ગાંધીનગર / ગુજરાતમાં સરકારી કર્મચારીઓ માટે દિવાળીની રજાઓ જાહેર, 11 થી 15 નવેમ્બર સુધી બંધ રહેશે કચેરીઓ

• રાજ્ય સરકાર ના કર્મચારીઓ માટે 13 નવેમ્બરે રજા જાહેર કરાઇ
• 11 નવેમ્બરથી 15 નવેમ્બર સુધી સળંગ રજાઓ મળશે
• 9 ડિસેમ્બર બીજા શનિવારે સરકારી કચેરીઓ ચાલુ રહેશે

 ગુજરાત સરકારનાં સામાન્ય વહીવટ વિભાગ દ્વારા દિવાળીનાં તહેવારોને ધ્યાને લઈ મહત્વનો નિર્ણય કર્યો છે. જેમાં તા. 11.11.2023 ના રોજ બીજા શનિવારેની રજા. તા. 12.11.2023 નાં રોજ દિવાળીની રજા, તા.14.11.2023 ને મંગળવારનાં રોજ નૂતન વર્ષ દિન નિમિત્તે રજા તથા તા. 15.11.2023 નાં રોજ ભાઈબીજ નિમિત્તે રજા જાહેર કરવામાં આવી છે. 

ડિસેમ્બરનાં બીજા શનિવારે કચેરીઓ ચાલુ રહેશે
તા. 13.11.2023 નાં રોજ અધિકારી/  કર્મચારીઓ તહેવાર માણી શકે કે માટે સરકારી કચેરીઓ (પંચાયત અને રાજ્ય સરકાર બોર્ડ, કોર્પોરેશન સહિત) બંધ રહેશે. જેનાં બદલે તા. 9.12.2023 નાં રોજ બીજા શનિવારનાં રોજ તમામ કચેરીઓ ચાલુ રહેશે.