રોષ / પોલીસનું મૌનવ્રત: અમદાવાદમાં અસામાજિક તત્વોના ત્રાસથી લાઈબ્રેરી થશે બંધ, તંત્રની છટકબારી જોઈ સ્થાનિકો લાલચોળ

• અમદાવાદમાં અસામાજિક તત્વોના ત્રાસથી લાઈબ્રેરી બંધ થશે
• અસામાજિક તત્વોને કારણે લાઈબ્રેરી બંધ કરાતા અનેક સવાલ
• આંગણવાડી શરૂ થશે તો બાળકો અને મહિલાઓની સુરક્ષાનું શું?

અમદાવાદમાં  અસામાજીક તત્વોનાં ત્રાસથી અમરાઈવાડીમાં આવેલી લાયબ્રેરી હવે બંધ થવાનાં આરે છે.  એમ.જે. લાયબ્રેરી હસ્તકની શામળ ભટ્ટ લાયબ્રેરી બંધ કરવા માટે મ્યુનિસિપલ કોર્પોરેશનમાં  પ્રસ્તાવ મુકવામાં આવ્યો છે.  લાયબ્રેરી બંધ કરી આંગણવાડી શરૂ કરવા દરખાસ્ત કરાઈ છે.  અસામાજીક તત્વોને કારણે લાયબ્રેરી બંધ કરાતા અનેક સવાલ ઉભા થયા છે. આંગણવાડી શરૂ થશે તો બાળકો અને મહિલાઓની સુરક્ષાનું શું? તે પણ એક ચર્ચાનો વિષય છે. 

લાઈબ્રેરી બંધ ન થવી જોઈએ, પોલીસની મદદ લેવી જોઈએઃ સ્થાનિક

આ બાબતે સ્થાનિક અમનભાઈએ જણાવ્યું હતું કે, લાયબ્રેરીમાં અસામાજીક તત્વોનો આતંક હોય જ નહી. પણ જો આ લોકો એવું કહે છે કે અસામાજીક તત્વોનો આતંકનું બહાનું બતાવે છે. તો અમરાઈવાડી વિસ્તારમાં પોલીસ છે. તે તો લોકોએ પોલીસની મદદ લેવી જોઈએ.  તેમજ જો તેઓ લાયબ્રેરી હટાવીને આંગણવાડી બનાવવાનું કહેતો અસામાજીક તત્વો તો ત્યાં પણ નડશે. ત્યાં બાળકોનાં વાલીઓ લેવા મુકવા આવે, બાળકો નાના હોય તો એ લોકોનુ શું થશે? ન્યુ કોટનની આજુબાજુનાં વિસ્તારનાં ઘણા લોકો વાંચવા માટે લાયબ્રેરીમાં આવતા હોય છે તો તે લોકોએ વાંચવા માટે જવાનું ક્યાં. આજુબાજુમાં લોકોને નાના એક રૂમ રસોડાનાં મકાન છે તો સરકારી નોકરીની તૈયારી કરતા હોય તે લોકો વાંચવા માટે ક્યાં જશે. 

આંગણવાડી શરૂ થશે તો બાળકોની સુરક્ષા કોણ કરશે?: સ્થાનિક
દિપકભાઈએ લાયબ્રેરી બંધ થવા બાબતે જણાવ્યું હતું કે, અમરાઈવાડીએ સ્લમ વિસ્તાર છે.  ત્યારે આ વિસ્તારમાં જે બાળકો કોમ્પીટીશન એક્ઝામની તૈયારી કરે છે તો એ બાળકો ક્યાં વાંચવા જશે. તેની સુવિધાનો બીજો કોઈ વિકલ્પ હોય તો આ બંધ કરી શકાય. પણ બીજો કોઈ વિકલ્પ આપ્યો નથી. આંગણવાડી બનાવવાનો જે વિકલ્પ આપ્યો છે તે તદન વાહીયાત છે.  તો એ લોકો એવું કહેતા હોય કે અસામાજીક તત્વોનો ત્રાસ છે.  તો આંગણવાડીની બહેનો તેમજ ભણવા માટે આવતા ભુલકાઓની સુરક્ષાનું શું? તેનો પણ એક પ્રશ્ન ઉભા થવોનો જ છે. ભવિષ્યમાં તો જે આ વાહિયાત પ્રશ્નનો કરી રહ્યા છે. તેમણે પોલીસની મદદ લઈ અસામાજીક તત્વો સામે પગલા ભરવા જોઈએ. અને આ લાયબ્રેરી એમની એમ જ રાખવી જોઈએ.