IND vs AUS / વિજયરથ પર સવાર ભારતીય ટીમનો આખરે ફાઇનલમાં કેમ થયો પરાજય? આ રહ્યાં હાર પાછળનાં જવાબદાર 5 કારણ

• ફાઇનલમાં ઓસ્ટ્રેલિયાએ ભારતીય ટીમને હરાવી 
• ભારતીય ટીમે ઓસ્ટ્રેલિયાને 241 રનનો ટાર્ગેટ આપ્યો હતો
• ચાલો જાણીએ ટીમ ઈન્ડિયાની હારના 5 મોટા કારણો 

વર્લ્ડ કપ 2023ની ફાઇનલમાં ઓસ્ટ્રેલિયાએ ભારતીય ટીમને હરાવ્યું છે. આ રીતે ટીમ ઈન્ડિયાનું ત્રીજી વખત વર્લ્ડ ચેમ્પિયન બનવાનું સપનું પણ ચકનાચૂર થઈ ગયું. ભારતીય ટીમે ઓસ્ટ્રેલિયાને 241 રનનો ટાર્ગેટ આપ્યો હતો. ઓસ્ટ્રેલિયાએ આ ટાર્ગેટ 43 ઓવરમાં 4 વિકેટ ગુમાવીને સરળતાથી મેળવી લીધો હતો. ઓસ્ટ્રેલિયાની જીતનો હીરો તેનો ઓપનિંગ બેટ્સમેન ટ્રેવિસ હેડ હતો. હવે, એક સમયે ઓસ્ટ્રેલિયાના 3 બેટ્સમેન 48 રન પર પેવેલિયન પરત ફર્યા હતા, પરંતુ ટ્રેવિસ હેડ અને માર્નસ લાબુશેને શાનદાર સાજેદારી કરી અને ટાર્ગેટ હાંસલ કરી લીધો. એવામાં ચાલો જાણીએ ટીમ ઈન્ડિયાની હારના 5 મોટા કારણો વિશે.

We Are Proud Of You. 👏👏#TeamIndia | #CWC23 | #MenInBlue pic.twitter.com/dAtVtvo9uj

— BCCI (@BCCI) November 19, 2023

નબળી ફિલ્ડિંગ અને રન આઉટની તક ગુમાવી 
ભારતીય બેટ્સમેનો બેટિંગ કરતા સમયે માત્ર 240 રન બનાવી શક્યા હતા. આવી સ્થિતિમાં ભારતીય ફિલ્ડરો પાસેથી ચુસ્ત ફિલ્ડિંગની અપેક્ષા રાખવામાં આવી હતી. પરંતુ ભારતીય ટીમના ફિલ્ડરોએ મોટા પ્રસંગોએ લોકોને નિરાશ કર્યા હતા. ભારતીય ફિલ્ડરોએ આ મેચમાં રન આઉટ કરવાની ઘણી તક ગુમાવી હતી.

શમી, બુમરાહ, જાડેજા - બધા બોલર નકલી સિક્કા સાબિત થયા
આ વર્લ્ડ કપમાં ભારતીય બોલરોએ ઘણો પ્રભાવ પાડ્યો હતો, પરંતુ ફાઈનલ મેચમાં ઓસ્ટ્રેલિયાના બેટ્સમેનોની સામે તેઓ ફ્લોપ સાબિત થયા હતા. જસપ્રીત બુમરાહ ઉપરાંત ઝડપી બોલર મોહમ્મદ શમી, રવિન્દ્ર જાડેજા, મોહમ્મદ સિરાજ અને કુલદીપ યાદવે ચાહકોને નિરાશ કર્યા હતા. ફાઈનલ મેચમાં ટીમ ઈન્ડિયાના બોલરો નિરાશ દેખાતા હતા.

#TeamIndia put up a solid fight but it was not our night in the #CWC23 #Final.

Congratulations to Australia. #MenInBlue | #INDvAUS pic.twitter.com/4LhcDVNXVu

— BCCI (@BCCI) November 19, 2023

બેટ્સમેનોએ બેદરકાર શોટ રમ્યા હતા
ટોસ હાર્યા બાદ બેટિંગ કરવા આવેલી ભારતીય ટીમના બેટ્સમેનો નિયમિત અંતરે આઉટ થતા રહ્યા. આ મેચમાં ઓસ્ટ્રેલિયાના બોલરોએ શાનદાર બોલિંગ કરી હતી, પરંતુ ભારતીય ટીમના બેટ્સમેનોએ ઘણા બેદરકાર શોટ રમીને પોતાની વિકેટો ફેંકી દીધી હતી. ટીમ ઈન્ડિયા માટે માત્ર વિરાટ કોહલી અને કેએલ રાહુલ જ પચાસ રનનો આંકડો સ્પર્શી શક્યા હતા, આ સિવાય ટીમના બાકીના બેટ્સમેનોનો ફ્લોપ શો રહ્યો હતો.

Innings Break!#TeamIndia post 2⃣4⃣0⃣ on the board!

6⃣6⃣ for KL Rahul
5⃣4⃣ for Virat Kohli
4⃣7⃣ for Captain Rohit Sharma

Over to our bowlers now 👌

Scorecard ▶️ https://t.co/uVJ2k8mWSt #CWC23 | #MenInBlue | #INDvAUS | #Final pic.twitter.com/22oteriZnE

— BCCI (@BCCI) November 19, 2023

ભારતીય બોલરોએ વધારાના રન વેડફ્યા
ભારતીય બોલરોએ ફાઇનલમાં ઘણા વધારાના રન આપ્યા હતા. ખાસ કરીને મોહમ્મદ શમી શરૂઆતની ઓવરોમાં પોતાની લાઇન અને લેન્થથી ભટકતો જોવા મળ્યો હતો. આ સિવાય ટીમના બાકી બોલરોની હાલત પણ આવી જ હતી. ટીમ ઈન્ડિયાના બોલરોએ આ મેચમાં નબળી બોલિંગ કરી, જેના કારણે કાંગારૂ બેટ્સમેનો સરળતાથી રન બનાવતા રહ્યા. આ સિવાય વિકેટકીપર કેએલ રાહુલે પણ આ મેચમાં ઘણા મિસફિલ્ડ કર્યા હતા. ભારતીય બોલરોએ આ મેચમાં કુલ 18 વધારાના રન આપ્યા હતા.

ટ્રેવિસ હેડે ભારતની આશાઓ પર પાણી ફેરવ્યું 
ભારતના 240 રનના જવાબમાં ઓસ્ટ્રેલિયાના ત્રણ બેટ્સમેન માત્ર 48 રનમાં આઉટ થઈ ગયા હતા, પરંતુ ટ્રેવિસ હેડે ભારતની આશાઓ પર પાણી ફેરવી નાખ્યું હતું. ટ્રેવિસ હેડ 120 બોલમાં શાનદાર 137 રન બનાવીને પેવેલિયન પરત ફર્યો હતો, પરંતુ ત્યાં સુધીમાં તેણે ઓસ્ટ્રેલિયાની જીત સુનિશ્ચિત કરી લીધી હતી.