પ્રિયંકાના લગ્ન 24 ફેબ્રુઆરીના દિવસે નિર્ધારિત થયા હતા જેથી પરિવાર લગ્નની તૈયારીમાં મશગુલ હતો પરંતુ તળાવમાંથી તેનો મૃતદેહ મળી આવતા પરિવારમાં શોક વ્યાપ્યો છે.
Share
તલાવચોરમાં મૃત હાલતમાં મળી યુવતી
24 ફેબ્રુઆરીએ યુવતીના થવાના હતા લગ્ન
લગ્નની તૈયારીમાં મશગુલ પરિવારમાં શોક
જીવનનમાં દાંપત્ય જીવનએ ભારતીય સંસ્કૃતિની પ્રણાલી છે. પરંતુ નવસારીમાં ચીખલી તાલુકાના તલાવચોરા ગામે દાંપત્ય જીવનના મંડાણ થાય એના પહેલા યુવતી મૃત હાલતમાં મળી આવતા પરિવારમાં શોકની લાગણી વ્યાપી છે.
મૃતકની તસવીર
પ્રિયંકા પણ લગ્નની તૈયારીઓમાં જોતરાઈ હતી
નવસારી જિલ્લાના ચીખલી તાલુકામાં આવેલું તલાચોરા ગામ જે હાલ શોકમાં ગરકાવ થયું છે કારણ કે, અહીંયા જે પરિવારમાં દીકરીના લગ્ન થવાના હતા હાથે મહેંદી લાગવાની હતી તે દીકરીને વિદાય કરવાનો ઉત્સાહ એક પિતામાં ખૂબ જ હતો પરંતુ એ પિતાને ક્યાં ખબર હતી કે, એ જ દીકરીનો એમને આટલો મોટો આઘાત સહન કરવો પડશે. ચીખલી તાલુકાના તલાવચોરા ગામમાં રહેતી દીકરીનો આજે જ ગામમાં એક તળાવમાંથી મૃતદેહ મળી આવ્યો હતો, મૃતદેહ મળી આવતા જ પરિવારમાં શોકની લાગણી છવાઈ ગઈ હતી. પ્રિયંકાના લગ્ન 24 ફેબ્રુઆરીના દિવસે નિર્ધારિત થયા હતા અને લગ્નની તૈયારીમાં પરિવાર મશગુલ હતો. મૃત્યુની આગલી રાત સુધી પ્રિયંકા એના પરિવાર સાથે હસી ખુશીથી વાતો કરતી હતી અને લગ્નની તૈયારીઓમાં જોતરાઈ હતી પરંતુ એ દિવસે રાતે એવું તે શું બન્યું એ પણ પરિવાર માટે પણ એક રહસ્ય છે.
ગામના તળાવમાંથી મળ્યો મૃતદેહ
પ્રિયંકાના પિતાએ મંદિરમાં પૂજા કરે છે અને સવારના સમયે તેઓ રાબેતા મુજબ પોતાના નિત્યક્રમમાં પ્રમાણે પૂજા કરવા ગયાં. મોડે સુધી પ્રિયંકાને પોતાના રૂમમાંથી નીચે આવતા ન જોતા પરિવારે શોધખોળ શરૂ કરી હતી અને ગામના તળાવમાંથી એનો મૃતદેહ મળી આવતા ચકચાર મચી ગઈ હતી. સમગ્ર મામલાને લઈને હાલ પોલીસે તપાસના ચક્રો ગતિમાન કર્યા છે. આ આત્મહત્યા છે કે, હત્યા એ દિશામાં પોલીસ પણ તપાસ હાથ ધરી છે જેને માટે સીડીઆરની મદદ પણ લેવામાં આવી રહી છે. હાલ પોલીસે યુવતીનો મોબાઇલ ફોન જપ્ત કર્યો છે. પરિવારે પોતાની લાડકી દીકરીને ગુમાવતા પરિવારમાં આઘાત છવાયો છે અને યોગ્ય ન્યાય મળે એવી આશા સેવી રહ્યો છે.
.JPG)
