રાજ્યમાં દિન પ્રતિદિન ચોરી તેમજ લૂંટનાં બનાવો વધી રહ્યા છે. અમદાવાદનાં ધોળકામાં સોના-ચાંદી સહિતનાં દાગીનાની તસ્કરો લૂંટ ચલાવી ફરાર થઈ ગયા હતા. તો નવસારીમાં ગ્રાહકનું ખીસ્સુ કપાઈ ગયું હતું. તો અન્ય એક બનાવમાં કંપનીમાંથી તસ્કરો ચોરી કરી ફરાર થઈ ગયા હતા.
Share
અમદાવાદના ધોળકામાં ચલાવી લૂંટ
નવસારીમાં પણ સ્ટેશનરીની દુકાનમાં ચોરી
મોરબીના વાંકાનેરમાં પણ તસ્કરો ત્રાટક્યા
અમદાવાદનાં ધોળકામાં સોના-ચાંદી સહિતનાં દાગીનાની લૂંટ કરી ફરાર થઈ ગયા હતા. 5 તોલા સોનું અને 1 કિલો ચાંદી સહિતનાં દાગીનાની લૂંટ કરી બાઈક સવાર શખ્શો ફરાર થઈ ગયા હતા. લૂંટ કરનારા લૂંટારૂઓ 2 બાઈક સવારો સીસીટીવી કેમેરામાં કેદ થયા હતા. કલિકુંડ વિસ્તારમાં યુનિયન બેંક પાસે ઘટનાં બની હતી. ઘટના બનતા જ પોલીસે સમગ્ર શહેરમાં નાકાબંધી કરી લૂંટારૂઓને ઝડપી પાડવા ચક્રોગતિમાન કર્યા હતા.
ચોરીની સમગ્ર ઘટના દુકાનના CCTV કેમેરામાં કેદ
નવસારીમાં ચોરોઓએ ગ્રાહકનું ખિસ્સુ કાપ્યાની ઘટનાં સામે આવી છે. જેમાં નવસારી શહેરનાં ફુવારા વિસ્તારમાં આ ઘટનાં બની હતી. સ્ટેશનરીની દુકાનમાં ચોરે ગ્રાહકનાં ખિસ્સામાંથી 5 હજાર સેરવી લીધા હતા. ત્યારે ચોરીની સમગ્ર ઘટનાં દુકાનના સીસીટીવીમાં કેદ થવા પામી હતી. ત્યારે હજુ સુધી આ બાબતે પોલીસ મથકે ફરિયાદ નોંધાવા પામી નથી.
CCTVના આધારે પોલીસે શરૂ કરી તપાસ
મોરબીનાં વાંકાનેરમાં જેતપરડા રોડ પર આવેલા કારખાનામાં ચોરીની ઘટનાં પ્રકાશમાં આવી હતી. એબલ ઓઈલ્સ એન્ડ એગ્રો પ્રાઈવેટ લિમિટેડ નામની કંપનીમાંથી ચોરી થઈ હતી. ત્યારે તસ્કરો રૂ. 5.75 લાખની ચોરી કરીને ફરાર થઈ ગયા હતા. આ બાબતે કારખાનેદારે સિટી પોલીસ સ્ટેશનમાં ફરિયાદ કરતા પોલીસે સીસીટીવીનાં આધારે તપાસ શરૂ કરી છે.
.jpeg)
