- લાઈટ બલ્બ ચેન્જ કરવાને બદલે 1 કરોડ રૂપિયાનો પગાર...!
- સોશિયલ મીડિયા પર આ જોબ ઓફર વાયરલ
- જાણો શું છે આ જોબ ઓફર પાછળનું સત્ય
માત્ર લાઈટ બલ્બ ચેન્જ કરવાને બદલે 1 કરોડ રૂપિયાનો પગાર...! તમને જાણીને નવાઈ લાગશે. પરંતુ સોશિયલ મીડિયા પર આવી જ એક જોબ ઓફર ચર્ચામાં આવી ગઈ છે. આટલી તગડી રકમનો પગાર આપવા છતાં વધુ લોકો આ નોકરી માટે અરજી નથી કરી રહ્યા. આ કામમાં જોખમ ઘણું છે. જાણો શું છે આ જોબ ઓફર.
સોશિયલ મીડિયા પર વાયરલ થયેલ નોકરીની જાહેરાત વિશે માનવામાં આવે તો આ નોકરી ટાવર લાલટેન ચેન્જર (Tower lantern Changer)ની છે. અમેરિકાના સાઉથ ડેકોટામાં આ નોકરી ઓફર કરવામાં આવી છે. જે માટે 600 મીટર કરતા પણ ઉંચા સિગ્નલ ટાવર પર ચઢીને આ બલ્બ બદલવાનો રહેશે.
આ ટાવર સામાન્ય ટાવર કરતા અલગ હોય છે, જે ખૂબ જ ઊંચા હોય છે. આ ટાવરની ટોચ ખૂબ જ પતલી હોય છે. આ ટાવરની ટોચ પર પહોંચવું અને ત્યાં ઊભા રહીને બલ્બ બદલવો તે ખૂબ જ અઘરો ટાસ્ક છે. આ ટાવર પર ચઢવા માટે સેફ્ટી માટે એક દોરડા (સેફ્ટી કેબલ)નો ઉપયોગ કરવામાં આવે છે.
- નોકરી મેળવવા માટેની શરત
- આ નોકરી માટે શરત મુકવામાં આવી છે કે, અરજીકર્તાને ઉંચાઈથી ડર ના લાગવો જોઈએ અને શારીરિક રીતે ફિટ હોવો જોઈએ.
- એક વર્ષ કરતા ઓછો અનુભવ ધરાવનાર લોકો પણ આ જોબ માટે અરજી કરી શકે છે. અનુભવના આધાર પર પગાર આપવામાં આવશે. શરૂઆતની આવક સામાન્ય કરતા ખૂબ જ વઘુ હશે.
આ કામ કેટલું અઘરું છે?
કહેવામાં આવી રહ્યું છે કે, આ 600 મીટરના ટાવરની ટોચ પર ચઢવામાં 3 કલાકથી વધુ સમય લાગે છે. ઉતરવામાં પણ આટલો જ સમય લાગે છે. જેથી આ નોકરી 6-7 કલાકની રહેશે. ઉપરાંત ટાવરની ટોચ પર પ્રતિ કલાક 100 કિલોમીટરની ઝડપે પવન ફૂંકાય છે. જેના કારણે બલ્બ બદલવાનું કામ ખૂબ જ અઘરું બની જાય છે.
જે પણ વ્યક્તિ આ કામ કરશે, તેને વાર્ષિક 1,00,000 પાઉન્ડ (1 કરોડ રૂપિયા) પગાર આપવામાં આવશે. દર 6 મહિને એકથી બે વારટાવરનો બલ્બ બદલવાનો રહે છે. બલ્બ બદલનાર વ્યક્તિએ આ ટાવર પર એકલા જ ચઢીને કામ કરવાનું રહેશે.
ટિકટોક પર નોકરીની જાહેરાત વાયરલ
આ નોકરીની જાહેરાત ટિકટોક પર વાયરલ છે. આટલું મોટું સેલેરી પેકેજ હોવા છતાં અરજીકર્તાઓની સંખ્યા ખૂબ જ ઓછી છે. આ કામ ખૂબ જ જોખમી છે. સૌથી પહેલા આ જોબ ઓફરની જાહેરાત Science8888 નામના એકાઉન્ટ પરથી શેર કરવામાં આવી હતી. અત્યાર સુધીમાં આ જોબ ઓફરને અનેક વ્યૂઝ મળ્યા છે. કેપ્શનમાં લખવામાં આવ્યું છે કે, દરેક વ્યક્તિ આ કામ ના કરી શકે. તમને જણાવી દઈએ કે, આ વાયરલ દાવાની પુષ્ટી થઈ શકી નથી.
