સ્પોર્ટ્સ / IPL 2024 Auctionનું સંપૂર્ણ લિસ્ટનું એલાન, 333 ખેલાડીઓ, 77 જગ્યા માટે લાગશે બોલી, આ ખેલાડીઓ પર કરોડોનો થશે વરસાદ

• IPL હરાજીમાં ખેલાડીઓ પર થશે કરોડોનો વરસાદ
• દુબઈમાં 19 ડિસેમ્બરના રોજ IPLની હરાજી થશે
• 333 ખેલાડીઓની બોલી લગાવવામાં આવશે

IPL 2024 પહેલા થનાર હરાજીમાં જે ખેલાડીઓની બોલી બોલાશે, તેમનું લિસ્ટ જાહેર કરવામાં આવ્યું છે. દુબઈમાં 19 ડિસેમ્બરના રોજ IPLની હરાજી થશે, જે બપોરે 2.30 વાગ્યે શરૂ થશે. આ હરાજી માટે બધી ટીમોએ તૈયારી કરી લીધી છે. BCCIની પ્રેસ રિલીઝ અનુસાર આ વર્ષે કુલ 333 ખેલાડીઓની બોલી લગાવવામાં આવશે, જેમાં 214 ભારતીય ખેલાડી અને 119 વિદેશી ખેલાડી છે. 

🚨 NEWS 🚨

IPL 2024 Player Auction list announced.

The roster for the Indian Premier League (IPL) 2024 Player Auction has been unveiled. The auction is set to take place in Dubai at the Coca-Cola Arena on December 19th, 2023.

𝗔𝗹𝗹 𝗧𝗵𝗲 𝗗𝗲𝘁𝗮𝗶𝗹𝘀 🔽… pic.twitter.com/w26igPZRBH

— IndianPremierLeague (@IPL) December 11, 2023

આ વર્ષે બે એસોસિએટ દેશોના ખેલાડીઓને પણ આ લિસ્ટમાં શામેલ કરવામાં આવ્યા છે. કુલ 333 ખેલાડીઓમાંથી 111 કેપ્ડ પ્લેયર છે અને 215 અનકેપ્ડ પ્લેયર છે. ટીમ પાસે કુલ 77 ખેલાડીઓની જગ્યા છે, 333 પ્લેયર્સમાંથી 77 ખેલાડી જ વેચાશે. 

આ લિસ્ટમાં 23 ખેલાડી એવા છે, જેની બેઝ પ્રાઈસ 2 કરોડ રૂપિયા છે. 13 ખેલાડીઓની બેઝ પ્રાઈસ 1.5 કરોડ રૂપિયા છે. અન્ય ખેલાડીઓની બેઝ પ્રાઈસ 1 કરોડ, 50 લાખ, 30 લાખ અને 10 લાખ રૂપિયા છે. હરાજીના થોડા સમય પહેલા જ તમામ ટીમોએ રિલીઝ અને રિટેન કરેલ ખેલાડીઓનું લિસ્ટ જાહેર કર્યું હતું, જેમાંથી અનેક પ્લેયર્સને રિલીઝ કરવામાં આવ્યા હતા. 

IPL હરાજીમાં અનેક નામ એવા છે, જે જાણીને ચોંકી જશો. વર્લ્ડ કપ ફાઈનલમાં ભારત સામે સદી ફટકારનાર ટ્રેવિસ હેડ પણ હરાજીમાં શામેલ છે. ટ્રેવિસ હેડની બેઝ પ્રાઈસ 2 કરોડ રૂપિયા છે. મિચેલ સ્ટાર્ક, સ્ટીવ સ્મિથ, પેટ કમિંસ અને જોશ ઈંગ્લિસ પણ હરાજીમાં શામેલ થશે. આ તમામ ખેલાડીની બેઝ પ્રાઈસ 2 કરોડ રૂપિયા છે.