- શરીરનું એક ખૂબ જ મહત્વપૂર્ણ અંગ છે લીવર
- આ લક્ષણ દેખાઈ તો લીવર બગડવાના છે એંધાણ
- તાત્કાલીક તબીબની સલાહ લેવી
આપણા શરીરમાં લીવર એક ખૂબ જ મહત્વપૂર્ણ ભાગ હોય છે. આપણા શરીરમાં લોહીના કેમિકલ્સના સંતુલનને જાળવી રાખવાનું કામ લીવર કરે છે.પરંતુ લીવરમાં વધુ પ્રમાણમાં ફેટ જમા થઈ જવાને કારણે ફેટી લીવરની બીમારી થઈ જાય છે. વધુમાં લીવર પિતરસ પણ બનાવે છે જે લીવરમાં રહેલા ખરાબ પદાર્થોને બહાર કાઢવામાં મદદરૂપ થાય છે. જો તમારું લીવર ખરાબ થઈ જાય તો તેની અસર તમારા ચહેરા પર જોવા મળે છે. ત્યારે આવા લક્ષણો દેખાઈ તો તમારે સાવધાર રહેવું જોઈએ! તેના વિશે વિગતે ચર્ચા કરીએ.
શરીરમાંથી ટોક્સીનને બહાર કાઢવામાં મદદ કરે છે
ફેટી લીવરની સમસ્યા ખુબ જ સામાન્ય છે, આ સમસ્યાની શરૂઆત થવા પાછળનું કારણ લીવરમાં વધારાના ફેટ જમા થવાનું છે. આપણા શરીરમાં લીવર મહત્વપૂર્ણ અંગોમાંથી એક છે. લીવરમાં થનારી કોઈ પણ પરેશાનીની અસર આખા શરીરમાં જોવા મળે છે. જેમાં ભોજનને પચાવવાંની સાથે જ આપણા શરીરમાંથી ટોક્સીનને બહાર કાઢવામાં મદદ કરે છે. લીવરmમાં થતી સમસ્યાને કારણે કાર્ડીયોવેક્યુલર ડિસિઝ, કેન્સર અને ટાઈપ 2 ડાયાબિટીસનો સામનો કરવો પડે છે.
ખરાબ લાઈફસ્ટાઇલ છે કારણભૂત
સામાન્ય રીતે ફેટી લીવર બે પ્રકારના હોઈ છે, જેમાં આલ્કાહોલીક ફેટી લીવર અને નોન આલ્કાહોલીક. જેમાં આલ્કાહોલીક ફેટી લીવરની સમસ્યા વધુ માત્રમાં દારૂનું સેવન કરવાથી થાય છે. જયારે નોન આલ્કાહોલીક ફેટી લીવરની સમસ્યા મોટાપા, હાઈ બ્લડ શુગર અને લોહીમાં રહેલા ફેટના હાઈ લેવલને લીધે થાય છે. આ સમસ્યા સામાન્ય રીતે ખરાબ લાઈફસ્ટાઇલને કારણે થાય છે.
આવા લક્ષણો દેખાઈ છે
ત્વચા અને આંખોનું પીળું પડવું, ત્વચાની લાલાશ, નાના દોરા જેવી નસો દેખાવી, ચહેરા પર લાલ, પરુ ભરેલ ફોલ્લીઓ થવી સહિતના લક્ષણ દેખાઇ તો સાવધાન રહેવું જોઈએ. નિષ્ણાતોના મતે જ્યારે તમારું લીવર બગડવા લાગે છે ત્યારે આ પ્રકારનાક લક્ષણ દેખાવા લાગે છે. વધુમાં શરીરમાં બિલીરૂબિનનું સ્તર વધવાથી ત્વચા અને આંખો પીળી પડી શકે છે. જેને કમળો પણ કહે છે.
આ રીતે બચી શકાય છે
જો તમને પણ આવા લક્ષણો દેખાઈ તો વિલંબ કર્યા વગર તબીબનો સંપર્ક કરવો જોઈએ. આરોગ્ય નિષ્ણાંતના જણાવાયા અનુસાર જ્યારે લીવરની સમસ્યા વધી જાય છે ત્યારે જ આંખો લાલ થવા લાગે છે. વધુમા હેલ્ધી લીવર માટે દારૂના સેવનથી બચવું જોઈએ. વધુમાં દરરોજ કસરત કરવી પણ ખૂબ જ આવશક્ય બાબત છે.
