મોંઘવારી / જનતા ત્રાહિમામ: દુનિયામાં સૌથી મોંઘો LPG ખરીદી રહ્યા છે ભારતીયો, પેટ્રોલ અને ડીઝલમાં પણ આવી જ સ્થિતિ

Pravin

Last Updated: 09:48 PM, 8 April 2022

FOLLOW ON

શેર કરો

ભારતમાં સતત મોંઘવારી વધતી જઈ રહી છે. પેટ્રોલ-ડીઝલ અને ઘરેલૂ ગેસના ભાવોએ સામાન્ય માણસોની કમર કોડી નાખી છે.

ભારતમાં મોંઘવારીમાં ભારે વધારો
દુનિયાનો સૌથી મોંઘો LPG ભારતમાં વેચાય છે
પેટ્રોલ અને ડીઝલના ભાવમાં આ નંબર પર છીએ

ભારતમાં સતત મોંઘવારી વધતી જઈ રહી છે. પેટ્રોલ-ડીઝલ અને ઘરેલૂ ગેસના ભાવોએ સામાન્ય માણસોની કમર કોડી નાખી છે. ત્યારે આવા સમયે આપને જાણીને હેરાની થશે કે, આ સમયે ભારતમાં દુનિયામાં સૌથી મોંઘો LPG ગેસ વેચાઈ રહ્યો છે. તો વળી પેટ્રોલના મામલામાં આપણે ત્રીજા અને ડીઝલના મામલે આપણે 8માં નંબરે છીએ.

સૌથી મોંઘો LPG સિલેન્ડર ખરીદી રહ્યા છે ભારતીયો

ભારતીય કરન્સી એટલે કે પર્ચેજિંગ પાવરના હિસાબથી જોઈએ તો, ભારતમાં પ્રતિ કિલોગ્રામ LPG ના ભાવ સૌથી વધારે છે. પર્ચેઝિંગ પાવરના હિસાબથી એલપીજી 3.5 ડોલર પ્રતિ કિલોગ્રામના ભાવ છે. જ્યારે લોકોની પ્રતિ દિવસની આવકનો 15.6 ટકા ખર્ચ થઈ રહ્યો છે. પ્રતિ વ્યક્તિની દરરોજની આવકનો આટલો મોટો ભાગ અન્ય કોઈ દેશમાં ખર્ચ થતો નથી.

ભારત બાદ આ દેશો આવે છે

પર્ચેઝિંગ પાવરના હિસાબથી ભારત બાદ તુર્કી, ફિઝી, મેલડોવા અને પછી યુક્રેનનો નંબર આવે છે. સ્વિટઝરલેન્ડ, ફ્રાંસ, કેનેડા અને યુકેમાં એલપીજી ગેસની કિંમત લોકોની પર્ચેઝિંગ પાવરની સરખામણીમાં ઘણુ ઓછું છે.

પેટ્રોલના મામલે ત્રીજા નંબર પર છે ભારત

આ ઉપરાંત પર્ચેઝિંગ પાવર પૈરિટીના હિસાબે ભારતમાં 1 લીટર પેટ્રોલનો ભાવ લગભગ 1.5 ડોલર હોય છે. અમેરિકામાં 1.5 ડોલરની કિંમતમાં ઘણો બધો સામાન ખરીદી શકાય છે. કારણ કે ત્યાં લોકોની સરેરાશ આવક ઘણી વધારે છે. ભારતમાં 120 રૂપિયામાં ખૂબ સામાન ખરીદી શકાય છે. પ્રતિ વ્યક્તિ રોજની આવક લગભગ 23.5 ટકા ભાગ પ્રતિ લીટર પેટ્રોલ અને ડીઝલ પર ખર્ચ થઈ રહ્યો છે. ભારતથી આગળ તેના બંને પાડોશી દેશ છે. નેપાળમાં પેટ્રોલ પર દરરોજની કમાણીનો 38.2 ટકા ભાગ ખર્ચાય છે. જ્યારે પાકિસ્તાનમાં 23.8 ટકા ભાગ પેટ્રોલની ખરીદી પર થઈ રહ્યો છે.

સંકળાયેલા મુદ્દાઓ

LPG latest petrole price એલપીજી પેટ્રોલ મોંઘવારી સિલેન્ડર lpg price