- MP-MLA કોર્ટે મુખ્તાર અંસારીને દોષી કરાર કર્યો
- 10 વર્ષની સજા સાથે 5 લાખનો ફાઈન
- સતત ત્રીજા કેસ માટે અંસારી દોષી કરાર
માફિયા ડોન મુખ્તાર અંસારીને ગેંગસ્ટર મામલામાં MP-MLA કોર્ટે 10 વર્ષની સજા સંભળાવી છે. આ સાથે જ તેના પર 5 લાખનો ફાઈન પણ લગાડવામાં આવ્યો છે. મુખ્તારનાં સહયોગી સોનૂ યાદવને પણ 5 વર્ષની સજા અને 2 લાખનો ફાઈન ફટકારવામાં આવ્યો છે. જો કે મુખ્તારનાં વકીલ લિયાકતે કહ્યું કે આ કેસ મેંટેનેબલ નથી અમે હાઈકોર્ટમાં અપીલ કરશું અને આશા છે કે અમને ત્યાં ન્યાય મળશે.
આજે કોર્ટે સજાનું એલાન કર્યું
MP-MLA કોર્ટનાં જજ અરવિંદ મિશ્રની કોર્ટે ગેંગસ્ટર મામલામાં અંસારીને ગઈકાલે દોષી કરાર કર્યો હતો. જ્યારે આજે કોર્ટે સજાનું એલાન કરતાં કહ્યું કે જજ આ નિર્ણયમાં મને કોઈ વાંધો નથી હું તો 2005થી જેલમાં બંધ છું.
સતત ત્રીજા કેસ માટે સજા સંભળાવી
ગેંગસ્ટર એક્ટનાં ત્રીજા કેસમાં મુખ્તાર અંસારીને સતત સજા સંભળાવવામાં આવી છે. આ પહેલાં ગાઝીપુરનાં MP-MLA કોર્ટે અવધેશ રાય હત્યાકાંડ બાદ નોંધાયેલ ગેંગસ્ટર એક્ટનાં કેસમાં અને કૃષ્ણાનંદ રાય હત્યાકાંડ બાદ નોંધાયેલ ગેંગસ્ટર કેસમાં સજા સંભળાવી હતી.
આ કેસમાં માફિયાને મળી હતી સજા
19 એપ્રિલ 2009નાં કપિલ દેવ સિંહ હત્યાકાંડ અને 24 નવેમ્બર 2009નાં મીર હસન અટેક કેસમાં મુખ્તાર અંસારીની સામે ગેંગસ્ટર કેસ નોંધવામાં આવ્યો હતો. આ કાંડનાં મુખ્ય કેસમાં અંસારીને કોર્ટ દ્વારા બેલ આપી દેવામાં આવી હતી. પોલીસે આ બંને મામલામાં મુખ્તાર અંસારીને 120 બી અંતર્ગત કાવતરું રચવાનો આરોપી કરાર કરવામાં આવ્યો હતો પરંતુ પોલીસ આ આરોપ સાબિત નહોતી કરી શકી જેના કારણે બંને કેસોમાં કોર્ટે તેને મુક્ત કર્યો હતો. પણ હવે ગેંગસ્ટર એક્ટ અંતર્ગત કોર્ટે તેને દોષી કરાર કર્યો છે.
