એલર્ટ / દેશભરમાં ફરી મેઘરાજા બોલાવશે બઘડાટી, અનેક રાજ્યોમાં ભારેથી અતિભારે વરસાદની આગાહી

• હવામાન વિભાગની અનેક રાજ્યોમાં વરસાદની આગાહી
• 13 થી 15 સપ્ટેમ્બર દરમિયાન સક્રિય ચોમાસાની સ્થિતિ સર્જાશે
• યુપીમાં ગઈ કાલથી ફરી ભારે વરસાદનું એલર્ટ જારી કરવામાં આવ્યું

આગામી દિવસોમાં યુપી સહિત અનેક રાજ્યોમાં વરસાદ જોવા મળશે. હવામાન વિભાગે કહ્યું છે કે મધ્ય ભારતમાં 13 થી 15 સપ્ટેમ્બર દરમિયાન સક્રિય ચોમાસાની સ્થિતિ સર્જાશે, જ્યારે મધ્ય ભારતમાં 13 થી 17 સપ્ટેમ્બર અને પશ્ચિમ ભારતમાં 15-17 સપ્ટેમ્બર દરમિયાન વરસાદ પડશે. યુપીમાં ગઈ કાલથી ફરી ભારે વરસાદનું એલર્ટ જારી કરવામાં આવ્યું છે. ઉત્તર પશ્ચિમ ભારત માટે હવામાન વિભાગે કહ્યું છે કે ઉત્તરાખંડમાં 14-16 સપ્ટેમ્બરની વચ્ચે, દક્ષિણ પશ્ચિમ યુપીમાં 15 અને 16 સપ્ટેમ્બરની વચ્ચે, દક્ષિણપૂર્વ યુપીમાં અને પૂર્વ રાજસ્થાનમાં 15-17 સપ્ટેમ્બરની વચ્ચે ભારે વરસાદ પડશે. મધ્ય ભારત વિશે હવામાન વિભાગે કહ્યું છે કે પૂર્વ મધ્ય પ્રદેશ, વિદર્ભમાં 13-17 સપ્ટેમ્બર વચ્ચે, પશ્ચિમ મધ્ય પ્રદેશમાં 14-17 સપ્ટેમ્બર અને છત્તીસગઢમાં 13-15 સપ્ટેમ્બર વચ્ચે ભારે વરસાદની આગાહી કરવામાં આવી છે.

ભારે વરસાદનું એલર્ટ 

આ સિવાય પૂર્વીય ભારતના હવામાન વિભાગે કહ્યું છે કે ઓડિશામાં 13-16 સપ્ટેમ્બર, ઝારખંડમાં 14 અને 15 સપ્ટેમ્બર, ગંગા પશ્ચિમ બંગાળમાં 13 અને 14 સપ્ટેમ્બર, આંદામાન અને નિકોબારમાં 15-15ના રોજ ભારે વરસાદ થવાની છે. દક્ષિણ ભારતના રાજ્યોની વાત કરીએ તો આંધ્રપ્રદેશમાં 13 સપ્ટેમ્બર અને તેલંગાણામાં 13-15 સપ્ટેમ્બર વચ્ચે ભારે વરસાદનું એલર્ટ જારી કરવામાં આવ્યું છે.

ગુજરાતમાં ભારે વરસાદની આગાહી

પશ્ચિમ ભારત માટે હવામાન વિભાગે કહ્યું છે કે કોંકણ, ગોવા, મધ્ય મહારાષ્ટ્રના ઘાટ વિસ્તારોમાં, 15-17 સપ્ટેમ્બર દરમિયાન મરાઠવાડામાં 16 અને 17 સપ્ટેમ્બરની વચ્ચે ગુજરાતમાં ભારે વરસાદ પડી શકે છે. ઉત્તર-પૂર્વના રાજ્યો અંગે હવામાન વિભાગે કહ્યું કે આસામ, મેઘાલય, નાગાલેન્ડ, મણિપુર, મિઝોરમ, ત્રિપુરામાં 13 અને 14 સપ્ટેમ્બરે ભારે વરસાદ પડશે.