જૂનાગઢ / ગિરનારમાં દત્તાત્રેય મંદિરમાં થયેલા ઘર્ષણ મામલે સંતોએ આ તારીખ સુધીનું અલ્ટિમેટમ આપ્યું, નહીંતર મેદાનમાં ઊતરવાની ચીમકી, CMને પણ કરાશે રજૂઆત

• વડોદરામાં ભગવાન દત્તાત્રેય મંદિર વિવાદ
•  સનાતન સંત સમિતિનું અલ્ટિમેટમ
• જ્યોતિર્નાથ મહારાજે આપ્યુ નિવેદન

જૂનાગઢમાં જૈન-હિન્દુ દેવસ્થાનનો વિવાદ ફરી એકવાર વકર્યો છે. ગત રવિવારે કેટલાક લોકો દ્વારા દત્તાત્રેય દેવસ્થાનમાં હલ્લાબોલ કરીને મૂર્તિ સાથે છેડછાડનો કરવાનો પ્રયાસ કરવામાં આવ્યાનો વીડિયો વાયરલ થયો હતો. તેમજ 'ગિરનાર અમારો છે' તેવા સૂત્રોચ્ચાર કરવામાં આવતા વિવાદ વકર્યો છે. ભગવાન દત્તાત્રેય મંદિરમાં પાદુકાને નુકસાન કરવાનો વિવાદનો મુદ્દો રોજે રોજ વધુને વધુ વકરતો જાય છે.  જે મામલે જ્યોતિર્નાથ મહારાજે નુકસાન કરનાર સામે કાર્યવાહીની માગ કરી છે

જ્યોતિર્નાથ મહારાજનું નિવેદન
જ્યોતિર્નાથ મહારાજે પાદુકા વિવાદને લઈ  જણાવ્યું છે કે, 6 ઓક્ટોબર સુધીમાં પગલા લેવા સનાતન સંત સમિતિનું અલ્ટિમેટમ છે. જો પગલાં નહીં લેવાય તો 7 ઓક્ટોબરે સંત સમિતિ મેદાનમાં ઉતરશે. આગામી દિવસોમાં મુખ્યમંત્રી અને ગૃહમંત્રી સાથે મુલાકાત કરીશુ તેમ પણ જ્યોતિર્નાથ જણાવ્યું છે. 

શું બની હતી સમગ્ર ઘટના ?
આપને જણાવી દઈએ કે, જૈન સંઘના લોકોએ શિખર પર હોબાળો મચાવ્યો હતો અને ગુરુ દત્તાત્રેયની ચરણપાદુકા ફેંકવાનો પ્રયાસ પણ કર્યો હતો. જેનો વીડિયો પણ વાયરલ થયો હતો. જૈન સંઘના કૃત્યથી સાધુ-સંતો અને ભવનાથના સંતો લાલઘુમ થયા છે. 

ગિરનારમાં દત્તાત્રેય શિખરનો વિવાદ શું છે?
ગિરનારમાં દત્તાત્રેય શિખરને લઈને ચાલી વિવાદ ચાલી રહ્યો છે. દત્તાત્રેય શિખર પર ભગવાન દત્તાત્રેયના પગલા આવેલા છે. જૈન માને છે શિખર પર જે પગલા છે તે નેમીનાથના છે. દત્તાત્રેય શિખરનો વિવાદ આઝાદીકાળથી ચાલી રહ્યો છે. હાઈકોર્ટમાં બંને પક્ષે સામસામે દાવો પણ કર્યો છે. કોર્ટે વિવાદાસ્પદ પ્રવૃત્તિ ન કરવા હુકમ કર્યો છે. કોર્ટે જૈનને પૂજા કરવાની સત્તા આપી નથી. સદીઓથી હિન્દુ સંસ્થા દત્તાત્રેય શિખર પર પૂજા કરે છે.