વાયબ્રન્ટ સમિટ / આગામી 9 થી 13 જાન્યુઆરી સુધી ગુજરાતના આ રસ્તાઓ જાહેર જનતા માટે બંધ, ભારે વાહનોને પણ No Entry

• વાયબ્રન્ટ ગુજરાત સમિટને લઈ રસ્તાઓમાં પ્રવેશ પર પ્રતિબંધ
• ગાંધીનગરમાં મહાત્મા મંદીર ને જોડતા ગ-૦ થી ગ-૫ સુધી રસ્તો જાહેર જનતા માટે બંધ
• VVIP મુવમેન્ટના કારણે રિંગરોડના કેટલાક ભાગ ભારે વાહનો માટે બંધ રહેશે

ગુજરાત સરકાર દ્વારા આયોજીત વાઈબ્રન્ટ સમિટ આગામી 10મી જાન્યુઆરીથી 12મી જાન્યુઆરી સુધી ગાંધીનગરના મહાત્મા મંદિર પાસે યોજાશે.આ વાયબ્રન્ટ ગુજરાત સમિટને લઈ રસ્તાઓ પર ભારે વાહનો અને સામાન્ય જનતાને પ્રવેશ પર પ્રતિબંધ લગાવવામાં આવ્યો છે. ગાંધીનગરમાં મહાત્મા મંદીર ને જોડતા ગ-0 થી ગ-5 સુધી રસ્તો જાહેર જનતા માટે બંધ કરવામાં આવ્યો છે. જ્યારે આગામી 9થી 13 જાન્યુઆરી દરમિયાન ગ-0 થી ગ-5 સુધીનો રસ્તો જાહેર જનતા માટે બંધ રહેશે. નોંધનીય છે કે VVIP મુવમેન્ટના કારણે રિંગરોડના કેટલાક ભાગ ભારે વાહનો માટે પણ બંધ કરવામાં આવ્યાં છે. વધુમાં આગામી 9 થી 13 જાન્યુઆરી દરમિયાન નાના ચીલોડાથી વૈષ્ણવદેવી સર્કલ અને વૈષ્ણવદેવીથી નાના ચીલોડા સુધી ભારે વાહનો પર પ્રતિબંધ મુકવામાં આવ્યો છે.

CMની ઉપસ્થિતિમાં અત્યાર સુધીમાં કુલ 10.31 લાખ કરોડના MOU

મહત્વનું છે કે ગુજરાતમાં દર બે વર્ષે વાયબ્રન્ટ ગુજરાત ગ્લોબલ સમિટ યોજાઈ છે. આ વખતે આ 10મી ગુજરાત વાયબ્રન્ટ સમિટ છે. આ ગુજરાત વાયબ્રન્ટની શરૂઆત વર્ષ 2003માં ભારતના પ્રધાનમંત્રી અને ગુજરાતના તત્કાલીન મુખ્યમંત્રી નરેન્દ્ર મોદીના નેતૃત્વમાં થઈ હતી. આ સમિટમાં દુનિયાભરમાં દિગ્ગજ ઉદ્યોગપતિઓ અને રોકાણકારો ગુજરાત આવી રહ્યા છે. એક જ દિવસમાં 7 લાખ કરોડ રૂપિયાના MOU હોવાનું સામે આવ્યું છે. CMની ઉપસ્થિતિમાં અત્યાર સુધીમાં કુલ 10.31 લાખ કરોડના MOU થયા હોવાનો દાવો કરવામાં આવી રહ્યો છે.

3.70 લાખ રોજગારી સર્જન થવાનો પણ દાવો

એક જ દિવસમાં થયેલા MOU પૈકી 3.70 લાખ રોજગારી સર્જન થવાનો પણ દાવો કરવામાં આવી રહ્યો છે. 10મી વાઈબ્રન્ટ ગુજરાત ગ્લોબલ સમિટ 2024માં  સંયુક્ત અરબ અમીરાત ( UAE)ના રાષ્ટ્રપતિ મોહમ્મદ બિન ઝાયદ અલ નાહ્યાન પણ ખાસ ઉપસ્થિત રહેશે.. આ સિવાય મોઝામ્બિકના રાષ્ટ્રપતિ ફિલિપ ન્યૂસી, રશિયાના એક વરિષ્ઠ મંત્રી સહિત અને નામી દિગ્ગજો ગુજરાતના આંગણે આવશે અને મહેમાન બનશે..