- PM આવાસ યોજનામાં અરજી કરવી છે?
- તો આ વાતોનું ખાસ ધ્યાન રાખજો
- નહીં તો થઈ શકે છે છેતરપિંડી
PM આવાસ યોજનામાં હાલના સમયમાં મોટી સંખ્યામાં લોકો જોડાયા છે અને લાભ લઈ રહ્યા છે. જો તમે પણ આ યોજના હેઠળ પોતાના ઘરનું ઘર બનાવવા માંગો છો તો તમે પણ તેની સાથે જોડાઈ શકો છો. બસ તમારૂ આ યોજના માટે પાત્ર હોવું જરૂરી છે અને જો તમે અરજી કરી રહ્યા છો તો તમારે અમુક વાતોનું ખાસ ધ્યાન રાખવું જોઈએ. નહીં તો તમારી સાથે છેતરપિંડી થઈ શકે છે.
અરજી કરતા પહેલા આ વાતોનું રાખો ધ્યાન
નંબર-1
અરજીના સમયે તમારી પાસે આધાર કાર્ડ હોવું જરૂરી છે પરંતુ ધ્યાન રાખો કે કોઈને પણ ઓરિજનલ આધાર કાર્ડ ન આપો. સાથે જ કોઈની પાસે તેને જમા પણ ન કરાવો. નહીં તો તમારા આધાર કાર્ડ દ્વારા ફ્રોડ થઈ શકે છે.
નંબર-2
તમે યોજનામાં અરજી કરાવી રહ્યા છો તો પોતાની ગુપ્તતા બેંકિંગ ડિટેલ્સ બિલકુલ પણ શેર ન કરો. તેમાં તમારો ડેબિટ કાર્ડ નંબર, સીવીવી નંબર, ઓટીપી વગેરે કોઈની પણ સાથે શેર ન કરો. નહીં તો તમારી સાથે છેતરપિંડી થઈ શકે છે.
નંબર-3
જો તમે પ્રધાનમંત્રી આવાસ યોજના હેઠળ અપાત્ર છો તો ભૂલથી પણ અરજી ન કરો. ફ્રોડ તમને અરજી કરવાનું કહી તમારી પાસે બદલામાં પૈસા માંગે છે. આવા લોકોથી બચીને રહો. સરકાર પાત્ર લોકોને જ લાભ આપે છે.
વધુ વાંચો: શું તમે જાણો છો? ચૂંટણીમાં પણ તમને મળે છે TAX બચાવવાનો મોકો, એ કઇ રીતે, જાણો વિગત
નંબર-4
PM આવાસ યોજનામાં અરજી કરવા માટે સરકાર કોઈ ચાર્જ નથી લેતી. જો તમારી પાસે કોઈ પૈસા માંગી રહ્યું છે તો આવા લોકોથી સાવધાન રહો.
