITની પોલીસનું કહેવું છે કે કેસ નોંધીને મામલાની તપાસ કરવામાં આવી રહી છે.
ઓનલાઇન સાયબર ફ્રોડથી કેવી રીતે બચવું
- સાયબર ક્રાઈમથી બચવા માટે વ્યક્તિએ હંમેશા સજાગ, સતર્ક અને સાવચેત રહેવું જોઈએ. આપણી લાઈફ સ્ટાઇલમાં સાયબર સિક્યોરિટીને અપનાવવી પડશે.
- નાની નાની તકેદારી રાખો. તમારા ઉપકરણને સુરક્ષિત કરો. એક સારો એન્ટીવાયરસ પ્રોગ્રામ ઇન્સ્ટોલ કરો જેથી તમારું ડિવાઇસ અને તમારા ડિવાઇસની અંદરની માહિતી સુરક્ષિત રહે.
- ઓનલાઈન ટ્રાન્ઝેક્શન કરતી વખતે સુરક્ષિત પ્લેટફોર્મનો જ ઉપયોગ કરો.
- જો તમે ક્રેડિટ કાર્ડનો ઉપયોગ કરો છો, તો તેની લિમિટ ઓછી રાખો, કારણ કે સાયબર એટેક થશે તો પણ નુકસાન ઓછું થશે.
- જો તમે ઓનલાઈન ટ્રાન્ઝેક્શન કરો છો તો ઓનલાઈન ટ્રાન્ઝેક્શનની એલર્ટ મેસેજ સર્વિસ ચોક્કસ કરો જેથી તમને દરેક ટ્રાન્ઝેક્શનની માહિતી યોગ્ય સમયે મળી રહે.
- છેતરપિંડીના કિસ્સામાં નેશનલ સાયબર ક્રાઈમ રિપોર્ટિંગ પોર્ટલ cybercrime.gov.in પર તમારી ફરિયાદ નોંધાવો
- નેશનલ સાયબર ક્રાઈમ હેલ્પલાઈન નંબર 1930 પર ફરિયાદ નોંધાવો.
- KYC, આધાર નંબર, OTP નંબર કોઈપણ અજાણ્યા વ્યક્તિ સાથે શેર કરશો નહીં.
