SHORT & SIMPLE / મોરબીનો હતભાગી યુવાન, સગાઈના દિવસે જ મોત મળ્યું, જામનગર હાઈવે પર કાર એક્સિડન્ટમાં 3ને કાળ ભેટ્યો

• જામનગર-ખંભાળિયા હાઈવે પર થયો ગમખ્વાર અકસ્માત
• ખટીયા ગામ પાસે બે કાર વચ્ચે સર્જાયો અકસ્માત
• અકસ્માતમાં 3 લોકોનાં મોત નિપજ્યા, 4 લોકો ઈજાગ્રસ્ત

જામનગર-ખંભાળિયા હાઈવે પર ખટીયા ગામ પાસે બે કાર વચ્ચે અકસ્માત સર્જાયો હતો. બે કાર વચ્ચે સર્જાયેલ ગંભીર અકસ્માતમાં 3 લોકોનાં મોત થયા છે. જ્યારે 4 જેટલા લોકો ઈજાગ્રસ્ત થયા હતા. ત્યારે ઈજાગ્રસ્તોને સારવાર અર્થે હોસ્પિટલ ખાતે ખસેડવામાં આવ્યા હતા. મળતી માહિતી મુજબ બે કાર વચ્ચે અકસ્માત કેવી રીતે સર્જાયો તેની કોઈ વિગત મળવા પામી નથી.

કારમાં સવાર ત્રણ વ્યક્તિઓનું મોત નિપજ્યા, ઘાયલોને સારવાર અર્થે ખસેડાયા

મોરબી ખાતે રહેતા પરિવારમાં પુત્રની સગાઈનો પ્રસંગ હોઈ સમગ્ર પરિવાર પુત્રની સગાઈ માટે જઈ રહ્યો હતો. પરિવારજનો પુત્રની સગાઈ માટે ખંભાળિયા જવા નીકળ્યા હતા. ત્યારે સગાઈનો પ્રસંગ પૂર્ણ કરીને પરિવાર પરત આવી રહ્યો હતો. ત્યારે ખટિયા ગામ પાસે બે કાર અથડાઈ હતી. ત્યારે કારમાં સવાર 3 વ્યક્તિઓનું મોત નિપજવા પામ્યું હતું. જ્યારે અન્ય 4 લોકોને ઈજાઓ પહોંચતા સારવાર માટે જામનગરની જીજી હોસ્પિટલ ખાતે ખસેડવામાં આવ્યા હતા. આ મામલે પોલીસે  ગુનો નોંધી વધુ તપાસ હાથ ધરી છે.