- ઉત્તરાખંડનાં તાલાન દુર્ઘટનાનાં 6 દિવસ વીત્યા
- કાટમાળ પડતાં બચાવ કામગીરી રોકવી પડી
- ઈન્દોરથી આવી રહેલા મશીન પર બચાવ કામગીરી ફરી શરૂ કરાશે
ઉત્તરાખંડમાં ટનલ દુર્ઘટનામાં સિલ્ક્યારા ટનલમાં ફસાયેલા શ્રમિકોને સુરક્ષિત રીતે બહાર કાઢવાના પ્રયાસોને શુક્રવારે મોટો આંચકો લાગ્યો હતો. છેલ્લા 6 દિવસથી ટનલની અંદર જીવન અને મૃત્યુ વચ્ચે લટકી રહેલા લોકોને સુરક્ષિત રીતે બહાર નીકળવા માટે હવે થોડી રાહ જોવી પડશે. ટનલની અંદર આવતા કાટમાળ અને ઓગર મશીનમાં ટેકનિકલ ખામીના કારણે આજે સવારથી ડ્રિલિંગનું કામ પૂર્ણપણે ઠપ થઈ ગયું હતું. સૂત્રો દ્વારા મળતી માહિતી મુજબ મશીનનું બેરિંગ તૂટી ગયું છે. મશીનને કાટમાળથી બચાવવા માટે તેને પ્લેટફોર્મ પર લગભગ 50 મીટર પાછળ ખેંચી લેવામાં આવ્યું છે.
ઇન્દોરથી આવતા ઓગર મશીન પર આશાઓ બાંધવામાં આવી
સૂત્રોના જણાવ્યા અનુસાર ટનલના અસરગ્રસ્ત વિસ્તારમાં સતત કાટમાળ પડી રહ્યો છે. બચાવ કામગીરીને ઝડપી બનાવવા માટે ઇન્દોરથી આવતા ઓગર મશીન પર આશાઓ બાંધવામાં આવી છે. એન્જિનિયરો મશીનના ક્ષતિગ્રસ્ત બેરિંગ્સના સમારકામમાં વ્યસ્ત છે. મોડી સાંજ સુધી કામગીરી સદંતર ઠપ થઈ ગઈ હતી. શુક્રવારે સાંજે NHIDCLના ડિરેક્ટર અંશુ મનીષ ખલકોએ પુષ્ટિ કરી કે ડ્રિલિંગને અસર થઈ છે. તેમણે કહ્યું કે શક્ય તેટલી વહેલી તકે કામ ફરી શરૂ કરવાના પ્રયાસો કરવામાં આવી રહ્યા છે. શુક્રવારે સવારે ડિઝાસ્ટર મેનેજમેન્ટ કંટ્રોલ રૂમમાંથી બહાર પાડવામાં આવેલા બુલેટિન મુજબ સવારે 9.30 વાગ્યા સુધી કાટમાળમાં માત્ર ચાર પાઇપ ડ્રિલ કરી શકાઈ હતી.
સવારે કામ બંધ થતા સ્થળ પર હંગામો વધી ગયો હતો
પાંચમી પાઇપ જોડી દેવામાં આવી હતી. આજે સવારે કામકાજ બંધ હોવાના સમાચાર બહાર આવ્યા બાદ બચાવ સ્થળ પર હંગામો વધી ગયો હતો.સૂત્રોના જણાવ્યા અનુસાર મશીનના સતત કામકાજને કારણે થતા વાઇબ્રેશનને કારણે ટનલની અંદર ભારે હલન ચલન થઈ ગયો છે. જેના કારણે કાટમાળ ઢીલો થઈ ગયો છે. અને નીચે પડવા લાગ્યો છે. દરમિયાન ઓગર મશીનનું બેરિંગ પણ બગડી ગયું હતું. સૂત્રોના જણાવ્યા અનુસાર કાટમાળ વધુ પ્રમાણમાં પડવાનો શરૂ થતા ઓગર મશીનને ટનલના મુખ્ય બિંદુથી પાછું ખેંચી લેવામાં આવ્યું હતું.
