Gold Price / સોનું ખરીદવાનો પ્લાન હોય તેવા લોકો માટે ગુડ ન્યૂઝ! એક દિવસમાં આટલું સસ્તું થયું ગોલ્ડ, જુઓ આજના રેટ

• સોના અને ચાંદીની કિંમતમાં આવ્યો ઘટાડો 
• સસ્તુ થયું આજે સોનું 
• જાણો કેટલા પર ટ્રેન્ડ કરી રહ્યું છે સોનું અને ચાંદી 

આજે કારોબારી સપ્તાહના છેલ્લા દિવસ એટલે કે શુક્રવારે-સોના ચાંદીની કિંમતમાં ઘટાડો જોવા મળી રહ્યો છે. સોનાના ઘરેલુ વાયદા ભાવ ઘટાડાની સાથે ટ્રેન્ડ કરી રહ્યા છે. એમસીએક્સ એક્સચેન્જ પર શુક્રવારે સવારે 4 ઓગસ્ટ 2023ની ડિલીવરી વાળું સોનું 0.16 ટકા એટલે કે 91 રૂપિયાના ઘટાડા સાથે 58,136 રૂપિયા પ્રતિ 10 ગ્રામ પર ટ્રેડ કરતું જોવા મળ્યું. 

ત્યાં જ 5 ઓક્ટોબર 2023ની ડિલિવરી વાળુ સોનુ 0.11 ટકા અથવા 67 રૂપિયાના ઘટાડાની સાથે 58,420 રૂપિયા પ્રતિ 10 ગ્રામ પર ટ્રેડ કરતું જોવા મળ્યું. વૈશ્વિક સ્તર પર પણ સોનાની કિંમતોમાં શુક્રવારે સવારે ઘટાડો જોવા મળ્યો છે. 

ચાંદી થયું સસ્તુ 
સોનાની સાથે જ ચાંદીની કિંમતોમાં પણ ઘટાડો જોવા મળ્યો છે. એમસીએક્સ પર 5 જુલાઈ 2023ની ડિલિવરી વાળા ચાંદીના ભાવ 1.10 ટકા અથવા તો 753 રૂપિયાના ઘટાડાની સાથે 67,784 રૂપિયા પ્રતિ કિલોગ્રામ પર ટ્રેડ કરતું જોવા મળ્યું. વૈશ્વિક સ્તર પર પણ ચાંદીની કિંમચોમાં ઘટાડો જોવા મળ્યો. 

સોનાના વૈશ્વિક ભાવ 
સોનાના વૈશ્વિક ભાવમાં શુક્રવારે સવારે ઘટાડો જોવા મળ્યો છે. કોમેક્સ પર સોનાના વૈશ્વિક વાયદા ભાવ 0.15 ટકા અથવા 2.30 ડોલરના ઘટાડાની સાથે 1921.40 ડોલર પ્રતિ ઔંસ પર ટ્રેન્ડ કરતા જોવા મળ્યા. ત્યાં જ સોનાના વૈશ્વિક હાજર ભાવ 0.09 ટકા અથવા 1.65 ડોલરના ઘટાડાની સાથે 1912.36 ડોલર પ્રતિ ઔંસ પર ટ્રેડ કરતા જોવા મળ્યા. 

ચાંદીના વૈશ્વિક ભાવ 
કોમેક્સ પર ચાંદીના વૈશ્વિક વાયદા ભાવ શુક્રવારે સવારે 1.37 ટકા અથવા 0.31 ડોલરના ઘટાડાની સાથે 22.36 ડોલર પ્રતિ ઔંસ પર ટ્રેડ કરતું જોવા મળી રહ્યું છે. ચાંદીની વૈશ્વિક હાજર કિંમત 0.47 ટકા કે 0.10 ડોલરના ઘટાડા સાથે 22.14 ડોલર પ્રતિ ઔંસ પર ટ્રેડ કરતું જોવા મળ્યું.