ભાજપ દ્વારા લોકસભાની ચૂંટણીની તૈયારીઓ શરૂ કરી દીધી છે. તો બીજી તરફ બેંગ્લુરૂમાં કોંગ્રેસ સહિત 26 પક્ષની બેઠકનું આયોજન કરવામાં આવ્યું હતું. લોકસભાની ચૂંટણી વિપક્ષો એક સાથે મળીને લડવાનું નક્કી કરી મોદી સરકારને ઘેરવાનો પ્રયત્ન કરી રહ્યા છે.
Share
લોકસભા ચૂંટણી પહેલા વિપક્ષ અને NDAની બેઠકોના દોર ધમધમી રહ્યો છે. ત્યારે એક તરફ બેંગ્લુરુમાં કોંગ્રેસ સહિત 26 પક્ષની બેઠક અને ડિનરનું આયોજન છે ત્યારે બીજી તરફ મંગળવારે દિલ્લીમાં ભાજપની આગેવાનીમાં NDAની બેઠક યોજાશે. આ બેઠક પહેલા મહત્વના સમાચાર એ છે કે ચિરાગ પાસવાન NDAમાં સામેલ થઈ ગયા છે જેની પુષ્ટિ ખુદ રાષ્ટ્રીય અધ્યક્ષ જે.પી.નડ્ડાએ ટ્વીટ કરીને આપી છે. બહુ દૂર ન જઈએ અને થોડા સમય પહેલાની વાત કરીએ તો 2019 પહેલા ભાજપની સરકાર જે રીતે ચૂંટણી જીતી રહી હતી અને કોંગ્રેસ તથા અન્ય પક્ષ જે રીતે નિષ્ક્રિય હતા તેને લઈને નેશનલ કોન્ફરન્સના ઓમર અબ્દુલ્લાએ એવું કહ્યું હતું કે હવે આપણે સૌએ 2019માં જીત ભૂલી જવી જોઈએ કારણ કે 2024 પહેલા આપણો ગજ વાગે એવું લાગતું નથી. કદાચ મોડે મોડે કોંગ્રેસ તથા અન્ય પક્ષોએ આ વાતની નોંધ લીધી હોય એવુ લાગે છે.
લોકસભા ચૂંટણી પહેલા વિપક્ષ અને શાસક પક્ષની બેઠક
બેંગ્લુરુમાં વિપક્ષની તો દિલ્લીમાં NDAની બેઠક
વિપક્ષ 2024ની ચૂંટણી પહેલા મોદી સરકારને ઘેરવા માંગે છે
ભાજપનો પ્રયાસ છે કે 2024ની ચૂંટણી પહેલા NDAનું કદ વધે
કોમન મિનિમમ પ્રોગ્રામ, ધ્રુવીકરણ કરતા મુદ્દાઓ ઉપર ચુપ રહેવું, મોદી વિરુદ્ધ જનતાની ચૂંટણીને મુદ્દો બનાવવા અંગે ચર્ચા-વિચારણાઓ થઈ રહી છે, સામે પક્ષે ભાજપનો પ્રયાસ છે કે NDAના જૂના સહયોગીઓની સાથે યુપી, બિહાર, ઝારખંડ જેવા રાજ્યોના નાના પક્ષોને પણ સાથે લેવા. બેઠકના દોરની વચ્ચે આરોપ-પ્રત્યારોપનો દોર પણ યથાવત રહ્યો છે. ભાજપ મહાગઠબંધનને દિશાવિહીન ગણાવે છે તો કોંગ્રેસ એવુ કહીને આશ્વસ્ત છે કે જો ભાજપને કોઈ ફેર નથી પડતો તો પછી દિલ્લીમાં મોટાપાયે બેઠક કેમ કરવી પડે છે, કારણ કે અત્યાર સુધી તો એક પછી એક વિજય પતાકા લહેરાવ્યા બાદ ભાજપ સિવાય NDAની તો કોઈ ગણતરી જ ન હતી. દાયકાઓ પહેલા ઈન્દિરા ગાંધી વિરુદ્ધ પણ જનતા મોરચો એક થયો હતો અને મોરારજી દેસાઈના વડપણ હેઠળ બનેલી સરકાર બે વર્ષ ટકી હતી, જો કે હવે સમયના વહાણા વહી ગયા છે અને થોડા સમયથી જનતા સ્પષ્ટ બહુમતિ સાથેની સરકાર ચૂંટી રહી છે. આવા સમયે મોદી વિરુદ્ધ વિપક્ષની લડાઈમાં મુદ્દા ઉપર કેટલું ફોકસ થશે.
