ગુજરાત / માંડલ અંધાપાકાંડ: "આ પ્રકારના ગંભીર ચેપથી આંખની રોશની પણ જઈ શકે" અમદાવાદનાં આંખ સ્પેશિયાલિસ્ટે આપ્યું નિવેદન

• માંડલની હોસ્પિટલમાં ઓપરેશન બાદ અંધાપાકાંડ
• સમગ્ર ઘટનાને લઈ અમદાવાદના આંખના સ્પેશિયાલિસ્ટનું નિવેદન
• કહ્યું કે આ ગંભીર ચેપ છે તેનાથી દ્રષ્ટિ પણ જઈ શકે છે

અમદાવાદના માંડલની રામાનંદ ટ્રસ્ટની હોસ્પિટલમાં આંખની સારવાર કરાવ્યા બાદ અચાનક જ દર્દીઓને અંધાપાની અસર થતા પીડિત દર્દીઓને સિવિલ હોસ્પિટલ ખસેડાયા હતા. આ સમગ્ર મામલે આરોગ્ય વિભાગનાં અધિકનિયામક દ્વારા તબીબો અને અધિકારીઓને સ્થળ પર પહોંચ્યા હતા. તેમજ નવી સુચના ન મળે ત્યાં સુધી ઓપરેશન નહી કરવાની સૂચના આપી હતી. આંખનાં ઓપરેશન બાદ 5 દર્દીઓને અંધાપાની અસર જોવા મળી હતી. સિવિલ હોસ્પિટલનાં આંખ વિભાગમાં 5 દર્દીઓ સારવાર હેઠળ ખસેડાયા હતા. જેમાં ત્રણ મહિલા અને બે પુરૂષ દર્દીઓ (ઉ.વર્ષ.50) થી વધુ હોવાનું સામે આવ્યું છે. 

ગઈકાલે આરોગ્ય મંત્રી ઋષિકેશ પટેલે દર્દીઓની મુલાકાત લીધી હતી અને જણાવ્યું હતું કે, માંડલની હોસ્પિટલમાં 10 જાન્યુઆરીએ 29 ઓપરેશન થયા હતા, જે 29 માંથી 17 દર્દી અમદાવાદની હોસ્પિટલમાં દાખલ છે. 13 જાન્યુઆરીથી તકલીફ થતાં 15 અને 16 તારીખે દર્દીઓને દાખલ કરવામાં આવ્યા છે. 

આંખ સ્પેશિયાલિસ્ટે આપી માહિતી
VTV સાથેની વાતચીત દરમિયાન EYE SPECIALIST ડૉ.પાર્થ રાણાએ જણાવ્યું કે સ્યુડોમોનાસ એરૂજીનોસા ઈન્ફેક્શનએ ગંભીર ચેપ છે. ઓપરેશન બાદ ઘણા સમય પછી પણ આ ઈન્ફેક્શન થઈ શકે છે.  તેમણે કહ્યું કે આ પ્રકારના ગંભીર ચેપથી આંખની રોશની પણ જઈ શકે. 

ઈન્ફેક્શન થવા પાછળ કારણ શું?
ડૉ.પાર્થ રાણાએ જણાવ્યું કે "ઈન્ફેક્શનનું કારણ દવા કે સાફ સફાઈમાં અચોક્કસાઈ હોઈ શકે એટલું જ નહીં અન્ય દર્દીનું ઈન્ફેક્શન પણ ચેપ લાગવા માટે જવાબદાર  હોઈ શકે " તેમણે કહ્યું કે ઓપરેશન પછી દર્દીને જે દવા આપવામાં આવતી હોય જો તે ખોટી હોય તો આવું કંઈ થઈ શકે છે. તેથી જ ડોક્ટર્સ હંમેશા દર્દીને ચેતવણી આપતાં કહેતાં હોય છે કે જો ઓપરેશન બાદ તમારી આંખ લાલ થાય અથવા દુખાવો થાય, જોવામાં તકલીફ પડતી હોય તો તાત્કાલિક ડોક્ટર પાસે પહોંચવું જોઈએ. જો દર્દી સમયસર સારવાર કરે તો ડોક્ટર્સ પેશન્ટનું વિઝન બચાવી શકે છે. 

વધુ વાંચો: વડોદરાના હરણી તળાવમાં મોટી દુર્ધટના, બોટ પલટી જતા એક વિદ્યાર્થીનું મોત, 5 લાપતા, જુઓ શું બન્યું?

કમિટીનો રિપોર્ટ જ્યારે સામે આવશે ત્યારે ખબર પડશે કે ક્યા સેમ્પલનાં લીધે તેમની આંખમાં ઈન્ફેક્શન થયું છે. શક્ય છે કે વેઈટિંગ રૂમમાં બેઠેલા અન્ય દર્દીઓ સાથે બેસીને પણ આ ઈન્ફેકશન દર્દીને લાગ્યું હોઈ શકે છે.