ગાંધીનગર / 480 કરોડનું ડ્રગ્સ ઝડપનાર પોલીસ ટીમને ગુજ. સરકાર આપશે 10 લાખનું ઈનામ, ATSએ ઓપરેશન અંગે કર્યા ખુલાસા

 

ગુજરાત ATS, NCB તેમજ કોસ્ટગાર્ડના સંયુક્ત ઓપરેશનથી પોરબંદરથી કેટલાક નોટિકલ માઈલ દૂર દરિયાઈમાંથી ડ્રગ્સ ઝડપાયો છે. જેને લઈ રાજ્યના ગૃહ મંત્રી હર્ષ સંઘવીનું નિવેદન સામે આવ્યું છે. તેમણે વિગતો આપતા કહ્યું કે, પોરબંદરથી 185 નોટિકલ માઈલ દૂર પાકિસ્તાન દ્વારા ડ્રગ્સ ઘુસાડવાનો પ્રયાસ કરાયો હતો. જેની ATS ને બાતમી મળી હતી. જેના આધારે સંયુક્ત ઓપરેશ હાથ ધરવામાં આવ્યું હતું. જેમાં 400 કરોડનું 60 પેકેજ ડ્રગ્સ પકડ્યું છે.

 

મંત્રી હર્ષ સંઘવીનું ડ્રગ્સ અંગે નિવદેન
તેમણે જણાવ્યું હતું કે, ATSના PI જે એસ પટેલને ડ્રગ્સ મામલે બાતમી મળી હતી. જેના આધારે પોરબંદર પોલીસ સાથે ડ્રગ્સ ઘૂસાડનાર પાકિસ્તાનીઓ સાથે ડ્રગ્સને ઝડપી પાડ્યું છે. 60 વધારે ડ્રગ્સના પેકેટ ઝડપાયા છે. જેની કિંમત 400 કરોડથી વધુ છે. આ ઓપરેશન માટે ATS દ્વારા રાત દિવસ મહેનત કરવામાં આવી છે.  આ ઓપરેશન સફળ થતાંની સાથે  ગૃહ વિભાગે દ્વારા ATSની આખી ટીમને રૂપિયા 10 લાખનો ઈનામ જાહેર કરવામાં આવે છે.

'મુખ્યમંત્રીએ અભિનંદન પાઠવ્યા'
રાજ્યના મુખ્યમંત્રી ભૂપેન્દ્ર પટેલે ગુજરાત પોલીસને તેમજ ATS અને કોસ્ટગાર્ડને આવા સફળ સંયુક્ત ઓપરેશન બદલ અભિનંદન પાઠવ્યા છે. સાથો સાથ ATSના તમામ સભ્યોને પણ શુભેચ્છાઓ પાઠવી છે.  

વાંચવા જેવું: લોકસભા ચૂંટણી: ગુજરાતમાં કોંગ્રેસે 7 ઉમેદવાર કર્યા જાહેર, બનાસકાંઠા ગેનીબેને ટિકિટ, જુઓ લિસ્ટ

NCB અધિકારીએ શું કહ્યું ?
NCB અધિકારી મનીષ કુમારે જણાવ્યું કે, 12 માર્ચ પોરબંદરથી 180 નોટિકટ માઈલ નજીક ડ્રગ્સ આવી રહ્યું હોવાની બાતમી મળી હતી. જેથી NCB દિલ્હીથી પોરબંદર આવી પહોંચી હતી. તમામ ટીમે સર્વેલન્સ કર્યું હતું. ત્યારે સવારે શકાસ્પદ બોટ જોવા મળી હતી. જેમાં 6 પાકિસ્તાન માણસ મળ્યા હતા. બોટમાંથી 7 પેક્ટ ડ્રગ્સ મળ્યા છે. મેથાન ફેટાઇનમાઈન્ડ હોય તેવું લાગે છે. ડ્રગ્સની કિંમત 420 કરોડ અંદાજે છે.

VTV Gujarati Newsની તમામ અપડેટ સૌથી પહેલા મેળ​વ​વા માટે અમારી WhatsApp ચેનલ ફોલો કરો