- દેશભરના અનેક રાજ્યોમાં ભારે વરસાદ
- નાગપુરમાં ભારે વરસાદને પગલે હાલાકી
- નાગપુરના અનેક વિસ્તારમાં પાણી ભરાયા
દેશભરમાં ફરી મેઘરાજાએ બઘડાટી બોલાવી છે. સમગ્ર દેશમાં ફરી મેઘરાજા મન મુકીને વરસી રહ્યા છે. તો કેટલીક જગ્યાએ ભારે વરસાદને પગલે પૂર જેવી સ્થિતિ સર્જાઈ છે. નાગપુરના ઘણા વિસ્તારોમાં રસ્તાઓ પર 5 ફૂટ પાણી હતું. જેના કારણે અનેક વાહનો ડૂબી ગયા હતા. મહારાષ્ટ્રના ડેપ્યુટી સીએમ દેવેન્દ્ર ફડણવીસે સોશિયલ મીડિયા પર જણાવ્યું કે NDRF અને SDRFની ટીમો બચાવ કામગીરી કરી રહી છે. અત્યાર સુધીમાં લગભગ 500 લોકોને બચાવી લેવામાં આવ્યા છે. રાહત અને બચાવ માટે સેનાની બે ટુકડીઓ પહોંચી ગઈ છે.હવામાન વિભાગે આજે પણ નાગપુર સહિત મહારાષ્ટ્રના ઘણા ભાગોમાં વરસાદની આગાહી કરી છે. મધ્યપ્રદેશ અને રાજસ્થાન સહિત 18 રાજ્યોમાં ભારે વરસાદનું એલર્ટ છે.હવામાન વિભાગના જણાવ્યા અનુસાર મધ્યપ્રદેશ અને દિલ્હીમાં ચોમાસાએ પોતાનો ક્વોટા પૂર્ણ કરી લીધો છે. મધ્યપ્રદેશમાં 1 સપ્ટેમ્બરથી 22 સપ્ટેમ્બર સુધી સરેરાશ 923 મીમી વરસાદ નોંધાયો છે. 927.5 મીમી વરસાદ નોંધાયો છે. દિલ્હીમાં 531.3 મીમી વરસાદ પડવો જોઈતો હતો. 22 સપ્ટેમ્બર સુધીમાં 532.3 મીમી વરસાદ પડ્યો છે.
અનેક જગ્યાએ પાણી ભરાયા
અનેક જગ્યાએ વહેણ જોવા મળ્યું હતું. નાગપુર રેલવે સ્ટેશન પર 3 થી 4 ફૂટ પાણી ભરાઈ ગયા હતા. જેના કારણે મુસાફરોને મુશ્કેલી પડી હતી. નાગપુર મોર ભવન લોકલ બસ સ્ટેન્ડ પાણીથી ભરાઈ ગયું હતું અને ત્યાં પાર્ક કરેલી બસો ડૂબી ગઈ હતી. અનેક બસના ડ્રાઇવર અને કંડક્ટર અહીં ફસાયેલા છે. સેનાની બે ટુકડીઓ અંબાઝારી વિસ્તારમાં બચાવ કાર્ય કરી રહી છે. અહીં ખભા સુધી પાણી છે. સેનાના જવાનો લોકોને પીવાનું પાણી અને બિસ્કિટ પણ આપી રહ્યા છે. તો બીજી તરફ NDRF અને SDRFની ટીમોએ 500 થી વધુ લોકોને બચાવ્યા હતા. રસ્તાઓ પર પાણી ભરાવાને કારણે શનિવારે નાગપુરમાં ઘણા બજારો બંધ રહ્યા હતા. નાગપુરના નીચાણવાળા વિસ્તારોમાં પાણી ભરાવાને કારણે લોકોને ઘર છોડવાની ફરજ પડી હતી. હવામાન વિભાગે આજે રાજ્યના 4 જિલ્લામાં ભારે વરસાદની ચેતવણી જારી કરી છે. સીતામઢી, શિવહર, પૂર્વ ચંપારણ અને ગોપાલગંજમાં આજે ભારે વરસાદનું એલર્ટ છે.
