હેલ્થ / દૂધ સાથે ભૂલથી પણ ન ખાતા આ 7 ચીજો, નહીં તો આ કોમ્બિનિકેશન બની જશે બીમારીનું ઘર

• દૂધ સાથે ભૂલથી પણ ન ખાતા આ વસ્તુઓ 
• આ કોમ્બિનેશન તમને કરી શકે છે બીમાર 
• જાણો શરીર પર શું થાય છે અસર 

બોડીને હેલ્ધી રાખવા માટે ભરપૂર પ્રમાણમાં પોષક તત્વોની જરૂર હોય છે અને પોષક તત્વોની જરૂરને પુરી કરવા માટે હેલ્ધી ડાયેટનું સેવન કરવાની જરૂર હોય છે. જેમાં દૂધ પણ સામેલ છે. મોટાભાગના લોકો રાત્રે દૂધ પીવાનું પસંદ કરે છે. જ્યારે અમુક એવા પણ છે જે બ્રેકફાસ્ટમાં દૂધ પીવે છે. 

દૂધમાં કેલ્શિયમ, પ્રોટીન, વિટામિન A, B6, D, મેગ્નેશિયમ, ફોસ્ફોરસ અને આયોડીન જેવા પોષક તત્વો મળી આવે છે. દૂધને પોષણનો સારો સોર્સ માનવામાં આવે છે પરંતુ ખાદ્ય પદાર્થોની સાથે તેનું સેવન કરવાથી તમારે બચવું જોઈએ. 

દૂધની સાથે ન કરો આ વસ્તુઓનું સેવન

દહીં 
આયુર્વેદ અનુસાર દૂધની સાથે ક્યારેય પણ દહીંનું સેવન ન કરો અને દૂધ પીધા બાદ દહીંનું સેવન ન કરો. કારણ કે આ સ્વાસ્થ્ય માટે હાનિકારક સાબિત થઈ શકે છે. તેનાથી તમને પેટ સાથે જોડાયેલી મુશ્કેલીઓ થઈ શકે છે અને પેટ ખરાબ થઈ શકે છે. 

ખાટ્ટા ફળ 
દૂધની સાથે ખાટ્ટા ફળોનું સેવન કરવાથી પણ બચવું જોઈએ. જો તમે દૂધ અને ખાટ્ટા ફળનું સેવન એક સાથે કરો છો તો તેનાથી પેટમાં દુખાવો અને ઉલ્ટીની મુશ્કેલીઓ આવી શકે છે. ખાટ્ટા ફળ ખાવાના 2 કલાક પછી જ દૂધ પીવો. 

ગોળ 
ઘણા લોકો દૂધમાં મિઠાશ માટે ગોળ મિક્ષ કરે છે. ગોળ સ્વાસ્થ્ય માટે ખૂબ જ ફાયદાકારક છે. પરંતુ આયુર્વેદમાં દૂધ અને ગોળનું સેવન એક સાથે કરવાને હાનિકારક માનવામાં આવે છે. તેનાથી તમારૂ પેટ ખરાબ થઈ શકે છે. 

માછલી 
માછલી સ્વાસ્થ્ય માટે ખૂબ જ ફાયદાકારક છે. પરંતુ તમારે દૂધની સાથે તેનું સેવન કરવાથી હંમેશા બચવું જોઈએ. તેનાથી તમને ડાઈજેશન સાથે જોડાયેલી સમસ્યા જેવી કે પેટમાં દુખાવો અને ફૂડ પોઈઝનિંગ થઈ શકે છે. ફક્ત આટલું જ નહીં સ્કીન સાથે જોડાયેલી મુશ્કેલીઓનો પણ સામનો કરવો પડી શકે છે. 

સ્પાઈસી ફૂડ
જો તમે દૂધની સાથે મસાલેદાર ભોજનનું સેવન કરો છો તો હવેથી આવું બિલકુલ ન કરો. કારણ કે તેનાથી એસિડ રિફ્લેક્સની સાથે સાથે ઈનડાઈજેશનનો ખતરો પણ થઈ શકે છે. 

સોલ્ટેડ સ્નેક્સ 
ચિપ્સ જેવા સોલ્ટેડ સ્નેક્સની સાથે દૂધ પીવાની ભુલ ન કરો. કારણ કે તેમાં મીઠુ ખૂબ વધારે પ્રમાણમાં હોય છે. જે બોડીમાં ઈલેક્ટ્રોલાઈટ બેલેન્સને ડિસ્ટર્બ કરે છે. 

પ્રોટીનથી ભરેલી વસ્તુઓ 
દૂધમાં પહેલાથી જ ભરપૂર પ્રમાણમાં પ્રોટીન હોય છે. એવામાં જો તમે પ્રોટીનથી ભપૂર ભોજન પણ તેની સાથે કરશો તો તમારા પાચન તંત્ર પર ખૂબ ભાર પડી શકે છે. પાચન સાથે જોડાયેલી મુશ્કેલીઓ થઈ શકે છે.