- ઈઝરાયલ-હમાસ જંગ વચ્ચે ઇરાનનો ચોંકાવનારો દાવો
- ભયાનક રૂપ ધારણ કરી રહ્યો છે જંગ
- ...તો હમાસ બંધક બનાવેલા લગભગ 200 લોકોને છોડી દેવા તૈયાર
ઈઝરાયેલ અને પેલેસ્ટાઈન આતંકવાદી સંગઠન હમાસ લોહિયાળ જંગ દિવસેને દિવસે ભયાનક રૂપ ધારણ કરી રહ્યો છે. આ યુદ્ધમાં બન્ને દેશના લગભગ ચાર હજાર લોકો મોતના ખપ્પરમાં હોમાયા છે. આ દરમિયાન ઈરાનના વિદેશ મંત્રાલયનું મોટું નિવેદન સામે આવ્યું છે.જેમાં ઈરાનના વિદેશ મંત્રાલયે દાવો કર્યો કે જો ઈઝરાયેલ ગાઝા પટ્ટી પર હવાઈ હુમલા અટકાવી દેશે તો હમાસ બંધક બનાવેલા લગભગ 200 લોકોને છોડી દેવા તૈયાર છે. જો કે આ મામલે હમાસ તરફથી કોઈ પુષ્ટિ કરાઈ નથી.
પૂરતી સૈન્ય ક્ષમતા છે.
નાસિર કાનાનીએ દાવો કરી કહ્યું કે હમાસે યુદ્ધ દરમિયાન ઇઝરાયલી નાગરિકોને બંધક બનાવ્યા હતા. જેને મુક્ત કરવાની દિશામાં તૈયારી કરી રહ્યું છે. જો કે, શરત એટલી છે કે જો ઇઝરાયેલ ગાઝાના જુદા જુદા ભાગો પર સતત બોમ્બમારો અટકાવી દેશે તો હમાસ બંધકોને મુક્ત કરવાની દિશામાં કાર્યવાહી કરી શકે છે.બીજી બાજુ ઈરાનના વિદેશ મંત્રાલયના પ્રવક્તા નાસિર કાનનીએ એવુ પણ કહ્યું કે હમાસને આ યુદ્ધ ચાલુ રાખવામાં પણ વાંધો નથી કારણ કે તેમની પાસે ઇઝરાયેલનો સામનો કરવા માટે પૂરતી સૈન્ય ક્ષમતા છે.
વિદેશ મંત્રાલયે અમેરિકા પર પણ શાબ્દિક હુમલો કર્યો
સાથે જ ઇરાને ઇઝરાયેલને ચેતવણીભર્યા શબ્દોમાં એવું પણ કહ્યું હતું કે જો આગામી દિવસોમાં ગાઝામાં આવી જ રીતે હિંસક હુમલા કરવામાં આવશેમ તો ઈરાન પણ યુદ્ધમાં ઝંપલાવી શકે છે. સાથે જ યુદ્ધ જેવી પરિસ્થિતિ વચ્ચે ઈરાનના વિદેશ મંત્રાલયે અમેરિકા પર પણ શાબ્દિક હુમલો કર્યો હતો તેમણે કહ્યું હતું કે આ યુદ્ધ પાછળ અમેરિકા જ જવાબદાર છે.
અમારી પરીક્ષા ન કરો
તો ઇઝરાયલના વડા પ્રધાન બેન્જામિન નેતન્યાહુએ ઈરાનને ચેતવણી આપી કહ્યું કે અમારી પરીક્ષા ન લ્યો. વધુમાં હમાસને હરાવવા માટે વિશ્વને એક થવાની જરૂર છે. તેણે કહ્યું, "આ યુદ્ધ તમારું પણ યુદ્ધ છે.એવું પણ કહ્યું કે આ યુદ્ધ અંધકારની શક્તિઓ સામે અસ્તિત્વની લડાઈ છે.
