લાંછન / વડોદરાના અભોર ગામની શાળાના આચાર્યએ વિદ્યાર્થિનીઓ સાથે કર્યું એવું કૃત્ય કે ગ્રામજનોએ ચખાડ્યો મેથીપાક, જાણો ચોંકાવનારો કિસ્સો

• વડોદરામાં શિક્ષણ જગતને શર્મસાર કરતો કિસ્સો 
• આચાર્ય પર બિભત્સ વીડિયો બતાવ્યાનો આરોપ 
• વિદ્યાર્થિનીઓને વીડિયો બતાવ્યાનો આક્ષેપ 

વડોદરાના અભોર ગામની શાળામાં શિક્ષણ જગતને શર્મસાર કરતો કિસ્સો પ્રકાશમાં આવ્યો છે. શાળાના આચાર્ય મહેન્દ્ર જાદવ પર વિદ્યાર્થિનીઓને બિભત્સ વીડિયો બતાવ્યાનો આરોપ લગાવવામાં આવ્યો છે. ઘટનાની જાણ થતા ગ્રામજનોએ આચાર્ય મહેન્દ્ર જાદવને મારમારી પોલીસને સોંપ્યો છે. બાદમાં વાલીઓએ આચાર્ય વિરુદ્ધ ફરિયાદ નોંધાવી છે. 

'બિભત્સ ફોટા બતાવ્યો હતો'
વિદ્યાર્થિનીઓ જણાવી રહી છે કે, અમે અહીં ઉભેલી હતી તે સમય સાહેબ અહી આવ્યા હતા અને અમને બિભત્સ ફોટા બતાવ્યો હતો. જો કે, આ સમગ્ર મામલે વાલીઓ સ્કૂલમાં હલ્લા બોલ કરી લંપટ શિક્ષકને  મારમારી પોલીસના હવાલે કર્યો હતો.

આચાર્ય વિરુદ્ધ ફરિયાદ કરી
જો કે, જે ઘટના બાદ સ્થાનિકોએ શાળાની તપાસ કરતા સ્કૂલ કમ્પસમાંથી દેશી દારૂની પોલિથીન મળી આવ્યોનો પણ વીડિયો વાયરલ કર્યો હતો. આ ઘટના બાદ વિદ્યાર્થીઓ સહિત વાલીઓમાં ભારે રોષ જોવા મળી રહ્યો છે. વાલીઓએ આચાર્ય વિરુદ્ધ પોલીસ ફરિયાદ કરી છે તેમજ કડક કાર્યવાહી કરવા માગ પણ કરી રહ્યાં છે.

MLA ચૈતન્યસિંહ ઝાલાનું નિવદેન 
પાદરા ધારાસભ્ય ચૈતન્યસિંહ ઝાલાએ જણાવ્યું કે, આ વિકૃત માનસિક્ત ધરાવતા શિક્ષકે શરમ જનક કૃત્યુ કર્યું છે, આ વ્યક્તિઓને કડકમાં કડક સજા થાય તે બાબતે પીએસઆઈને પણ રજૂઆત કરવામાં આવેલી છે.