- ગરુડ પુરાણની વાતો જીવનનો સાચો અર્થ સમજાવવા માટે પ્રેરિત કરે છે
- વ્યક્તિએ પોતાના કાર્યોની સાથે તેની સંગત પર પણ વિશેષ ધ્યાન આપવું જોઈએ
- આ પ્રકારના લોકોની સંગતથી દૂર રહેવાની સલાહ
Garuda Purana: સનાતન ધર્મમાં 4 વેદ અને 18 મહાપુરાણ છે, જેમાંથી એક ગરુડ પુરાણ છે. જેમાં ભગવાન વિષ્ણુએ એવી ઘણી બાબતોનો ઉલ્લેખ કર્યો છે જે વ્યક્તિના જીવન જ નહીં પરંતુ મૃત્યુ સાથે જોડાયેલા રહસ્યો પણ ઉજાગર કરે છે. ગરુડ પુરાણમાં જણાવવામાં આવેલી વાતો તમને જીવનમાં સાચા રસ્તે ચાલવા અને જીવનનો સાચો અર્થ સમજાવવા માટે પ્રેરિત કરે છે. કહેવાય છે કે મનુષ્ય માત્ર એક જ વાર મનુષ્ય સ્વરૂપમાં જન્મ લે છે અને આ સ્વરૂપમાં જન્મ લઈને વ્યક્તિએ એવા કાર્યો કરવા જોઈએ જેનાથી લોકોનું કલ્યાણ થાય.
ગરુડ પુરાણ અનુસાર, વ્યક્તિએ પોતાના કાર્યોની સાથે તેની સંગત પર પણ વિશેષ ધ્યાન આપવું જોઈએ. કારણ કે આપણી સફળતા અને નિષ્ફળતા મોટાભાગે સંગત પર આધારિત છે. જો તમારી કંપની સારી છે તો તમને હંમેશા યોગ્ય વસ્તુઓ શીખવા મળશે. બીજી બાજુ, ખરાબ સંગતના લોકો ફક્ત ખરાબ રસ્તા પર ચાલવાની સલાહ આપે છે. જીવનમાં કેટલાક લોકોનો સંગ ઝેરથી ઓછો નથી હોતો. એટલા માટે સમય મળતાં જ તેમનાથી અંતર બનાવી લેવું જોઈએ. આવો જાણીએ કે, કેવા લોકોની સંગત થી દૂર રહેવું જોઈએ?
નસીબના ભરોસે રહેનારા લોકો
ગરુડ પુરાણ અનુસાર, વ્યક્તિએ ક્યારેય પણ એવા લોકો સાથે મિત્રતા ન કરવી જોઈએ જે મહેનત કરવાથી શરમાતા હોય અને નસીબના ભરોસો કરતા હોય. આવા લોકો ન તો પોતે સફળ થાય છે અને ન તો પોતાની સાથે રહેતી વ્યક્તિને સફળ થવા દે છે. એટલા માટે આ લોકોથી અંતર રાખવું ફાયદાકારક છે.
નીમ્ન વિચારવાળા લોકો
એવા લોકોથી હંમેશા દૂર રહેવું જોઈએ જેમની વિચારસરણી નાની(નિમ્ન કક્ષાની) કે નકારાત્મક હોય. જો આવા લોકોનો પ્રભાવ કોઈના વિચાર પર પડે તો સફળતાના માર્ગમાં અવરોધો આવવા લાગે છે.
દેખાડો કરનારા લોકો
દુનિયામાં બધાની પાસે બધું જ હોતું નથી અને તેથી જ બીજાઓ સાથે સ્પર્ધા ન કરો. જો તમારી આસપાસ એવા લોકો છે જે દેખાડો કરવામાં માને છે, તો એવા લોકોથી દૂર રહેવામાં જ ફાયદો છે. કારણ કે આવા લોકોની સંગતમાં તમારે અમુક સમયે શો-ઓફ એટલે કે દેખાડો પણ કરવો પડી શકે છે અને દેખાડો વ્યક્તિને સફળ થતા અટકાવે છે.
ફાલતુમાં સમય બર્બાદ કરનારા લોકો
ગરુડ પુરાણ અનુસાર, તમારે એવા લોકોથી દૂર રહેવું જોઈએ જેઓ ફાલતુ કામોમાં પોતાનો સમય બગાડે છે. આ લોકો પોતાનો સમય તેમજ બીજાનો સમય બગાડે છે.
DISCLAIMER: ધર્મને લગતો આ આર્ટિકલ માત્ર અલગ-અલગ મળતી માહિતીને આધારિત છે. નહીં કે તમે તેને સત્ય જ માની લો. કારણ કે ધર્મ દરેકની આસ્થાનો વિષય છે. આથી અહીં આપવામાં આવેલી જાણકારીને અનુસરતા પહેલા ધર્મ કે શાસ્ત્ર આધારિત જ્ઞાન ધરાવનારા વિદ્ધાનોની સલાહ લેવી અતિ આવશ્યક રહેશે. નહીં તો કોઇ મુશ્કેલી સર્જાય તો જવાબદારી અમારી નહીં રહે. કારણ કે આ આર્ટિકલ ફક્ત ન્યૂઝના હેતુસર પબ્લિશ કરવામાં આવ્યો છે.