વિપક્ષનો પ્રયાસ છે કે વિવિધ મુદ્દે સહમતિ બને અને ચૂંટણી લડવામાં આવે
ભાજપનો પ્રયાસ છે કે અગાઉના સહયોગીને પણ ફરી સાથે લેવામાં આવે
જે.પી.નડ્ડાનો દાવો છે કે ભાજપની બેઠકમાં કુલ 38 પક્ષ સામેલ થશે
લોકસભા ચૂંટણી પહેલા વિપક્ષ અને શાસક પક્ષની બેઠક. બેંગ્લુરુમાં વિપક્ષની તો દિલ્લીમાં NDAની બેઠક મળી હતી. વિપક્ષ 2024ની ચૂંટણી પહેલા મોદી સરકારને ઘેરવા માંગે છે. ભાજપનો પ્રયાસ છે કે 2024ની ચૂંટણી પહેલા NDAનું કદ વધે. વિપક્ષનો પ્રયાસ છે કે વિવિધ મુદ્દે સહમતિ બને અને ચૂંટણી લડવામાં આવે. ભાજપનો પ્રયાસ છે કે અગાઉના સહયોગીને પણ ફરી સાથે લેવામાં આવે. જે.પી.નડ્ડાનો દાવો છે કે ભાજપની બેઠકમાં કુલ 38 પક્ષ સામેલ થશે. બેંગ્લુરુમાં વિપક્ષની બેઠકમાં 26 રાજકીય પક્ષ સામેલ છે. મહાગઠબંધનની વાત અગાઉ પણ ચર્ચાઈ ચુકી છે. અસમાન વિચારધારાના પક્ષની મુદ્દા આધારીત સહમતિ જરૂરી છે. જનતાના મુદ્દાઓ ઉપર કેટલું ફોકસ થશે તે અગત્યનો સવાલ છે.
વિપક્ષની બેઠકનો એજન્ડા
બે થી ત્રણ ગૃપ કે સમિતિ બને
કોમન મિનિમમ પ્રોગ્રામ બનાવવામાં આવે
કોઈ નેતાને મોદી વિરુદ્ધ ન ઉતારવો
મુદ્દા ઉપર ધ્યાન કેન્દ્રિત કરવું
2024ની ચૂંટણીને મોદી વિરુદ્ધ જનતાની ચૂંટણી બનાવવામાં આવે
રાજ્ય મુજબ બેઠક વહેંચણી અંગે ચર્ચા કરવી
ક્યા મુદ્દે બોલવું અને ક્યા મુદ્દે ચુપ રહેવું તે નક્કી કરવા જૂથ બને
UPAનું નામ બદલવા અંગે વિચારવિમર્શ કરવો
નવા નામ સાથે પાર્ટી બને તેના ચેરપર્સન અંગે સહમતિ બનાવવી
ભાજપની બેઠકનો એજન્ડા
જૂના સહયોગીઓ સાથે સંપર્ક મજબૂત કરવો
યુપી, બિહાર, ઝારખંડ જેવા રાજ્યોના નાના પક્ષને સાથે લેવા
વિપક્ષ ઉપર પ્રહાર મજબૂત કરવા
અગાઉ NDAનો હિસ્સો રહ્યા હોય તેવા પક્ષને પણ બોલાવ્યા
સહયોગી પક્ષ અને નાના પક્ષ સાથે વિચારવિમર્શની જરૂરિયાત
વિપક્ષની બેઠક સામે મજબૂત શક્તિપ્રદર્શન
સરકારની ઉપલબ્ધિઓને વધુ મજબૂત રીતે દર્શાવવી
વિપક્ષનું ગઠબંધન નિષ્ફળ જશે તે મુદ્દો જોરશોરથી દર્શાવવો
