- ગુજરાત વિધાનસભા ચૂંટણીમાં કેન્દ્રીય ચૂંટણી પંચનો મોટો નિર્ણય
- 80 વર્ષથી વધુ ઉંમરના, દિવ્યાંગ-કોવિડ સંક્રમિત લોકો ઘરેથી કરી શકશે મતદાન
- ઘરેથી મતદાન કરવા મતદાતાએ ફોર્મ 12D ફરીને આપવું પડશે
- ચૂંટણી પંચની ટીમ આવા મતદારોને ઘરે પહોંચી બેલેટ પેપરનું કામ કરાવશે
આજે કેન્દ્રીય ચૂંટણીપંચે પત્રકાર પરિષદ યોજી 1 અને 5 ડિસેમ્બરે તારીખ જાહેર કરી દીધી છે. મહત્વનું છે કે, ગુજરાતમાં બે તબક્કામાં વિધાનસભાની ચૂંટણી યોજાશે. જોકે એક મહત્વના સમાચાર એ છે કે, ચૂંટણીપંચ દ્વારા દિવ્યાંગ, અને કોવિડ સંક્રમિત સહિત આ મતદાતાને વિશેષ સુવિધા અપાઇ છે.
ગુજરાતમાં વિધાનસભાની ચૂંટણી આગામી 1 અને 5 ડિસેમ્બરે યોજાનાર છે. જેમાં પ્રથમ તબક્કાનું મતદાન 1 ડિસેમ્બરે અને બીજા તબક્કાનું મતદાન 5 ડિસેમ્બરે યોજાશે. આ સાથે ગુજરાત વિધાનસભા ચૂંટણીની મતગણતરી 8 ડિસેમ્બરે થશે. ગુજરાતમાં બે તબક્કામાં 1 ડિસેમ્બર અને 5 ડિસેમ્બરે મતદાન થશે. હિમાચલ પ્રદેશની સાથે ગુજરાતનું પણ પરિણામ 8મી ડિસેમ્બરે જાહેર થશે.
મહત્વનું છે કે, આ વખતે ચૂંટણી પંચ દ્રારા દિવ્યાંગ, અને કોવિડ સંક્રમિત સહિત આ મતદાતાને વિશેષ સુવિધા અપાઇ છે. જેમકે દિવ્યાંગ અને 80 વર્ષની વયથી ઉપરના મતદાતા ઘરેથી વોટિંગ કરી શકે તેવી વ્યવસ્થા કરાઇ છે.
ઘરેથી કોણ મતદાન કરી શકે અને શું કરવું પડશે ?
કેન્દ્રીય ચૂંટણીપંચે જણાવ્યું હતું કે, 80 વર્ષથી વધુ ઉંમરના, દિવ્યાંગ અથવા કોવિડ સંક્રમિત લોકો જે મતદાન કરવા માગે છે, પરંતુ મતદાન બૂથ પર પણ ન આવી શકે. ચૂંટણી પંચ આવા મતદારોના ઘરે જઈને મતદાન કરવાની સુવિધા આપશે. આ મતદાતા પોસ્ટલ બેલેટથી મતદાન કરી શકશે. જેઓ ઘરે બેસીને મતદાન કરશે. જોકે મતદાનની વીડિયોગ્રાફી પણ થશે. આ માટે ચૂંટણી પંચની ટીમ આવા મતદારોને ફોન દ્વારા જાણ કરશે અને ત્યારબાદ ઘરે ઘરે પહોંચી બેલેટ પેપરનું કામ કરાવશે. આ માટે મતદાતાએ ફોર્મ 12D ફરીને આપવું પડશે.
