BREAKING / અમદાવાદના પોલીસ બેડામાં ધરખમ ફેરફાર! 1124 પોલીસકર્મીઓની સાગમટે બદલી, બીજા તબક્કા બાકી

• અમદાવાદમાં 1124 પોલીસકર્મીઓની બદલી
• પોલીસ કમિશનર દ્વારા 1124 પોલીસકર્મીની કરાઈ બદલી
• 7 વર્ષથી વધુ સમયથી ફરજ બજાવતા પોલીસકર્મીઓની બદલી

 અમદાવાદ શહેરમાં છેલ્લા 7 વર્ષ કે તેથી વધુ સમયથી એક જ જગ્યાએ ફરજ બજાવતા પોલીસ કર્મીઓની શહેર પોલીસ કમિશ્નર જી.એસ.મલીક દ્વારા અરસ પરસ બદલી કરવામાં આવી છે. જેમાં પ્રથમ તબક્કામાં કુલ 1124 પોલીસ કર્મીંઓની બદલી કરવામાં આવી છે. ત્યારે હજુ આગામી સમયમાં બીજા તબક્કામાં હજુ વધુ પોલીસ કર્મીઓની બદલી થવાની શક્યતાઓ સેવાઈ રહી છે. ત્યારે એકાએક મોડી સાંજે પોલીસ કમિશ્નર દ્વારા બદલીનો ઓર્ડર કરતા મોટા ભાગનાં પોલીસ કર્મીઓનાં કહી ખુશી કહી ગમનો માહોલ જોવા મળ્યો હતો.

અમદાવાદ શહેરમાં પ્રથમ તબક્કામાં પોલીસ કમિશનર શ્રી દ્વારા 7 વર્ષથી વધુ સમયથી ફરજ બજાવતા 1124 પોલીસ કર્મચારી ની બદલી કરવામાં આવી છે#AhmedabadPolice

— Ahmedabad Police અમદાવાદ પોલીસ (@AhmedabadPolice) November 9, 2023

એક મહિના પહેલા અમદાવાદ પોલીસ કમિશ્નર દ્વારા પોલીસ અધિકારીઓની બદલી કરવામાં આવી છે. મહત્વનું છે કે, સ્પા સેન્ટર પર દરોડાની વચ્ચે અમદાવાદમાં પોલીસ અધિકારીઓની બદલી કરવામાં આવી છે. જેમાં અમદાવાદ શહેરમાં 10 PI અને 56 PSIની બદલીનો આદેશ કરવામાં આવ્યા હતા. 

અમદાવાદ શહેર ખાતે ફરજ બજાવતાં નીચે જણાવેલ પોલીસ સબ ઇન્સ્પેક્ટર નાઓની વહીવટી કારણોસર તેઓના નામ સામે જણાવેલ શાખા ખાતે બદલી કરવામાં આવે છે. pic.twitter.com/ELZJFMy6Ou

— Ahmedabad Police અમદાવાદ પોલીસ (@AhmedabadPolice) October 19, 2023