national news:દિલ્હી લિકર પોલિસી કેસમાં ED દ્વારા ભારત રાષ્ટ્ર સમિતિના નેતા કે કવિતાની અટકાયત કરી છે. ઇડી હવે કે કવિતાને પૂછપરછ માટે દિલ્હી લાવી રહી છે. EDએ આજે હૈદરાબાદમાં કે કવિતાના ઘર પર દરોડા પાડ્યા હતા, ત્યારબાદ તેની અટકાયત કરવામાં આવી છે. કવિતાએ EDના કેટલાક સમન્સની અવગણના કરી હતી. ત્યારબાદ EDએ તેના ઘરે દરોડા પાડ્યા હતા.
થઇ શકે છે કે કવિતાની ધરપકડ
દિલ્હી શરાબ કૌભાંડને લઈને સીબીઆઈ અને ઈડીની તપાસ અત્યાર સુધી ઘણા મોટા રાજનેતાઓ સુધી પહોંચી છે. આ મામલામાં ED તેલંગાણાના પૂર્વ સીએમ કે ચંદ્રશેખર રાવની પુત્રી કે.ની પણ તપાસ કરી રહી છે. તેમનું નામ લિકર કેસમાં જોડાયેલુ છે. જેને પગલગે કવિતાને કસ્ટડીમાં લેવામાં આવી છે. તેને હૈદરાબાદથી અટકાયત કરી દિલ્હી પુછપરછ માટે લાવવામાં આવી છે. સૂત્રોનું કહેવું છે કે તપાસ એજન્સી ટૂંક સમયમાં કે કવિતાની ધરપકડ કરી શકે છે.
કે કવિતા તેલંગાણામાં વિધાન પરિષદના સભ્ય
કે કવિતા તેલંગાણામાં વિધાન પરિષદના સભ્ય છે અને પક્ષના વડા અને ભૂતપૂર્વ મુખ્યપ્રધાન કે ચંદ્રશેખર રાવની પુત્રી છે. તેમની આ મામલે ED પહેલા પણ પૂછપરછ કરી ચુકી છે. જો કે આ વર્ષે ઓછામાં ઓછા બે વખત સમન્સ મોકલવામાં આવ્યા હોવા છતાં તેણી પૂછપરછ માટે હાજર થઈ ન હતી.
મની લોન્ડરિંગ કેસમાં નામ ઉછળ્યું
દિલ્હીની દારૂની નીતિ સંબંધિત મની લોન્ડરિંગ કેસના આરોપી અમિત અરોરાએ પૂછપરછ દરમિયાન કવિતાનું નામ લીધું હતું. EDનો આરોપ છે કે 'સાઉથ ગ્રુપ' નામની લિકર લોબીએ અન્ય આરોપી વિજય નાયર દ્વારા AAP નેતાઓને 100 કરોડ રૂપિયા લાંચ આપી છે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