બિહારના 4 જિલ્લામાં રેડ એલર્ટ
બિહારના 4 જિલ્લામાં વરસાદ માટે રેડ એલર્ટ જારી કરવામાં આવ્યું છે. 7 જિલ્લામાં યલો એલર્ટ છે. છેલ્લા બે દિવસથી સતત પડી રહેલા વરસાદથી લોકોને ગરમીમાંથી રાહત મળી છે. જોકે, બિહારમાં અત્યાર સુધીમાં સરેરાશ કરતાં 28% ઓછો વરસાદ થયો છે. 1 જૂનથી 22 સપ્ટેમ્બર સુધીમાં બિહારમાં 938.6 મીમી વરસાદ પડવો જોઈતો હતો, પરંતુ માત્ર 671.4 મીમી વરસાદ થયો છે. 24 સપ્ટેમ્બર બાદ હવામાનમાં ફરી ફેરફાર થવાની શક્યતા છે.
મધ્યપ્રદેશમાં વધુ 2 દિવસ ભારે વરસાદ, 16 જિલ્લામાં એલર્ટ
બે ચોમાસાની સિસ્ટમ સક્રિય હોવાને કારણે મધ્યપ્રદેશમાં વરસાદી માહોલ જારી રહ્યો છે. રાજધાની ભોપાલમાં શનિવારે સવારે લગભગ 6 વાગે ભારે વરસાદ થયો હતો. અગાઉ, છેલ્લા 24 કલાકમાં બેતુલ, છતરપુર, શિવપુરી સહિત 10 જિલ્લાઓમાં કેટલાક સ્થળોએ ભારે અને હળવો વરસાદ થયો હતો. ગુરુવારે મોડી રાત્રે પડેલા વરસાદને કારણે ઘણી નદીઓ અને નાળાઓ ઉભરાઈ ગયા હતા. ભોપાલની એક હોટલમાં 6 ફૂટ સુધી પાણી ભરાઈ ગયું હતું. અહીંથી 6 લોકોને બચાવી લેવાયા હતા.
પટના સહિત 12 જિલ્લામાં ભારે વરસાદ
બિહારમાં છેલ્લા બે દિવસથી ચોમાસુ દયાળુ છે. અનેક જિલ્લાઓમાં વરસાદ પડી રહ્યો છે. પટના, જમુઈ, સિવાન, સુપૌલ, મુઝફ્ફરપુર, હાજીપુર, છપરા, સહરસા, સમસ્તીપુર, બેતિયા, ભોજપુર, દરભંગામાં આજે વહેલી સવારે વરસાદ પડ્યો હતો.
છત્તીસગઢના 7 જિલ્લાઓ માટે યલો એલર્ટ
છત્તીસગઢમાં હવામાન વિભાગે 7 જિલ્લાઓ માટે યલો એલર્ટ જાહેર કર્યું છે. સુરગુજા, સૂરજપુર, બલરામપુર, કોરબા, મુંગેલી, બિલાસપુર અને ગૌરેલા-પેન્દ્રા-મારવાહી જિલ્લામાં ભારે વરસાદની અપેક્ષા છે. શુક્રવારે રાજ્યના અનેક જિલ્લાઓમાં વરસાદને કારણે તાપમાનમાં 2 થી 3 ડિગ્રીનો ઘટાડો થયો હતો.
હરિયાણાના 45 શહેરોમાં વરસાદનું યલો એલર્ટ
હવામાન વિભાગે હરિયાણાના તમામ 22 જિલ્લામાં વરસાદ માટે યલો એલર્ટ જાહેર કર્યું છે. આ દરમિયાન 30 થી 40 કિલોમીટર પ્રતિ કલાકની ઝડપે પવન ફૂંકાવાની પણ સંભાવના છે, જેના કારણે તાપમાનમાં નોંધપાત્ર ઘટાડો થશે. રાજ્યમાં 1 જૂનથી અત્યાર સુધીમાં 405 મીમી વરસાદ થયો છે. જો કે, રાજ્યમાં ઓગસ્ટ અને સપ્ટેમ્બરમાં ઘણો ઓછો વરસાદ થયો છે, જેના કારણે આ બંને મહિના દુષ્કાળની શ્રેણીમાં નોંધાયા છે.
નોઈડામાં ભારે વરસાદ
તોફાનના કારણે ઘણી જગ્યાએ વૃક્ષો પડી ગયા હતા તો બરેલીમાં 8મી સુધીની શાળાઓ બંધ કરવાનો નિર્ણય કરવામાં આવ્યો છે.
