ICC T20 Cricketer / 360 સૂર્યકુમારને મળ્યું ધમાકેદાર પ્રદર્શનનું ઈનામ, સતત બીજી વખત આ સિદ્ધિ કરી હાંસલ, ચાહકો ખુશખુશાલ

સૂર્યકુમાર યાદવને તેના વિસ્ફોટક પ્રદર્શનનો પુરસ્કાર મળ્યો
સતત બીજા વર્ષે ICCએ સર્વશ્રેષ્ઠ T20 ક્રિકેટર તરીકે પસંદ કર્યો 
સૂર્યકુમાર ભારતીય ટીમના મિડલ ઓર્ડરની કરોડરજ્જુ છે

ભારતના 'મિસ્ટર 360 ડિગ્રી' બેટ્સમેન સૂર્યકુમાર યાદવને સમગ્ર વર્ષ દરમિયાન તેના મજબૂત પ્રદર્શન માટે પુરસ્કાર આપવામાં આવ્યો છે. સતત બીજા વર્ષે ICCએ તેને વર્ષના સર્વશ્રેષ્ઠ T20 ક્રિકેટર તરીકે પસંદ કર્યો છે.

સૂર્યકુમારને ICC એવોર્ડ

આક્રમક બેટ્સમેન સૂર્યકુમાર યાદવને સતત બીજી વખત ઈન્ટરનેશનલ ક્રિકેટ કાઉન્સિલ (ICC) દ્વારા વર્ષનો સર્વશ્રેષ્ઠ ટી20 ક્રિકેટર પસંદ કરવામાં આવ્યો છે.આઈસીસીએ તેને આ ફોર્મેટમાં ભારતના મિડલ ઓર્ડરનો કરોડરજ્જુ ગણાવ્યો છે.

આખા વર્ષ દરમિયાન બેટથી શાનદાર પ્રદર્શન કર્યું

સૂર્યકુમાર યાદવે 2023 માં T20 ફોર્મેટમાં 50 ની સરેરાશ અને 150 થી વધુની સ્ટ્રાઈક રેટથી રન ઉમેર્યા. તે હાલમાં જર્મનીમાં જંઘામૂળની સર્જરી બાદ પુનર્વસન હેઠળ છે. તે માર્ચમાં IPLમાં વાપસી કરી શકે છે જેમાં તે 5 વખતની ચેમ્પિયન ટીમ મુંબઈ ઈન્ડિયન્સનું પ્રતિનિધિત્વ કરતો જોવા મળશે.

ભારતીય ટીમના મિડલ ઓર્ડરની કરોડરજ્જુ છે

ICCએ કહ્યું, 'ભારતીય મિડલ ઓર્ડરની કરોડરજ્જુ સમાન આ બેટ્સમેને ઘણી મેચો જીતી છે. તેને સતત બીજી વખત આ એવોર્ડ આપવામાં આવી રહ્યો છે.' સૂર્યકુમાર યાદવે વર્ષની શરૂઆત શ્રીલંકા સામે 7 રનથી કરી હતી પરંતુ તે પછી તેણે સતત સારું પ્રદર્શન કર્યું હતું.

સુકાનીપદનો ભાર પણ બેટને શાંત ન રાખી શક્યો

ICCએ કહ્યું, 'તેણે સતત 20-40માં રન બનાવ્યા અને વેસ્ટ ઈન્ડિઝ સામે 44 બોલમાં 83 રન બનાવ્યા. તેણે ફ્લોરિડામાં વેસ્ટ ઈન્ડિઝ સામે 45 બોલમાં 61 રન ઉમેર્યા હતા. વર્ષના અંતે કેપ્ટનશિપનો બોજ હોવા છતાં તેણે સારી બેટિંગ કરી હતી.

બીજી સૌથી ઝડપી સદી

સૂર્યકુમારે ઓસ્ટ્રેલિયા સામે 42 બોલમાં 80 રન અને સાઉથ આફ્રિકા સામેની T20 મેચમાં 36 બોલમાં 56 રન બનાવ્યા હતા. આ સિવાય તેણે સાઉથ આફ્રિકા સામેની છેલ્લી T20માં 56 બોલમાં 100 રનની શાનદાર ઇનિંગ રમી હતી. તેણે જાન્યુઆરી-2023માં શ્રીલંકા સામે 51 બોલમાં 112 રન બનાવ્યા હતા, જે T20 ક્રિકેટમાં ભારતીય બેટ્સમેન દ્વારા બીજી સૌથી ઝડપી સદી હતી. રોહિત શર્માએ 2017માં શ્રીલંકા સામે 35 બોલમાં સદી ફટકારી હતી.

વધુ વાંચો : IND vs ENG: વિરાટ કોહલીના સ્થાને ટીમ ઈન્ડિયામાં આ ખેલાડીને મળ્યું સ્થાન, તાજેતરમાં જ ફટકારી ચૂક્યો છે બે સદી

2023માં 2 સદી ફટકારી હતી

33 વર્ષીય સૂર્યકુમારે વર્ષ 2023માં 18 T20 આંતરરાષ્ટ્રીય મેચોમાં 2 સદીની મદદથી કુલ 733 રન ઉમેર્યા હતા. આ સમયગાળા દરમિયાન તેની એવરેજ 48.86 હતી. અત્યાર સુધી આ ફોર્મેટમાં કેપ્ટનશિપ કરતી વખતે તેણે ભારત માટે 7 મેચમાં 300 રન બનાવ્યા છે.