- મારૂતિ સુઝુકીએ લોન્ચ કરી 5-ડોર ઓફ રોડિંગ SUV
- ગ્રાહક હવે તેને માત્ર 11,000માં બુક કરી શકશે
- SUV અપરમિંગ 5-ડોર મહિન્દ્રા થારને ટક્કર આપશે
ઓટો એક્સપો 2023માં મારૂતિ સુઝુકીએ પોતાની 5 ડોર જિમ્ની પરથી પડદો ઉઠાવ્યો હતો. મારૂતિએ ઓટો એક્સપો 2023ના બીજા દિવસે 12 જાન્યુઆરીએ પોતાની ધાંસૂ ઓફ રોડિંગ SUV 5-ડોર જિમ્નીને ગ્લોબલી લોન્ચ કરી દીધી છે. આ SUVની ટક્કર ભારતીય બજારમાં આવનાર ફોર્સ ગુરખા 5-ડોર અને 5-ડોર મહિન્દ્રા થાર SUVથી થશે.
મારૂતિએ 4X4 ઓલ વ્હીલ ડ્રાઈવ વેરિએન્ટની સાથે તેને લોન્ચ કરી છે. જે ઓફ રોડિંગ કરનાર ગ્રાહકોને ફાયદો આપશે. મારૂતિએ આ ટૂ વ્હીલ ડ્રાઈવ 4X2 ઓપ્સન સાથે પણ રજૂ કરી છે.
શું છે ખાસ?
તેમાં તમને ફ્લેટ રિક્લાઈન સીટ્સ જોવા મળશે. તે ઉપરાંત તેમાં તમને સાઈટ કર્ટન એરબેગ જોવા મળશે. મારૂતિ જિમ્ની 5 કલર ઓપ્શનની સાથે આવે છે. તેના ઈન્ટીરિયરની વાત કરવામાં આવે તો તમને જિમ્મીમાં બ્લેક ઈન્ટિરિયર જોવા મળશે.
ઘણા સેફ્ટી ફિચર્સથી હશે સજ્જ
જો તમે ઓફ રોડિંગના શોખીન છો તો જિમ્ની 5-ડોર તમારા માટે બેસ્ટ રહેશે. તેમાં તમને 6 એરબેગ, બ્રેક, લિમિટેડ સ્લિપ ડિફરેંશિયલ, હિલ હોલ્ડ આસિસ્ટની સાથે ઈએસપી, હિલ ડિસેંટ કંટ્રોલ, રિયર-વ્યૂ કેમેરા જેવા ફિચર્સ જોવા મળશે. તેમાં ઈબીડી, એબીએસની સાથે ઘણા સેફ્ટી ફિચર્સ જોવા મળશે.
મારૂતિ જિમ્ની 5 ડોર એન્જિન, ટ્રાન્સમિશન
જિમ્નીમાં મારુતિનું K-સીરિઝ 1.5 લીટર એન્જિન જોવા મળશે. આ ઓફ રોડ કારમાં 1.5 લીટર, 4 સિલિંડર K-15-B પેટ્રોલ એન્જિન હશે. આ 6,000 RPM પર 101 BHPનું પાવર અને 4,000 RPM પર 130 NMનું ટોર્ક જનરેટ કરવામાં સક્ષમ હશે. કારમાં 5-સ્પીડ મેનુઅલ અને 4-સ્પીડ ઓટોમેટિક ટ્રાન્સમિશન મળશે.
ફ્રોંક્સ અને જિમ્નીનું બુકિંગ શરૂ
તમને જણાવી દઈએ કે કંપનીએ જિમ્નીની સાથે કંપનીએ પોતાની વધુ એક SUV ફ્રોંક્સને પણ અનવીલ કર્યું છે. તેના હાઈ-એન્ડ પાવરટ્રેન ટેક્નોલોજીની સાથે લોન્ચ કર્યુ છે. સ્પોર્ટી કોમ્પેક્ટ SUV ફ્રોક્સની સાથે કંપનીએ દેશની SUV સેગમેન્ટમાં નવી ડિઝાઈન ટ્રેન્ડની શરૂઆત કરી છે.
ફ્રોંક્સ અને જિમ્ની માટે બુકિંગની આજથી શરૂઆત થઈ રહી છે. તમે ઘરે બેઠા મારૂતિની ઓફિશિયલ સાઈટથી માત્ર 11,000 રૂપિયામાં આ બુકિંગ કરી શકો છો.
