- શ્રાવણ મહિનો 30 નહીં પરંતુ લગભગ 59 દિવસનો રહેશે
- ભોલેનાથના ભક્તોને તેમની પૂજા કરવા માટે 4ને બદલે 8 સોમવાર મળશે
- ॐ नमः शिवाय મંત્રનો જાપ કરતા કરતા ભગવાન શિવશંકરને જળાભિષેક કરો.
Sawan Somwar Dates 2023: હિંદુ ધર્મમાં ભગવાન ભોલેનાથની પૂજા માટે શ્રાવણ મહિનો શ્રેષ્ઠ માનવામાં આવે છે. આ આખા મહિનામાં ભગવાન શિવની પૂજા વિધિ-વિધાનથી કરવામાં આવે છે. આ વખતે શ્રાવણ મહિનો ખૂબ જ ખાસ માનવામાં આવે છે, કારણ કે આ વર્ષે શ્રાવણ એક નહીં પરંતુ બે મહિનાનો રહેવાનો છે. એવું માનવામાં આવે છે કે લગભગ 19 વર્ષ પછી આ અદ્ભુત યોગ બની રહ્યો છે. હકીકતમાં હિન્દી વિક્રમ સંવત 2080માં આ વર્ષે એક અધિકામાસ છે. આવી સ્થિતિમાં આ વર્ષે 12 મહિનાને બદલે કુલ 13 મહિના થશે. તે જ સમયે, શ્રાવણ મહિનો 30 નહીં પરંતુ લગભગ 59 દિવસનો રહેશે. એટલે કે આ વખતે ભોલેનાથના ભક્તોને તેમની પૂજા કરવા માટે 4ને બદલે 8 સોમવાર મળશે. આવી સ્થિતિમાં, આવો જાણીએ કે શ્રાવણ ક્યારે શરૂ થઈ રહ્યો છે અને શુભ સંયોગ...
ક્યારથી શરુ થઇ રહ્યો છે શ્રાવણ 2023?
આ વર્ષે શ્રાવણ 4 જુલાઇ 2023ના રોજથી શરુ થઇને 31 ઓગષ્ટ 2023 સુધી રહેશે. જ્યોતિષ અનુસાર, આવો શ્રાવણ 19 વર્ષોમાં જ જોવા મળે છે. આ વર્ષે શ્રાવણ 59 દિવસોનો હશે અને આ વખતે શ્રાવણમાં કુલ 8 સોમવાર હશે.
.jpg)
શા માટે બની રહ્યો છે અદભુત સંયોગ ?
વાસ્તવમાં વૈદિક કેલેન્ડરની ગણતરી સૌર માસ અને ચંદ્ર માસના આધારે કરવામાં આવે છે. ચંદ્ર માસ 354 દિવસનો હોય છે. ત્યાં સૌર માસ 365 દિવસનો છે. બંને વચ્ચે લગભગ 11 દિવસનો તફાવત છે અને ત્રીજા વર્ષે આ તફાવત 33 દિવસનો થઈ જાય છે, જેને અધિક માસ કહેવામાં આવે છે. આવી સ્થિતિમાં આ વખતે શ્રાવણ બે મહિના સુધી ચાલવાનો છે.
- શ્રાવણનો પહેલો સોમવાર: 10 જુલાઇ
- શ્રાવણનો બીજો સોમવાર: 17 જુલાઇ
- શ્રાવણનો ત્રીજો સોમવાર: 24 જુલાઇ
- શ્રાવણનો ચોથો સોમવાર: 31 જુલાઇ
- શ્રાવણનો પાંચમો સોમવાર: 07 ઓગષ્ટ
- શ્રાવણનો છઠ્ઠો સોમવાર:14 ઓગષ્ટ
- શ્રાવણનો સાતમો સોમવાર: 21 ઓગષ્ટ
- શ્રાવણનો આઠમો સોમવાર: 28 ઓગષ્ટ
શ્રાવણ સોમવાર પૂજા વિધિ
- શ્રાવણ સોમવાર ના દિવસે સવારે સ્નાન વગેરે કરીને સ્વચ્છ વસ્ત્ર ધારણ કરી લો.
- પોતાના જમણા હાથમાં જળ લઇને શ્રાવણ સોમવારનું વ્રતનો સંકલ્પ લો.
- બધા દેવતાઓ પર ગંગા જળ ચઢાવો
- ॐ नमः शिवाय મંત્રનો જાપ કરતા કરતા ભગવાન શિવશંકરને જળાભિષેક કરો.
- ભોળાનાથને ચોખા, સફેદ ફૂલ, સફેદ ચંદન, ભાંગ, ધતૂરો, ગાયના દૂધ, ધૂપ, પંચામૃત, સોપારી, બિલિપત્ર ચઢાવો.
- આ સામગ્રી ચઢાવતી વખતે ॐ नमः शिवाय शिवाय नमः નો જાપ કરો અને ચંદનનો તિલક લગાવો.
- શ્રાવણના સોમવાર ના વ્રતના દિવસે વ્રતની કથા વાંચો અને અંતમાં આરતી કરવી જરુરી છે.
- ભગવાન શિવનો પ્રસાદના રુપમાં ઘી અને ખાંડનો ભોગ લગાવો.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
