- પ્રેશર કૂકરમાં ન પકવવી કેટલીક ખાદ્ય સામગ્રીઓ
- સ્વાસ્થ્યને ગંભીર નુક્સાન પહોંચી શકે છે
- પાચનતંત્રથી લઈને કેન્સર સુધીની બીમારીઓનો વધી જશે ખતરો
આજે લોકો જમવાનું બનાવવા માટે કૂકરનો સૌથી વધુ ઉપયોગ કરે છે. પ્રેશર કૂકરમાં જમવાનું જલ્દી તો પાકે જ છે પરંતુ તેનાથી રાંધણ ગેસની બચત પણ કરી શકાય છે. પરંતુ શું તમને ખબર છે કે કૂકરમાં પકવેલ કેટલીક ખાદ્ય સામગ્રીઓ જમવાથી તમારા શરીરને ગંભીર નુક્સાન પહોંચી શકે છે.
આ પાંચ વસ્તુઓ કૂકરમાં ન પકવજો!
ચોખા/ ભાત
મોટાભાગનાં લોકો ભાત બનાવવા માટે કૂકરનો ઉપયોગ કરતાં હોય છે પરંતુ ભાત ક્યારેય પણ કૂકરમાં ન પકવવા જોઈએ. કૂકરમાં ભાત બનાવવાથી તેમાં રહેલ સ્ટાર્ચ, કેમિકલ રિલીઝ કરે છે જે ફીણનાં રૂપે દેખાય છે. કૂકરમાં આ ફીણ બહાર નથી નિકળી શકતું અને ભાત સાથે મિક્સ થઈ જાય છે. આ પ્રકારનાં ભાત જમવાથી પાચનતંત્રથી લઈ યૂરિક એસિડ સુધીની સમસ્યાઓ થઈ શકે છે.
પાસ્તા
પાસ્તા સ્ટાર્ચથી ભરપૂર હોય છે તેથી તેને પ્રેશર કૂકરમાં ન પકવવા જોઈએ.પાસ્તાને કૂકરમાં બોઈલ કરવાથી ન્યૂરોલોજિકલ ડિસઓર્ડર અને કેન્સર જેવી બીમારીઓ થઈ શકે છે.
બટેટા
બટેટા, મટર કે કોબીજને ક્યારેય પણ પ્રેશર કૂકરમાં ન પકવવા જોઈએ. આવું કરવાથી બટેટાનો સ્વાદ નષ્ટ થઈ જાય છે. આ સિવાય બટેટામાં રહેલ સ્ટાર્ચ કૂકરમાં પાકીને કેમિકલ બની જાય છે જે સ્વાસ્થ્યને નુક્સાન પહોંચાડી શકે છે.
નૂડલ્સ
નૂડલ્સમાં સ્ટાર્ચની માત્રા ઘણી વધારે હોય છે. તેવામાં જો નૂડલ્સમાંથી સ્ટાર્ચ બહાર નથી નિકળી શકતો તો તે પાચનતંત્રને પ્રભાવિત કરી શકે છે. નુક્સાનથી બચવા માટે નૂડલ્સને હંમેશા તાંસળીમાં બનાવવા જોઈએ.
માછલી
માછલી ખાવાથી તેમાં રહેલ પોષક તત્વો વ્યક્તિની ઈમ્યૂનિટીને બૂસ્ટ કરવાનું કામ કરે છે પરંતુ જ્યારે માછલીને કૂકરમાં પકવવામાં આવે છે તો તેમાંથી નિકળતા બેક્ટેરિયા શરીરને નુક્સાન પહોંચાડી શકે છે.
(Disclaimer: આરોગ્ય અને સુખાકારી હેઠળ પ્રકાશિત સામગ્રી સામાન્ય જાણકારી ઉપલબ્ધ કરાવે છે. અહીં પ્રકાશિત લેખ તબીબ, વૈદ્ય, નિષ્ણાત અને રિસર્ચ આધારિત નિષ્કર્ષ પર છે. તમામ નિર્દેશોનું પાલન કરી વાંચકોની જાગૃતિ વધારવાના હેતુથી આ સામગ્રી તૈયાર કરાઈ છે. આ લેખ કોઈ પણ રીતે યોગ્ય ઉપચારનો વિકલ્પ નથી, વધુ જાણકારી માટે હંમેશા નિષ્ણાત કે આપના ચિકિત્સકની સલાહ લેવી. vtvgujarati.com આ જાણકારી માટે જવાબદારીનો દાવો કરતું નથી.)
