વિવાદ / ચૂંટણી પૂર્ણ થયા બાદ પણ રાજકોટ ભાજપમાં જૂથવાદ: દિગ્ગજ ચહેરાની ટિકિટ કપાતા કોર્પોરેટરો કાર્યક્રમમાં રહ્યાં ગેરહાજર

• ચૂંટણી પૂર્ણ થયા બાદ રાજકોટ ભાજપમાં હજુ પણ જૂથવાદ 
• ઉદય કાનગડની જીત બાદ કાર્યકરો સાથે આભારવિધિ કાયક્રમ યોજાયો 
• આભારવિધિ કાર્યક્રમમાં કોર્પોરેટરો હાજર ન રહેતા સવાલો ઉઠ્યા 
• વોર્ડ 4 અને 5ના કેટલાક કોર્પોરેટર ન રહ્યા હાજર 

ગુજરાત વિધાનસભાની ચૂંટણીમાં ભાજપને પ્રચંડ જીત તો મળી પણ અનેક જગ્યાએ હજી જુથવાદ દેખાઈ રહ્યો છે. વાત જાણે એમ છે કે, રાજકોટમાં ઉદય કાનગડની જીત બાદ કાર્યકરો સાથે આભારવિધિ કાયક્રમ યોજાયો હતો. જોકે આ કાર્યક્રમમાં કોર્પોરેટરો નારાજગીને કારણે હાજર રહ્યા ન હતા. નોંધનીય છે કે, રાજકોટમાં અરવિંદ રૈયાણીણી ટિકિટ કપાયા બાદ કોર્પોરેટરો નારાજ બને હતા. 

વિધાનસભા ચૂંટણી 2022માં રાજકોટની પૂર્વ બેઠક ઉપર ભાજપના ઉદય કાનગડનો ભવ્ય વિજય થયો હતો. જે બાદમાં હવે ઉદય કાનગડની જીત બાદ કાર્યકરો સાથે આભારવિધિ કાયક્રમ યોજાયો હતો. જોકે આ કાર્યક્રમમાં રાજકોટ ભાજપનો આંતરિક જૂથવાદ સામે આવ્યો છે. વાત જાણે એમ છે કે, આ આભારવિધિ કાર્યક્રમમાં કોર્પોરેટરો હાજર ન રહેતા અનેક સવાલો ઉઠ્યા છે. કાર્યક્રમમાં વોર્ડ 4 અને 5ના કેટલાક કોર્પોરેટર હાજર રહ્યા નહોતા. 

અરવિંદ રૈયાણીની ટીકીટ કપાતા કોર્પોરેટરો હતા નારાજ

રાજકોટ પૂર્વ બેઠક પર જીત બાદ ધારાસભ્ય ઉદય કાનગડનો કાર્યકરો સાથે આભારવિધિ કાયક્રમ યોજાયો હતો. જોકે આ ચૂંટણીમાં અરવિંદ રૈયાણીની ટીકીટ કપાયા બાદ કેટલાક કોર્પોરેટરો નારાજ હતા. અને તે જ કારણે આભારવિધિ કાર્યક્રમમાં વોર્ડ 4 અને 5ના કેટલાક કોર્પોરેટર હાજર રહ્યા નહોતા. જોકે કોર્પોરેટરોની ગેરહાજરીએ અનેક સવાલો ઊભા કર્યા છે.