ગોઝારો અકસ્માત / વડોદરામાં બે બાઈક વચ્ચે મોતની ટક્કર, સુરતમાં ટ્રક ચાલકે મોપેડ સવારને 100 મીટર ઘસેડી કચડ્યો, અકસ્માતના 4 બનાવોમાં 3ના મોત

• સુરતમાં ટ્રક અને ટૂ વ્હીલર વચ્ચે સર્જાયેલ અકસ્માતમાં એકનું મોત
• વડોદરામાં બે બાઈક સામ સામે ટકરાતા બે નાં મોત
• ડમ્પર અને બસ વચ્ચે સર્જાયેલ અકસ્માતમાં 3 ઈજાગ્રસ્ત

સુરતનાં સચિન ટી સર્કલ પાસે ટ્રક અને ટુ વ્હીલર વચ્ચે અકસ્માત સર્જાયો હતો. આ સર્જાયેલ ગંભીર અકસ્માતમાં ટુ વ્હીલર ચાલકનું ઘટનાં સ્થળે મોત નિપજ્યું હતુ. ત્યારે અકસ્માત સર્જાયા બાદ ટ્રક ચાલક ફરાર થઈ ગયો હતો. મૃતક યુવાન સુરતનાં નાનપુરા ગામનો રહેવાસી હતી. આ બાબતે પોલીસે ગુનો નોંધી તપાસ હાથ ધરી છે. 

બે બાઈક વચ્ચે અકસ્માતમાં બે ના મોત
વડોદરામાં બે બાઈક વચ્ચે ગમખ્વાર અકસ્માત સર્જાયો હતો. પ્રતાપનગર બ્રિજ પાસે સર્જાયેલા અકસ્માતમાં બે લોકોનાં મોત નિપજ્યા હતા. અકસ્માત સર્જાતા રોડ પર ટ્રાફિક જામ થઈ ગયો હતો. વાડી પોલીસે ઘટનાં સ્થળે પહોંચી ટ્રાફિક હળવો કરી ગુનો નોંધી તપાસ હાથ ધરી છે. 

ઇજાગ્રસ્તોને સારવાર માટે સરકારી હોસ્પિટલ ખસેડાયા
બનાસકાંઠાનાં ડીસા-પાટણ હાઈવે પર અકસ્માત સર્જાયો હતો. જૂના ડીસા રોડ પર પુર ઝડપે અને ગફલતભરી રીતે ડમ્પર ચાલક દ્વારા વાહન હંકાર્યું હતું. તે બાદ ડમ્પર ચાલક દ્વારા અચાનક બ્રેક મારતાં પાછળ આવતી બસ ટકરાઈ હતી. બસમાં મુસાફરી કરી રહેલ 3 લોકોને ઈજા થવા પામી હતી. જે બાદ ઈજાગ્રસ્તોને સારવાર અર્થે સરકારી હોસ્પિટલ ખસેડાયા હતા. આ બાબતે પોલીસે ડમ્પર ચાલક વિરૂદ્ધ ગુનો નોંધી તપાસ હાથ ધરી છે. 

અકસ્માતમાં ડ્રાઇવર- ક્લીનરને સામાન્ય ઇજાઓ 
ડાંગનાં સાપુરાતા માલેગાવ ઘાટ પર ટ્રકની બ્રેક ફેલ થતા ટ્રક પલ્ટી મારી ગઈ હતી. આ ટ્રક નાસિકથી ટામેટા ભરી પંજાબ જઈ રહ્યો હતો. તે સમયે ટ્રકને અકસ્માત નડ્યો હતો. ટ્રક પલ્ટી ખાઈ જતા ડ્રાઈવર-ક્લીનરને સામાન્ય ઈજાઓ પહોંચી હતી. ટ્રક પલ્ટી ખાઈ જતા ટામેટાનો જથ્થો રસ્તા પર વિખેરાઈ જતા મોટું નુકશાન થયું હતું.