Mahashivratri 2024 / જાણો ક્યારે ખુલશે કેદારનાથ ધામના કપાટ? મહાશિવરાત્રિના પાવન પર્વ કરાયું તારીખનું એલાન

આજે મહાશિવરાત્રીના પવિત્ર અવસર પર કેદારનાથ ધામના કપાટ ખુલવાની તારીખ પણ સામે આવી છે. બાબા કેદારનાથના દ્વાર 10મી મેના રોજ સવારે 7 વાગ્યાથી ખુલશે. એ દિવસથી ભક્તો બાબા કેદારનાથના દર્શન કરી શકશે. 

જાણીતું છે કે હિમવર્ષાના કારણે કેદારનાથના દરવાજા વર્ષમાં છ મહિના બંધ રહે છે. ભગવાન કેદારનાથના કપાટ ખોલવાની પ્રક્રિયા 6 મેથી શરૂ થશે. મંદિર સમિતિએ જણાવ્યું કે પંચમુખી ડોલી 6 મેના રોજ શ્રી કેદારનાથ ધામ માટે રવાના થશે અને 9મી મેની સાંજે કેદારનાથ ધામ પહોંચશે.

કેદારનાથ ધામના કપાટ 15 નવેમ્બર 2023 ના કારતક માસના શુક્લ પક્ષના શુભ અવસર પર સવારે 8.30 કલાકે નિયમો અને અનુસાર બંધ કરવામાં આવ્યું હતું. મંદિરમાં નિયમિત પૂજા અને દર્શન કર્યા બાદ દરવાજા બંધ કરવાની પ્રક્રિયા શરૂ કરવામાં આવી હતી.

વધુ વાંચો: ઠંડીનો છેલ્લો રાઉન્ડ હજુ બાકી! પહાડોમાં વરસાદ સાથે ફરી થશે હિમવર્ષા, જાણો કયા-કયા વિસ્તારો પર આફતના એંધાણ

ચાર ધામોમાંથી એક બદ્રીનાથના દરવાજા ખોલવાની તારીખ સદીઓથી ચાલી આવતી પરંપરા અનુસાર નક્કી કરવામાં આવે છે. આ વર્ષે બદ્રીનાથ ધામના દ્વાર 12મી મેના રોજ સવારે 6 વાગ્યે શુભ મુહૂર્તમાં ખોલવામાં આવશે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો