ધાર્મિક / આખા ગુજરાતમાં આવું મંદિર બીજે ક્યાંય નથી...: આ ગામમાં ભક્તોને થાય છે સૂતેલા હનુમાનજીના દર્શન

• અરવલ્લીના હનુમાનજીના તમામ મંદિરોમાં ભક્તોની ભારે ભીડ 
• અરવલ્લીમાં ગુજરાતનું એક માત્ર સુતેલા હનુમાનજીનું મંદિર 
• મોડાસાના સાકરીયા ગામના ભીડભંજન હનુમાનજી મંદિરમાં ભક્તો ઉમટ્યા 
• કાળીચૌદશ અને શનિવારને લઇ ભગવાનનો વિશેષ શણગાર કરાયો 

દિવાળીના તહેવારને લઈને મીની વેકેશન જેવો માહોલ છે. ત્યારે લોકો પોતાના પરીજનો સાથે પ્રવાસ અને ધાર્મિક સ્થળોની મુલાકાતના આયોજનો કરી રહ્યા છે. જેના ભાગરૂપે અરવલ્લીના હનુમાનજીના તમામ મંદિરોમાં ભક્તોની ભારે ભીડ જોવા મળી હતી. ત્યારે અરવલ્લીમાં આવેલ ગુજરાતના એક માત્ર સુતેલા હનુમાનજીના મંદિરે પણ ભક્તોનો મહાસાગર ઉમટી પડ્યો હતો.

કાળીચૌદશ અને શનિવારને લઇ ભગવાનનો વિશેષ શણગાર કરાયો 

મોડાસાના સાકરીયા ગામના ભીડભંજન હનુમાનજી મંદિરમાં ભક્તો ઉમટ્યા હતા. કાળીચૌદશ અને શનિવારને લઇ ભગવાનને વિશેષ શણગાર કરાયો હતો. જેને મોટી સંખ્યામાં લોકોએ નિહાળી ધન્યતા અનુભવી હતી. વધુમાં હનુમાનજી મહારાજને 56 ભોગનો પ્રસાદ ધરાવવામાં આવ્યો હતો. વધુમાં કાળી ચૌદશ નિમિત્તે હનુમાનજીના દર્શનનું મહત્વ પણ ખૂબ ઓછું હોય છે. વધુમાં રાતે હનુમાનજી મંદિરમાં કરાશે 101 દિવડાની આરતી પણ કરાઈ હતી.

આવો છે મંદિરનો ઈતિહાસ

ગુજરાતમાં એક અને ભારતમાં માત્ર બે જ જગ્યાએ સુતેલા હનુમાનજીની મૂર્તિઓ સ્થપાયેલ છે. જેમાં એક અરવલ્લી જીલ્લામાં અને બીજી ઇલાહબાદમાં ત્રિવેણી સંગમ ખાતે હનુમાન દાદાની મૂર્તિની પૂજા થાય છે. ગુજરાતના આ મંદિરને ભીડ ભંજન હનુમાનજી તરીકે ઓળખવામાં આવે છે. મંદિરનો ઈતિહાસ મહાભારત કાળ સાથે સંકળાયેલો છે.અહી મૂર્તિ પ્રગટ થયા બાદ તેની પ્રાણપ્રતિષ્ઠા કરી મૂર્તિની સ્થાપના કરવામાં આવી હતી.