બોલિવૂડ એક્ટર દિલજીત દોસાંઝ અને પરિણીતી ચોપરાની ફિલ્મ 'ચમકિલા'નું ટ્રેલર આજે રિલીઝ કરવામાં આવ્યું છે. આ ફિલ્મમાં દિલજીત દોસાંઝ અને પરિણીતી ચોપરા બંને વાસ્તવિક જીવનના પાત્રો ભજવતા જોવા મળશે. આ ફિલ્મના ટ્રેલર લોન્ચ માટે એક ઈવેન્ટનું આયોજન કરવામાં આવ્યું હતું, જેમાં ડિરેક્ટર ઈમ્તિયાઝ અલી, મ્યુઝિક ડિરેક્ટર એઆર રહેમાન અને કૈલાશ ખેર સાથે ફિલ્મની આખી સ્ટાર કાસ્ટ જોવા મળી હતી. આ દરમિયાન દિલજીત દોસાંઝ સ્ટેજ પર રડવા લાગ્યો, તેને રડતો જોઈને બધા આશ્ચર્યચકિત થઈ ગયા. તેનો વીડિયો હવે ઝડપથી વાયરલ થઈ રહ્યો છે.
પરિણીતી ચેપરાએ અભિનેતાને શાંત પાડ્યો
જે વીડિયો સામે આવ્યો છે તેમાં તમે જોઈ શકો છો કે ડાયરેક્ટર ઈમ્તિયાઝ અલી લોકો સમક્ષ ફિલ્મ વિશે પોતાના મંતવ્યો રજૂ કરી રહ્યા છે. તે જણાવે છે કે કેવી રીતે અમર સિંહ ચમકીલાના જીવને તેમને ફિલ્મો બનાવવા માટે પ્રોત્સાહિત કર્યા. ત્યારબાદ દિલજીત દોસાંઝ ભાવુક થઈ ગયા અને જોર જોરથી રડવા લાગ્યા. તેને રડતો જોઈને બધા ભાવુક થઈ ગયા. ઇમ્તિયાઝ અલીએ પોતાનું ભાષણ ત્યાં જ પૂરું કર્યું અને પરિણીતી ચોપરાએ અભિનેતાને સંભાળીને તેને ચૂપ કરવાનું શરૂ કર્યું. હાલમાં અભિનેતાના રડવાનું કારણ બહાર આવ્યું નથી.
'ચમકિલા'માં પહેલીવાર સાથે જોવા મળશે આ જોડી
દિલજીત દોસાંઝ-પરિણીતી ચોપરાની ફિલ્મ 'ચમકિલા'ની વાર્તા ગાયક અમર સિંહ ચમકીલાના જીવન પર આધારિત છે, જેઓ પંજાબ ફિલ્મ ઈન્ડસ્ટ્રીમાં જાણીતું નામ હતું. ચમકીલાએ પહેલા ઘણા આરોપોનો સામનો કરવો પડ્યો અને બાદમાં 27 વર્ષની ઉંમરે તેની હત્યા કરવામાં આવી. આ ફિલ્મનું નિર્દેશન ઈમ્તિયાઝ અલીએ કર્યું છે. એ જ જેણે 'તમાશા' અને 'જબ વી મેટ' જેવી કલ્ટ ફિલ્મો બનાવી. આ ફિલ્મમાં દિલજીત દોસાંઝ અમર સિંહ ચમકીલાનું પાત્ર ભજવતો જોવા મળશે. અમરજોત કૌરના રોલમાં પરિણીતી ચોપરા જોવા મળશે. આ ફિલ્મમાં દિલજીત દોસાંઝ અને પરિણીતી ચોપરા પહેલીવાર સાથે કામ કરતા જોવા મળશે.
વધુ વાંચો : કરીના-કરિશ્મા અને ગોવિંદા લડશે લોકસભા ચૂંટણી! શિવસેના શિંદે જૂથમાં થઇ શકે છે સામેલ
'ચમકિલા' ક્યારે અને ક્યાં જોઈ શકશો
દિલજીત દોસાંજની 'ચમકિલા' થિયેટરોમાં રિલીઝ થશે નહીં, પરંતુ તે OTT પ્લેટફોર્મ નેટફ્લિક્સ પર રિલીઝ થશે. ફિલ્મની રિલીઝ ડેટ પણ જાહેર કરવામાં આવી છે. દિલજીત દોસાંઝ અને પરિણીતી ચોપરાની જોડી 12 એપ્રિલે એકસાથે ધૂમ મચાવશે.
VTV Gujarati Newsની તમામ અપડેટ સૌથી પહેલા મેળવવા માટે અમારી WhatsApp ચેનલ ફોલો કરો
