બિમારીના એંધાણ / અડધી રાતે ટોઇલેટ જતાં હોવ તો થઈ જજો અલર્ટ! આ ગંભીર બીમારીનો હોઇ શકે છે સંકેત

• શું તમારે અડધી રાત્રે વારંવાર બાથરૂમ જવુ પડે છે?
• આ પ્રોસ્ટેટ કેન્સરનો એડવાન્સ સ્ટેજ હોઈ શકે છે
• જો આવુ થતુ હોય તો તાત્કાલિક તમારા તબીબની સલાહ લો

નોક્ટૂરિયા કેમ છે ખતરનાક

અમેરિકાના નેશનલ હેલ્થ સર્વિસ મુજબ, મૂત્રમાર્ગમાં વધતા ટ્યુમરના કારણે રાત્રે વારંવાર પેશાબ આવવાની સમસ્યા ઉભી થાય છે. આ ઉપરાંત પ્રોસ્ટેટ કેન્સરની સારવારમાં ઉપયોગમાં લેવામાં આવતા રેડિએશનની સાઈડ ઈફેક્ટને કારણે પણ આવુ થઇ શકે છે. NHSની વેબસાઈટ મુજબ, સામાન્ય રીતે પ્રોસ્ટેટ કેન્સરના કોઈ પણ લક્ષણો ત્યાં સુધી જોવા મળતા નથી કે જ્યાં સુધી તે વધે નહીં અને તેના કારણે યુરિનવાળી ટ્યુબ પર પણ દબાણ વધે છે. દિવસની તુલનાએ રાત્રે વારંવાર બાથરૂમ જવુ પ્રોસ્ટેટ કેન્સરનું એક લક્ષણ છે.

પ્રોસ્ટેટ કેન્સર શું છે?

પ્રોસ્ટેટ એક નાની ગ્રંથિ હોય છે, જે ફક્ત પુરૂષોમાં હોય છે. આ પુરૂષોના મૂત્રમાર્ગની પાસેથી પસાર થાય છે. સામાન્ય રીતે પ્રોસ્ટેટ એક પ્રવાહી પદાર્થનું ઉત્પાદન કરે છે, જે શુક્રાણુની સાથે મળીને વીર્યને બનાવે છે. પ્રજનન માટે આ ખૂબ જરૂરી હોય છે. જોકે, શરીરના બધા અંગોની જેમ તેમાં પણ કેન્સર હોઈ શકે છે. જ્યારે તેની કોશિકાઓ અનિયંત્રિત રીતે વધવા લાગે છે. ઘણાં પુરૂષ આ કેન્સરની સાથે લાંબા સમય સુધી જીવે છે અને તેમને તેના લક્ષણોનો અહેસાસ પણ થતો નથી. બીજી તરફ લોકોમાં આ કેન્સર ફેલાઈ જાય છે, જે જીવલેણ હોઈ શકે છે.

60 ટકાથી વધુ પુરૂષો લક્ષણો સમજી શકતા નથી

તબીબી નિષ્ણાંતો મુજબ, પ્રોસ્ટેટ કેન્સરની ઝપેટમાં આવતા પુરૂષોની સંખ્યા છેલ્લાં કેટલાંક વર્ષોથી સતત વધી રહી છે. ચિંતાની વાત એ છે કે મોટાભાગના પુરૂષોને આ બિમારી અંગે જાણ થતી નથી. 60 ટકાથી વધુ પુરૂષો તેના લક્ષણો અને સંકેતોને સમજી શકતા નથી.