મેઘો મુશળધાર / રવિવારથી ગુજરાતમાં ઓરેન્જ એલર્ટ, મઘ્ય અને ઉત્તર ગુજરાત માટે હવામાન વિભાગની મોટી આગાહી

• રવિવારથી ગુજરાતમાં રહેશે વરસાદી માહોલ
• ઉત્તર ગુજરાતમાં રહેશે ભારે વરસાદ
• રાજ્યમાં 21મી સપ્ટેમ્બરથી અતિભારે વરસાદની અગાહી

હવે નહીં પડે દુકાળ, મેઘો છે મુશળધાર
ગુજરાતમાં હજુ પણ વરસાદની માહોલ છવાયેલો જુવા મળી રહ્યો છે, રાજ્યમાં સાર્વત્રિક વરસાદને કારણે જળાશયોમાં નવા નીર આવ્યા છે અને ગુજરાતમાંથી જળસંકટનો ખતરો ટળ્યો છે મહત્વનું છે કે ગુજરાતમાં વરસાદના અભાવના કારણે સિંચાઈથી લઈને જળાશયો માટે પાણીની અછત વરર્તાઈ રહી હતી જો કે સપ્ટેમ્બર મહિલા બાદ મેઘરાજામાં મન મુકીને વરસતા હાલ અનેક ચેડડેમમાં પાણીની સારી આવક થઈ છે. મધ્યપ્રદેશ પર સર્જાયેલા લો પ્રેશરથી ગુજરાતમાં 21મી સપ્ટેમ્બર સુધી અતિભારે વરસાદની આગાહી કરવામાં આવી છે રવિવારથી 'ઓરેન્જ' એલર્ટ આપવામાં આવ્યું છે. 

કઈ સિસ્ટમ સક્રિય થઈ
હવામાન ખાતાની આગાહી પ્રમાણે આ સપ્તાહે બંગાળની ખાડીમાં સર્જાયેલું લો-પ્રેશર, ડિપ્રેશનમાં ફેરવાયા બાદ હવે ફરીથી લો-પ્રેશરમાં ફેરવાઈ ગયું છે. જે હાલની સ્થિતિએ મધ્યપ્રદેશ પર છે. જે આગામી થોડા દિવસો સુધી મધ્ય ગુજરાત પર રહેશે અને 48 કલાકમાં ધીમે ધીમે નબળું પડતું જશે. જેના કારણે મધ્ય પ્રદેશ તથા તેના પાડોશી રાજ્યો ગુજરાત અને રાજસ્થાનમાં વરસાદી માહોલની પૂરેપૂરી શક્યતાઓ છે.

હવામાન વિભાગની આગાહી
જો વાત કરવામાં આવે તો રાજ્યમાં હજુ પણ 19 ટકા વરસાદની ઘટ જોવા મળી રહી છે ત્યારે હવામાન વિભાગે ફરી ગુજરાતમાં ભારે વરસાદની આગાહી કરી છે અને માછીમારોને 20 અને 21 સપ્ટેબરે દરિયો ન ખેડવાની સુચના પણ અપાઈ છે. રાજ્યના હવામાન વિભાગે 19થી 21 સપ્ટેમ્બર સુધી ભારે વરસાદની આગાહી કરી છે હવામાન વિભાગ અનુસાર મધ્ય ગુજરાત અને ઉત્તર ગુજરાતમાં ભારે વરસાદની આગાહી કરાઇ છે. 

ક્યા જિલ્લામાં વરસશે વરસાદ?
પંચમહાલ,મહિસાગર, ભરૂચ, રાજકોટ, અમરેલી, જૂનાગઢ, ગીર સોમનાથ, સાબરકાંઠા, અરવલ્લી, આણંદ, ભાવનગર, સુરત, વડોદરા,નર્મદા,નવસારીમાં વરસાદની આગાહી કરવામાં આવી છે.

કયા કેટલો વરસાદ?
ગુજરાતમાં અત્યાર સુધી સીઝનનો 73 ટકા જેટલો વરસાદ જોવા મળ્યો છે.  હજુ પણ ગુજરાતના અનેક એવા ભાગો છે જ્યાં વધુ વરસાદની જરૂર છે. ખાસ ઉત્તર ગુજરાતમાં ઓછો વરસાદ છે ત્યાંના ખેડૂત પણ હજુ વધુ વરસાદની આશા બાંધી બેઠા છે ત્યારે હવામાન વિભાગની આ આગાહી ઉત્તર ગુજરાત માટે છે. કાલ ગુજરાતઆમાં મેઘો જમાવટ કરે તેવા એંધાણ છે. 
બંગાળની ખાડીમાં સર્જાયેલા લો પ્રેશરથી મધ્ય ભારતમાં વરસાદ થશે. ત્યારે જાણી લઈ કે કયા કેટલો વરસાદ અત્યાર સુધી નોંધાયો છે.