દેશ / Good News : સરકારી કર્મચારીઓ બાદ ખેડૂતો માટે ખુશખબર, હવે MSPમાં કરાયો વધારો, જાણો કેટલાં ટકા

• સરકારે દિવાળી પહેલા કર્મચારીઓને આપી ભેટ
• કેન્દ્રીય કર્મચારીઓનાં મોંઘવારી ભથ્થામાં 4%નો વધારો
• ખેડૂતોનાં રવિ પાકનાં MSPમાં પણ વધારો

કેન્દ્ર સરકારે કેન્દ્રીય કર્મચારીઓની સાથે-સાથે ખેડૂતોને પણ દિવાળીની મોટી ભેટ આપી છે. સરકારે કર્મચારીઓનાં મોંઘવારી ભથ્થામાં વધારો કરવાની મંજૂરી આપી દીધી છે. કેન્દ્રીય કર્મચારીઓ અને પેંશનર્સને મોટી રાહત આપતાં DA અને DRમાં 4%નો વધારો કર્યો છે જે બાદ ડીએ અને ડીઆર 46% થયાં છે. કર્મચારીઓને જૂલાઈથી અત્યારસુધીનાં એરિયરની સાથે પૈસા મળશે. આ સિવાય સરકારે ખેડૂતોને રાહત આપતાં રવિ પાકના MSPમાં પણ વધારો કર્યો છે.

#WATCH | The Union Cabinet has approved hike in Minimum Support Prices (MSP) for Rabi Crops for 2024-25, says Union Minister Anurag Thakur in Delhi. pic.twitter.com/x9W8uPEcEU

— ANI (@ANI) October 18, 2023

MSPમાં વધારો
કેન્દ્ર સરકારે ખેડૂતોને રાહત આપતાં રવિ પાકનાં MSPમાં  વધારો કર્યો છે જે બાદ મસૂરની દાળનાં MSPમાં 425 રૂપિયા/ક્વિન્ટલ, સરસિયામાં 200 રૂપિયા ક્વિન્ટલ અને ઘઉંમાં 150 રૂપિયા/ક્વિન્ટલનો વધારો થયો છે. 

આ રવિ પાક માટે MSPમાં વધારો કરાયો

1. મસૂરમાં રૂ. 425/ક્વિન્ટલનો વધારો
2. ઘઉંના MSPમાં રૂ. 150/ક્વિન્ટલનો વધારો
3. ચણાનાં  MSPમાં રૂ. 105/ક્વિન્ટલનો વધારો થયો છે
4. કુસુમ પાકના MSPમાં રૂ. 150/ક્વિન્ટલનો વધારો
5. જવના MSPમાં રૂ. 115/ક્વિન્ટલનો વધારો
6. તેલીબિયાં અને સરસવના MSPમાં રૂ. 200/ક્વિન્ટલનો વધારો