VIDEO / બાપ રે ! 11000 વોલ્ટની લાઈન પર ચઢી પ્રેમિકા, પાછળ ચઢ્યો પ્રેમી, હવે થઈ જોવા જેવી

• છત્તીસગઢમાં હોંશ ઉડાવી દે તેવો કિસ્સો
• પ્રેમીથી નારાજ સગીર પ્રેમિકા 80 ફૂટ ઊંચા વીજ પોલ પર ચડી ગઈ
• પોલીસે સમજાવી મામલો થાળે પાડ્યો

છત્તીસગઢના ગૌરેલા પેન્દ્રા મારવાહી જિલ્લામાં પોતાના પ્રેમીથી નારાજ પ્રેમિકાએ વિસ્તાર માથે લીધો હોય તેવો કિસ્સો સામે આવ્યો હતો. જેમાં  સગીર પ્રેમિકા હાઈ વોલ્ટેજ લાઇનના પોલ પર  80 ફૂટની ઊંચાઈએ ચઢી ગઈ હતી. જેને લઈને હાઈ વોલ્ટેજ ડ્રામા શરૂ થયો હતો. બાદમાં પ્રેમિકાને મનાવવા માટે પ્રેમી પણ ટાવરની ટોચ સુધી ચડી ગયો હતો. આથી સ્થાનિકો અને પરિવારજનોના હોંશ ઉડી ગયા હતા. 

We have been building transmission towers from ages. This is the first time I have seen someone climb them to commit suicide upset with her lover. Good news, the boyfriend followed her up and convinced her to climb down. All iz well #Chhattisgarh #today pic.twitter.com/3MRpbZ8RJI

— Harsh Goenka (@hvgoenka) August 6, 2023

પ્રેમી પણ 80 ફૂટ ઊંચા ટાવર પર ચઢી ગયો

બાદમાં તાત્કાલિક પોલીસને જાણ કરાતા પોલીસ સ્થળ પર દોડી આવી હતી. આ ઘટનાનો વીડિયો સોશિયલ મીડિયા પર ધુમ વાયરલ થઇ રહ્યો છે.પ્રેમી અને પ્રેમિકાને ફોન પર વાત કરતી વખતે બંને કોઈ મામલે બોલાચાલી થઈ હતી. બાદમાં નારાજ પ્રેમીકા ઘરથી ભાગી 80 ફૂટ ઊંચા ટાવર પર ચઢી ગઈ હતી. બાદમાં પ્રેમિકાને પગલે તેનો બોયફ્રેન્ડ પણ ટાવર પર ચઢવા લાગ્યો હતો.જોકે તેને જોઈને ગર્લફ્રેન્ડ ટાવરની ટોચ પર પહોંચી ગઈ હતી. 

આ બંનેને ટાવર પર જોઈને ગામના લોકો અને તેમના પરિવારના સભ્યો ડરી ગયા હતા. બાદમાં પોલીસને જાણ કરતાં સ્થાનિક પોલીસ પણ દોડી આવી હતી. જ્યાં બુમા બુમ કરવા છતાં પ્રેમી અને પ્રેમિકા એકના બે થયા ન હતા અને નીચે ન આવતા પોલીસે સમજાવવાનું શરૂ કર્યું હતું. લાંબી જહેમત બાદ પોલીસને સફળતા મળી હતી અને બંને નીચે ઉતરી ગયા હતા. બાદમાં પોલીસે સમજાવી જવા દીધા હતા. જોકે આ મામલે કેસ ન કર્યો હોવાનું જાણવા મળી રહ્યું છે.