કૃષ્ણ જન્મોત્સવ / જન્માષ્ટમી પર ઘરે કઈ રીતે કરવી જોઈએ પૂજા? બાળગોપાલને રીઝવવા શ્રીકૃષ્ણ પ્રેમીઓ ખાસ જાણી લો વિધિ

• કૃષ્ણ જન્માષ્ટમીની તૈયારીઓ કરવામાં આવી રહી છે
• કૃષ્ણ જન્માષ્ટમીની પૂજા રોહિણી નક્ષત્રમાં કરવામાં આવે છે
• ભાદ્રપદ કૃષ્ણ માસની આઠમે જન્માષ્ટમી ઊજવવામાં આવે છે

કૃષ્ણ જન્માષ્ટમીની તૈયારીઓ કરવામાં આવી રહી છે. આ વર્ષે 7 સપ્ટેમ્બરના રોજ જન્માષ્ટમી ઊજવવામાં આવશે. હિંદુ પંચાંગ અનુસાર ભાદ્રપદ કૃષ્ણ માસની આઠમે જન્માષ્ટમી ઊજવવામાં આવે છે. આઠમની તિથિ પહેલા દિવસની અડધી રાત્રે વિદ્યમાન હોય તો વ્રત પહેલા દિવસે જ કરવામાં આવે છે. કૃષ્ણ જન્માષ્ટમીની પૂજા રોહિણી નક્ષત્રમાં કરવામાં આવે છે. 

મથુરામાં જન્માષ્ટમી ક્યારે ઊજવવામાં આવશે?
ભગવાન શ્રીકૃષ્ણની જન્મભૂમિ મથુરામાં 6 સપ્ટેમ્બરના રોજ જન્માષ્ટમી ઊજવવામાં આવશે. મથુરામાં લાખોની સંખ્યામાં ભક્તો બાંકે બિહારીના દર્શન કરવા માટે આવે છે. 

આ વિધિ સાથે કરો ઠાકોરજીનો અભિષેક

• સૌથી પહેલા શુદ્ધ જળ તથા પંચામૃત (દૂધ, દહીં, ઘી, મધ તથા પાણી)થી અભિષેક કરો.
• હવે ગરમ પાણીથી ઠાકોરજીનો અભિષેક કરો.
• ફૂલોના મધ્યમાંથી લડ્ડૂ ગોપાલનો સહસ્ત્રધારાથી અભિષેક કરો. 
• ત્યારપછી ચૂર્ણસ્નાન (હળદર) તથા કપૂરથી આરતી કરો.
• ઠાકોરજી પર ફૂલની વર્ષા કરો
• ભગવાનને સ્નાન કરાવો. 
• ભગવાનનો શ્રૃંગાર કરો. 
• ઠાકોરજીને ભોગ લગાવો. 
• ભગવાનની આરતી કરીને ઠાકોરજીના અભિષેકની વિધિ સમાપ્ત કરો. 

જન્માષ્ટમીના દિવસે વિશ્વના રક્ષક ભગવાન શ્રીકૃષ્ણએ ધર્મની સ્થાપના માટે પૃથ્વી પર અવતાર લીધો હતો. આ દિવસ વૈષ્ણવ સમાજ માટે ઉત્સવ જેવો છે. આ દિવસે, ભક્તો માત્ર ભગવાન કૃષ્ણની જન્મજયંતિ જ ઉજવતા નથી, પરંતુ ધાર્મિક માન્યતા છે કે, ભગવાન કૃષ્ણની પૂજા કરવાથી ભક્તને પૃથ્વી પર જ તમામ પ્રકારના સાંસારિક સુખો પ્રાપ્ત થાય છે.